Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңының 27-бабын, Қазақстан Республикасының "Мемлекеттік мүлік туралы" Заңының 17-бабын басшылыққа ала отырып және Қазақстан Республикасы Үкіметінің 2021 жылғы 1 қыркүйектегі №590 "Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы" қаулысына сәйкес Батыс Қазақстан облысының әкімдігі ҚАУЛЫ ЕТЕДІ:
1. Қоса беріліп отырған "Батыс Қазақстан облысының мәдениет, тілдерді дамыту және архив ісі басқармасы" мемлекеттік мекемесі туралы ереже бекітілсін.
2. "Батыс Қазақстан облысының мәдениет, тілдерді дамыту және архив ісі басқармасы" мемлекеттік мекемесі заңнамамен белгіленген тәртіппен осы қаулыдан туындайтын өзге де шараларды қабылдауды қамтамасыз етсін.
3. Осы қаулының орындалуын бақылау Батыс Қазақстан облысы әкімінің орынбасары Б.Х. Нарымбетовке жүктелсін.
4. Осы қаулы алғашқы ресми жарияланған күнінен бастап қолданысқа енгізіледі.
| Облыс әкімі | Ғ.Есқалиев |
| 2022 жылғы " "__________№ Батыс Қазақстан облысы әкімдігінің қаулысымен бекітілген |
"Батыс Қазақстан облысының мәдениет, тілдерді дамыту және архив ісі басқармасы" мемлекеттік мекемесі туралы ереже
1. Жалпы ережелер
1. "Батыс Қазақстан облысының мәдениет, тілдерді дамыту және архив ісі басқармасы" мемлекеттік мекемесі (бұдан әрі - Басқарма) Батыс Қазақстан облысында мәдениет, тарихи-мәдени мұра обьектілерін қорғау және пайдалану, тіл саясатын жүргізу, архив ісі қызметі салаларындағы басшылықты жүзеге асыратын Қазақстан Республикасының мемлекеттік органы болып табылады.
2. Басқарманың мынадай ведомстволары бар:
1) "Батыс Қазақстан облысы мәдениет, тілдерді дамыту, архив ісі басқармасының Ж.Молдағалиев атындағы Батыс Қазақстан облыстық әмбебап ғылыми кітапханасы" коммуналдық мемлекеттік мекемесі;
2) "Батыс Қазақстан облысы мәдениет, тілдерді дамыту, архив ісі басқармасының Хамза Есенжанов атындағы Батыс Қазақстан облыстық балалар және жасөспірімдер кітапханасы" коммуналдық мемлекеттік мекемесі;
3) "Батыс Қазақстан облысы мәдениет, тілдерді дамыту, архив ісі басқармасының Батыс Қазақстан облыстық зағип және нашар көретін азаматтарға арналған арнаулы кітапханасы" коммуналдық мемлекеттік мекемесі;
4) "Батыс Қазақстан облысы мәдениет, тілдерді дамыту, архив ісі басқармасының Батыс Қазақстан облыстық тарихи-мәдени мұраларын қорғау жөніндегі мемлекеттік инспекциясы" коммуналдық мемлекеттік мекемесі;
5) "Батыс Қазақстан облысы мәдениет, тілдерді дамыту, архив ісі басқармасының "Батыс Қазақстан облысының мемлекеттік архиві" коммуналдық мемлекеттік мекемесі;
6) "Батыс Қазақстан облысының мәдениет, тілдерді дамыту, архив ісі басқармасының Ақжайық ауданының мемлекеттік архиві" коммуналдық мемлекеттік мекемесі;
7) "Батыс Қазақстан облысының мәдениет, тілдерді дамыту, архив ісі басқармасының Бөкей ордасы ауданының мемлекеттік архиві" коммуналдық мемлекеттік мекемесі;
8) "Батыс Қазақстан облысының мәдениет, тілдерді дамыту, архив ісі басқармасының Бөрлі ауданының мемлекеттік архиві" коммуналдық мемлекеттік мекемесі;
9) "Батыс Қазақстан облысының мәдениет, тілдерді дамыту, архив ісі басқармасының Жаңақала ауданының мемлекеттік архиві" коммуналдық мемлекеттік мекемесі;
10) "Батыс Қазақстан облысының мәдениет, тілдерді дамыту, архив ісі басқармасының Жәнібек ауданының мемлекеттік архиві" коммуналдық мемлекеттік мекемесі;
