Астана қаласының мәслихаты ШЕШТІ:
1. Нұр-Сұлтан қаласы мәслихатының 2019 жылғы 27 маусымдағы № 395/52-VI "Нұр-Сұлтан қаласы бойынша қоршаған ортаға эмиссия үшін төлемақы ставкаларын бекіту туралы" шешіміне (Нормативтік құқықтық актілерді мемлекеттік тіркеу тізілімінде № 1235 болып тіркелген) келесі өзгерістер енгізілсін:
көрсетілген шешімнің атауы жаңа редакцияда жазылсын:
"Астана қаласы бойынша қоршаған ортаға жағымсыз әсер еткені үшін төлемақы ставкаларын бекіту туралы";
көрсетілген шешімнің кіріспе сөзі жаңа редакцияда жазылсын:
"Салық және бюджетке төленетін басқа да міндетті төлемдер туралы (Салық кодексі)" Қазақстан Республикасы кодексі 576-бабы 8-тармағын басшылыққа ала отырып, Астана қаласының мәслихаты ШЕШТІ:";
көрсетілген шешімнің 1-тармағы жаңа редакцияда жазылсын:
"1. Астана қаласы бойынша қоршаған ортаға жағымсыз әсер еткені үшін төлемақы ставкалары осы шешімге қосымшаға сәйкес бекітілсін.";
көрсетілген шешімге қосымша осы шешімге қосымшаға сәйкес жаңа редакцияда жазылсын.
2. Осы шешім алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Астана қаласы мәслихатының төрағасы |
Е. Каналимов |
| Астана қаласы мәслихатының 2023 жылғы 30 маусымдағы № 44/5-VIII шешіміне қосымша |
|
| Астана қаласы мәслихатының 2019 жылғы 27 маусымдағы № 395/52-VI шешіміне қосымша |
Астана қаласы бойынша қоршаған ортаға жағымсыз әсер еткені үшін төлемақы ставкалары
1. Қозғалмалы көздерден атмосфералық ауаға ластағыш заттардың шығарындылары үшін төлемақы ставкалары мыналарды құрайды:
Р/с | Отын түрі | Пайдаланған отынның 1 тоннасы үшін ставка (айлық есептік көрсеткіш) |
1. | Этилденбеген бензин | 0,66 |
2. | Дизель отыны | 0,9 |
3. | Сұйытылған, сығылған газ | 0,35 |
4. | Керосин | 0,48 |
2. "Салық және бюджетке төленетін басқа да міндетті төлемдер туралы (Салық кодексі)" Қазақстан Республикасы кодексі 576-бабының 2, 3, 5, 6-тармақтарына сәйкес төлемақы ставкалары өзгеріссіз қабылдансын.
____________________________