11) "Батыс Қазақстан облысының мәдениет, тілдерді дамыту, архив ісі басқармасының Бәйтерек ауданының мемлекеттік архиві" коммуналдық мемлекеттік мекемесі;
12) "Батыс Қазақстан облысының мәдениет, тілдерді дамыту, архив ісі басқармасының Казталов ауданының мемлекеттік архиві" коммуналдық мемлекеттік мекемесі;
13) "Батыс Қазақстан облысының мәдениет, тілдерді дамыту, архив ісі басқармасының Қаратөбе ауданының мемлекеттік архиві" коммуналдық мемлекеттік мекемесі;
14) "Батыс Қазақстан облысының мәдениет, тілдерді дамыту, архив ісі басқармасының Тасқала ауданының мемлекеттік архиві" коммуналдық мемлекеттік мекемесі;
15) "Батыс Қазақстан облысының мәдениет, тілдерді дамыту, архив ісі басқармасының Теректі ауданының мемлекеттік архиві" коммуналдық мемлекеттік мекемесі;
16) "Батыс Қазақстан облысының мәдениет, тілдерді дамыту, архив ісі басқармасының Шыңғырлау ауданының мемлекеттік архиві" коммуналдық мемлекеттік мекемесі;
17) "Батыс Қазақстан облысының әкімдігі мәдениет, тілдерді дамыту, архив ісі басқармасының облыстық халық шығармашылығы орталығы" мемлекеттік коммуналдық қазыналық кәсіпорны;
18) "Батыс Қазақстан облысының әкімдігі мәдениет, тілдерді дамыту, архив ісі басқармасының жастар шығармашылығы орталығы" мемлекеттік коммуналдық қазыналық кәсіпорны;
19) "Батыс Қазақстан облысының әкімдігі мәдениет, тілдерді дамыту, архив ісі басқармасының Қадыр Мырзалиев атындағы Батыс Қазақстан облыстық мәдениет және өнер орталығы" мемлекеттік коммуналдық қазыналық кәсіпорны;
20) "Батыс Қазақстан облысының әкімдігі мәдениет, тілдерді дамыту, архив ісі басқармасының Батыс Қазақстан облыстық камералық оркестрі" мемлекеттік коммуналдық қазыналық кәсіпорны;
21) "Батыс Қазақстан облысының әкімдігі мәдениет, тілдерді дамыту, архив ісі басқармасының Ғ.Құрманғалиев атындағы Батыс Қазақстан облыстық филармониясы" мемлекеттік коммуналдық қазыналық кәсіпорны;
22) "Батыс Қазақстан облысының әкімдігі мәдениет, тілдерді дамыту, архив ісі басқармасының Хадиша Бөкеева атындағы облыстық қазақ драма театры" мемлекеттік коммуналдық қазыналық кәсіпорны;
23) "Батыс Қазақстан облысының әкімдігі мәдениет, тілдерді дамыту, архив ісі басқармасының А.Н.Островский атындағы драма театры" мемлекеттік коммуналдық қазыналық кәсіпорны;
24) "Батыс Қазақстан облысының әкімдігі мәдениет, тілдерді дамыту, архив ісі басқармасының Батыс Қазақстан облыстық тарихи-өлкетану музейі" мемлекеттік коммуналдық қазыналық кәсіпорны;
25) "Батыс Қазақстан облысының әкімдігі мәдениет, тілдерді дамыту, архив ісі басқармасының Хан ордасы тарихи-мәдени, архитектуралық - этнографиялық музей-қорығы" мемлекеттік коммуналдық қазыналық кәсіпорны.
3. Басқарма өз қызметiн Қазақстан Республикасының Конституциясына және заңдарына, Қазақстан Республикасы Президентi мен Үкiметiнiң актiлерiне, өзге де нормативтiк құқықтық актiлерге, сондай-ақ осы Ережеге сәйкес жүзеге асырады.
4. Басқарма ұйымдық-құқықтық нысанындағы заңды тұлға болып табылады, Қазақстан Республикасының Мемлекеттік Елтаңбасы бейнеленген мөрлері және атауы қазақ және орыс тілдерінде жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.
5. Басқарма азаматтық-құқықтық қатынастарды өз атынан жасайды.
6. Басқарма Қазақстан Республикасының заңнамасына сәйкес уәкілеттік берілген жағдайда мемлекеттің атынан азаматтық-құқықтық қатынастардың тарапы болуға құқылы.
7. Басқарма өз құзыретiнiң мәселелерi бойынша заңнамада белгiленген тәртiппен Басқарма басшысының бұйрықтарымен және Қазақстан Республикасының заңнамасында көзделген басқа да актiлермен ресiмделетiн шешiмдер қабылдайды.
8. Басқарманың құрылымы мен штат санының лимитi Қазақстан Республикасының заңнамасына сәйкес бекiтiледi.
9. Заңды тұлғаның орналасқан жерi: индексі 090000, Қазақстан Республикасы, Батыс Қазақстан облысы, Орал қаласы, Қ.Аманжолов көшесі, 53.
10. Осы Ереже Басқарманың құрылтай құжаты болып табылады.
11. Басқарманың қызметiн қаржыландыру Қазақстан Республикасының заңнамасына сәйкес жергілікті бюджеттен жүзеге асырылады.
12. Басқармаға кәсiпкерлiк субъектiлерiмен Басқарманың өкілеттіктері болып табылатын мiндеттердi орындау тұрғысынан шарттық қарым-қатынас жасауға тыйым салынады.
Егер Басқармаға заңнамалық актiлермен кiрiс әкелетiн қызметтi жүзеге асыру құқығы берiлсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі
2. Басқарманың міндеттері мен өкілеттіктері
13. Міндеттері:
1) мәдениет, тарихи-мәдени мұра объектілерін қорғау және пайдалану;
2) қоғамдық өмірдің барлық саласында мемлекеттік тілді кең ауқымды қолдану үшін жағдай жасау, мемлекеттік тіл саясатын тиімді жүзеге асыру, сондай-ақ Батыс Қазақстан облысында тұратын халықтар тілдерін дамыту;
3) архив ісі және құжаттама жасау саласында мемлекеттік саясатты іске асыру.
14. Өкілеттіктері:
1) құқықтары:
Басқарма өзiне жүктелген мiндеттердi және өзiнiң функцияларын жүзеге асыру үшін заңнамада бекiтiлген тәртiппен:
егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға;
мемлекеттік органдардан, өзге де ұйымдардан, лауазымды тұлғалардан және азаматтардан қажетті ақпаратты сұратуға және алуға;
өз құзыретіне кіретін мәселелер бойынша кеңестер, семинарлар, конференциялар өткізуге;
Қазақстандағы тілдік әралуандықты сақтауға;
облыс әкімдігіне мемлекеттік қызметтер көрсету процесін, архив ісі және құжат жасауды жетілдіру бойынша ұсыныстар енгізуге;
облыс аумағында Ұлттық архив қоры құрамына жатқызылған және жеке архивтерде сақталатын құжаттардың сақталуын бақылауға құқылы.
2) міндеттері:
заңды және негiзделген шешiмдер қабылдау;
қабылданған шешiмдердiң орындалуын бақылауды қамтамасыз ету;
жеке тұлғаларды және заңды тұлғалардың өкілдерін қабылдауды ұйымдастыру;
жеке және заңды тұлғалардың Басқармаға жолдаған өтініштерін қарау, олардың орындалуын бақылау, Қазақстан Республикасының заңнамасында белгіленген жағдайларда және тәртіппен оларға жауаптар беру;
мемлекеттік қызмет көрсету сапасына бағалау жүргізу үшін мемлекеттік қызмет көрсету сапасын бағалау және мемлекеттік қызметтің көрсетілу сапасына бақылау жүргізу жөніндегі уәкілетті органға, ақпараттандыру саласындағы уәкілетті органға тиісті ақпарат беру;
мемлекеттік қызметтер стандарттарының қолжетімділігін қамтамасыз ету;
мәдениет, тіл және архив ісі саласындағы мемлекеттік саясатты іске асыру;
Қазақстан Республикасы халқының мәдениетін қайта түлетуге, сақтауға, дамытуға және таратуға бағытталған шаралар қабылдау;
ұлттық және әлемдік мәдениет құндылықтарына баулу арқылы азаматтарды отаншылдыққа және эстетикалық тәрбиелеуге жағдайлар жасау;
мәдени құндылықтарға еркін қол жеткізуді қамтамасыз ету;
халыққа мәдени қызмет етудің мемлекеттік ең төменгі стандарттарын белгілеу;
мемлекеттік мәдениет ұйымдарының инфрақұрылымын дамытуды қамтамасыз етуге және материалдық-техникалық базасын нығайту;
дарынды тұлғаларды қолдауды қамтамасыз ету;
мәдениет саласында Қазақстан Республикасының конституциялық құрылысын күштеп өзгертуге, тұтастығын бұзуға, мемлекет қауіпсіздігіне нұқсан келтіруге, соғысқа, әлеуметтік, нәсілдік, ұлттық, діни, топтық-тектік және рулық астамшылыққа, сондай-ақ қатыгездікке және зорлық-зомбылыққа табынуды насихаттауға немесе үгіттеуге жол бермеу жөнінде шаралар қолдану;
мәдени құндылықтардың заңсыз әкетілуіне және әкелуіне, оған меншік иесі құқығының басқаға заңсыз берілуіне тосқауыл қою, оларды кез келген заңсыз иеленуден қайтарып алуға шаралар қолдану;
мәдениет саласындағы халықаралық ынтымақтастық үшін жағдайлар жасау;
Қазақстан Республикасының заңдарына сәйкес азаматтардың ұлттық- мәдени бірлестіктерге қатысу еркіндігін, мәдениет ұйымдарын құру, шетелдердегі отандастармен мәдени байланыстарды кеңейтуге қатысуды қоса алғанда, ұлттық және мәдени өзіндік ерекшелігін қорғау және дамыту құқықтарын іске асыруды қамтамасыз ету;
мәдениет саласында ғылыми және білім беру қызметін жүзеге асыратын ұйымдарды қолдау;
Қазақстан халқының ұлттық мәдени игілігі мен мәдени мұрасын қорғауға және дамытуға, Қазақстан Республикасының бірыңғай мәдени кеңістігін нығайтуға бағытталған іс-шараларды ұйымдастыру және өткізу, сондай-ақ іс-шараларды қолдау;
мемлекеттік тілді қолдану мәртебесін арттыру;
мемлекеттік тілге сұранысты арттыру;
қазақ тілінің лексикалық қорын жетілдіру және жүйелеу;
ағылшын және басқа да шет тілдерін оқытып-үйрету;
Қазақстан Республикасының ұлттық архив қорының құжаттарын сақтауды, толықтыруды, есепке алуды және пайдалануды қамтамасыз ету;
Қазақстан Республикасының қолданыстағы заңнамасында қарастырылған өзге де міндеттерді жүзеге асыруға міндетті.
15. Функциялары:
1) мәдениет, тілдерді дамыту, архив iсi саласындағы мемлекеттік саясатты іске асырады;
2) театр, музыка және кино өнерi, мәдени-демалыс қызметi, кiтапхана және музей iсi саласында облыстың мемлекеттiк мәдениет ұйымдарын құру, қайта ұйымдастыру, тарату туралы облыс әкімдігі қаулысының жобаларын әзірлейді;
3) театр, музыка және кино өнерiн, мәдени-демалыс қызметi мен халық шығармашылығын, кiтапхана және музей iсiн дамыту бойынша облыстың мемлекеттiк мәдениет ұйымдарының қызметiн қолдайды және үйлестiредi, облыстың мәдениет саласындағы тиісті мекемелерінің қызметiн қамтамасыз етедi;
4) шығармашылық қызметтiң түрлi салаларында облыстық (өңiрлiк) байқаулар, фестивальдер және конкурстар өткізуді ұйымдастырады;
5) уәкілетті органмен келісім бойынша шығармашылық қызметтің түрлі салаларында республикалық конкурстар мен фестивальдер өткізуді ұйымдастырады;
6) өңірлік көркемдік кеңес құру және ол туралы ережені бекіту туралы облыс әкімдігі қаулысының жобасын әзірлейді;
7) облыстың мәдени құндылықтарын есепке алу, қорғау, консервациялау және реставрациялау, сондай-ақ пайдалану және елдiң көрнектi мәдениет қайраткерлерiн мәңгi есте қалдыру жөнiндегi жұмысты ұйымдастырады;
8) мәдени құндылықтарды уақытша әкету жөнiндегі сараптама комиссиясын құру және ол туралы ережені бекіту туралы облыс әкімдігі қаулысының жобасын әзірлейді;
9) тиісті аумақта орналасқан мәдениет ұйымдарының қызметiне мониторингтi жүзеге асырады және уәкілетті органға ақпарат, сондай-ақ белгіленген нысанда статистикалық есептер бередi;
10) облыстық деңгейде сауықтық мәдени-бұқаралық iс-шаралар өткiзудi жүзеге асырады;
11) облыстың мемлекеттiк мәдениет ұйымдарын аттестаттаудан өткiзедi;
11-1) облыстық деңгейде сала қызметкерлерін мемлекеттік, ведомстволық наградаға ұсыну және құжаттарын дайындау;
12) өз құзыретi шегiнде мәдениет саласындағы коммуналдық меншiктi басқаруды жүзеге асырады;
13) облыстың мәдени мақсаттағы объектiлерiн салу, реконструкциялау және жөндеу бойынша тапсырыс беруші болады;
14) тарихи-мәдени мұраны сақтау жөнiндегi жұмысты ұйымдастырады, тарихи, ұлттық және мәдени дәстүрлер мен салттардың дамуына ықпал етеді;
15) мәдени құндылықтарды уақытша әкету құқығына куәлік береді;
16) облыстың мемлекеттiк кiтапханаларының бiрiне "Орталық" мәртебесiн беру туралы облыс әкімдігі қаулысының жобасын әзірлейді;
17) талантты жастарды және перспективалы шығармашылық ұжымдарды іздестіруге және қолдауға бағытталған іс-шаралар кешенін жүзеге асырады;
18) мәдениет саласында әлеуметтік маңызы бар іс-шаралар өткізуді жүзеге асырады;
19) ұлттық мәдени игілік объектілерінің айрықша режимінің сақталуын қамтамасыз етеді;
20) бюджет қаражаты көлемі шегінде балалар мен жасөспірімдерге арналған шығармашылық үйірмелерді қаржыландыруға мемлекеттік шығармашылық тапсырысты бекітеді;
21) мемлекеттік шығармашылық тапсырыстың көрсетілетін қызметтерін берушілердің меншік нысанына, олардың ведомстволық бағыныстылығына, типтері мен түрлеріне қарамастан, балалар мен жасөспірімдерге арналған шығармашылық үйірмелерде мемлекеттік шығармашылық тапсырысты орналастыруды қамтамасыз етеді;
22) электрондық және жалпыға қолжетімді форматтарда мемлекеттік шығармашылық тапсырысты орналастырудың, оның сапасын бақылаудың және нысаналы игерілуінің барлық кезеңдері мен рәсімдерінің орындалуын қамтамасыз етеді;
23) тарихи-мәдени мұра объектілерін анықтауды, есепке алуды, сақтауды, зерделеуді, пайдалануды және олардың жай-күйін мониторингтеуді қамтамасыз етеді;
24) тарих және мәдениет ескерткіштеріндегі ғылыми-реставрациялық жұмыстарды жүргізуді қамтамасыз етеді;
25) тиiстi аумақтардың экономикалық және әлеуметтiк даму жоспарларында жергiлiктi маңызы бар тарих және мәдениет ескерткіштерін есепке алуды, сақтауды, зерделеуді, оларға ғылыми-реставрациялық жұмыстарды және археологиялық жұмыстарды ұйымдастыру жөнiндегi iс-шараларды көздейдi;
26) тарих және мәдениет ескерткіштеріндегі ғылыми-реставрациялық жұмыстарды және (немесе) археологиялық жұмыстарды жүзеге асыру жөніндегі қызметті лицензиялауды келіседі;
27) уәкiлеттi органмен келiсу бойынша қала құрылысы жобаларын әзiрлеу және бекiту кезiнде барлық санаттағы тарих және мәдениет ескерткiштерiн анықтау, зерделеу, сақтау жөнiндегi іс-шараларды орындауды, тиісті жергілікті жердің тарихи-сәулет тiрек жоспарларын және карта-схемаларын жасауды қамтамасыз етедi;
28) тиісті елді мекендердің бас жоспарларына тарихи-сәулет тiрек жоспарларын енгізу жөніндегі жұмысты жүргізеді;
29) қорғау мiндеттемелерiн ресiмдейдi және береді, тарих және мәдениет ескерткішінің меншiк иелерi мен пайдаланушыларының оларды орындауын бақылайды;
30) тарих және мәдениет ескерткіштерін қорғау жөніндегі комиссияларды құру және ол туралы ережені бекіту туралы облыс әкімдігі қаулысының жобасын әзірлейді;
31) монументтік өнер құрылыстарын орнату жөніндегі жұмысты жүргізеді;
32) мемориалдық тақталарды орнату жөніндегі жұмысты жүргізеді;
33) жергілікті маңызы бар тарих және мәдениет ескерткiштерiне жоспарланатын ғылыми-реставрациялық жұмыстардың ғылыми-жобалау құжаттамасын қарайды және келiседi;
34) уәкілетті органмен келісу бойынша тарихи-мәдени мұра объектiлерiн тарихи-мәдени сараптама қорытындысы негізінде жергілікті маңызы бар тарих және мәдениет ескерткiштерi деп таниды және оларды жергілікті маңызы бар тарих және мәдениет ескерткіштерінің мемлекеттік тізіміне қосады;
35) уәкілетті органмен келісу бойынша жергілікті маңызы бар тарих және мәдениет ескерткішін тарихи-мәдени сараптама қорытындысы негізінде мәртебесінен айырады және оны жергілікті маңызы бар тарих және мәдениет ескерткіштерінің мемлекеттік тізімінен алып тастайды;
36) Қазақстан Республикасының тарих және мәдениет ескерткіштерін қорғау және пайдалану туралы заңнамасын бұзатын жеке және заңды тұлғаларды жауапкершілікке тарту туралы өтініш жасайды;
37) Қазақстан Республикасының Әкімшілік құқық бұзушылық туралы заңнамасында көзделген негіздерде және тәртіппен әкімшілік ықпал етудің шараларын қолданады;
38) өз құзыреті шегінде жұмылдыру дайындығы және жұмылдыру саласындағы шараларды іске асырады;
39) бағыныстағы коммуналдық заңды тұлғалар мүлкінің пайдалануына және сақталуына бақылау жасайды;
40) ведомстволық бағынысты коммуналдық кәсіпорындардың даму жоспарларын келіседі, орындалуын бақылайды және талдайды, іске асырылуын мониторингілейді және бағалайды;
41) ведомстволық бағынысты коммуналдық заңды тұлғалардың мүлкін есептен шығаруға келісім береді.
42) орталық атқарушы органдардың аумақтық бөлiмшелерiнiң және аудандық атқарушы органдардың Қазақстан Республикасының тiл туралы заңдарын сақтауын бақылауды жүзеге асырады;
43) деректемелер мен көрнекі ақпаратты орналастыру бөлігінде Қазақстан Республикасының тiл туралы заңнамасының сақталуын бақылауды жүзеге асырады;
44) Қазақстан Республикасының тіл туралы заңнамасында белгіленген талаптардың бұзылуын жою туралы ұсынымдар береді, Қазақстан Республикасының әкімшілік құқық бұзушылық туралы заңнамасында көзделген негізде және тәртіппен әкімшілік ықпал ету шараларын қолданады;
45) мемлекеттiк тiлдi және басқа тiлдердi дамытуға бағытталған облыстық маңызы бар шаралар кешенiн жүзеге асырады;
45-1) азаматтарды тіл қағидаты бойынша кемсітушілікке жол бермеу жөнінде түсіндіру жұмыстарын жүргізу;
46) ұлттық-мәдени бірлестіктердің ана тілдерін дамыту мәселесі бойынша қызметтерін үйлестіреді;
47) Батыс Қазақстан облысында тұратын Қазақстан Республикасы азаматтарына мемлекеттік тілді оқытуды ұйымдастырады;
48) Қазақстан Республикасы азаматтарының ағылшын тілін меңгеруі үшін жағдай жасайды;
49) облыстық ономастика комиссиясының қызметiн қамтамасыз етеді;
50) облыс аумағында архив ісі және құжат жасауда бірыңғай мемлекеттік саясатты іске асырады;
51) облыстың мемлекеттік архивтерінің сақтауына қабылданған Ұлттық архив қорының құжаттарын сақтауды, толықтыруды және пайдалануды ұйымдастырады;
52) облыстың мемлекеттік архивтерінде сақталатын Ұлттық архив қоры құжаттарын мемлекеттiк есепке алуды жүргiзеді және олардың сақталуын қамтамасыз етеді;
53) коммуналдық меншiктегi тарихи және мәдени құжаттық ескерткіштердің қорғалуын, олардың сақталуы мен пайдаланылуын ұйымдастырады;
54) құжаттардың ғылыми және практикалық құндылығына сараптама жүргiзудi ұйымдастырады;
55) облыстың мемлекеттік архивтерінде сақталатын Ұлттық архив қорының құжаттары бойынша деректер қорын қалыптастыруын үйлестіреді;
56) облыстың аумағында орналасқан Ұлттық архив қорын толықтыру көздері болып табылатын ұйымдарда iс жүргiзудiң жай-күйiне, құжаттардың сақталуына ұйымдастырушылық-әдiстемелiк басшылықты және бақылауды жүзеге асырады;
57) Ұлттық архив қорының құжаттарын мемлекеттiң, жеке және заңды тұлғалардың сұрауларын қанағаттандыру үшiн пайдаланады;
58) сараптау-тексеру комиссиясы туралы ереженi облыс әкімдігіне бекітуге енгізеді;
59) облыстың тарихы бойынша архивтік құжаттарды жинауды және кері қайтаруды жүзеге асырады;
60) жергілікті мемлекеттік басқару мүддесінде Қазақстан Республикасының заңнамасымен облыстың жергілікті атқарушы органдарына жүктелетін өкілеттіктерді жүзеге асырады.
Ескерту. 15-тармаққа өзгерістер енгізілді - Батыс Қазақстан облысы әкімдігінің 26.01.2024 № 22 қаулысымен3-тарау. Басқарманың бірінші басшысының мәртебесі, өкілеттіктері
16. Басқарманы басқаруды бірінші басшы жүзеге асырады, ол Басқармаға жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
17. Басқарманың бірінші басшысы Қазақстан Республикасының заңнамасына сәйкес лауазымға тағайындалады және лауазымнан босатылады.
18. Басқарманың бірінші басшысының Қазақстан Республикасының заңнамасына сәйкес лауазымға тағайындалатын және лауазымнан босатылатын орынбасарлары болады.
19. Басқарманың бірінші басшысының өкілеттігі:
1) өз өкілеттігін жүзеге асыру кезінде облыс әкімі мен облыс әкімінің жетекшілік ететін орынбасарына есеп береді;
2) өз құзыреті шегінде мемлекеттiк органдарда және өзге де ұйымдарда Басқарманың мүддесін бiлдiредi;
3) еңбек қатынастары мәселелері өз құзыретіне жататын Басқарма қызметкерлерін заңнамаға сәйкес қызметке тағайындайды және қызметтен босатады;
4) бөлім басшыларының міндеттерін анықтайды;
5) стратегиялық және бағдарламалық құжаттардың әзірленуін қамтамасыз етеді;
6) Басқарма қызметкерлеріне заңнамада белгіленген тәртіппен тәртіптік жаза қолданады және көтермелеу шараларын қабылдайды;
7) өз құзыреті шегінде бұйрықтар шығарады, нұсқаулар береді, қызметтік және қаржы құжаттамасына қол қояды;
8) бөлімдердің ережелерін бекітеді;
9) шарттар жасасады;
10) сенімхаттар береді;
11) мемлекеттік органдарда және өзге де ұйымдарда сенімхатсыз Басқарманың мүддесін білдіреді;
12) сыбайлас жемқорлыққа қарсы іс-қимыл жөніндегі жұмысты ұйымдастыруға дербес жауапты болады;
13) Басқарманың жұмысын ұйымдастырады, үйлестіреді және бақылайды;
14) облыс әкімдігі мен әкімінің актілері мен тапсырмаларын орындайды;
15) өз құзыреті шегінде нормативтік құқықтық актілердің жобаларын әзірлеуді ұйымдастырады;
16) қызметтік этика нормаларының сақталуын қамтамасыз етеді;
17) гендерлік теңдік саясатын жүзеге асырады;
18) жеке тұлғаларды және заңды тұлғалардың өкілдерін жеке қабылдау кестесін бекітеді.
Басқарманың бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.
20. Бірінші басшы өз орынбасарларының өкілеттіктерін қолданыстағы заңнамаға сәйкес айқындайды.
4. Басқарманың мүлкі
21. Басқарманың заңнамада көзделген жағдайларда жедел басқару құқығында оқшауланған мүлкі болуы мүмкін.
Басқарманың мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді коса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
22. Басқармаға бекітілген мүлік коммуналдық меншікке жатады.
23. Егер заңнамада өзгеше көзделмесе, Басқарма өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.
5. Басқарманы қайта ұйымдастыру және тарату
24. Басқарманы қайта ұйымдастыру және тарату Қазақстан Республикасының заңнамасына сәйкес жүзеге асырылады.
