"Сауда қызметін реттеу туралы" Қазақстан Республикасы Заңының 8-бабына, "Әлеуметтік маңызы бар азық-түлік тауарларына бөлшек сауда бағаларының шекті мәндерін және оларға бөлшек сауда бағаларының шекті рұқсат етілген мөлшерін белгілеу қағидаларын бекіту туралы" Қазақстан Республикасы Ұлттық экономика министрінің міндетін атқарушының 2015 жылғы 30 наурыздағы № 282 (Нормативтік құқықтық актілерді мемлекеттік тіркеу тізілімінде № 11245 тіркелген) бұйрығына сәйкес Ақтөбе облысының әкімдігі ҚАУЛЫ ЕТЕДІ:
1. Ақтөбе облысында 2023 жылға арналған әлеуметтік маңызы бар азық-түлік тауарларына бөлшек сауда бағаларының шекті мәндері осы қаулыға қосымша сәйкес бекітілсін.
2. "Ақтөбе облысының кәсіпкерлік баскармасы" мемлекеттік мекемесі заңнамада белгіленген тәртіппен осы қаулыны қазақ және орыс тілдерінде Қазақстан Республикасының нормативтік құқықтық актілерінің Эталондық бақылау банкіне ресми жариялау және енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді қамтамасыз етсін.
3. Осы қаулының орындалуын бақылау Ақтөбе облысы әкімінің жетекшілік ететін орынбасарына жүктелсін.
4. Осы қаулы оның алғашқы ресми жарияланған күнінен кейін қолданысқа енгізіледі.
| Ақтөбе облысының әкімі | Е. Тоғжанов |
| Жобаны ұсынушы: | |
|
"Ақтөбе облысының кәсіпкерлік басқармасы" ММ басшысы Н. Тлеумұратов |
| Ақтөбе облысы әкімдігінің 2023 жылғы 31 қаңтардағы № 25 қаулысына қосымша |
Ақтөбе облысында 2023 жылға арналған әлеуметтік маңызы бар азық-түлік тауарларына бөлшек сауда бағаларының шекті мәндері
Ескерту. Қосымша жаңа редакцияда - Ақтөбе облысы әкімдігінің 24.03.2023 № 76 қаулысымен (алғашқы ресми жарияланған күнінен кейін қолданысқа енгізіледі).
№ | Тауарлар атауы | Бірінші тоқсан (теңге) | Екінші тоқсан (теңге) | Үшінші тоқсан (теңге) | Төртінші тоқсан (теңге) |
1 | Бірінші сортты бидай ұны, килограмм | 225 | 257 | 267 | 269 |
2 | Бірінші сортты ұннан жасалған бидай наны (пішінді), килограмм | 162 | 163 | 163 | 163 |
3 | Рожки (өлшеніп салынатын), килограмм | 459 | 483 | 504 | 508 |
4 | Қарақұмық жармасы (дән, өлшеніп салынатын), килограмм | 704 | 752 | 796 | 798 |
5 | Тазартылған күріш (домалақ дәнді, өлшеніп салынатын), килограмм | 595 | 603 | 634 | 662 |
6 | Картоп, килограмм | 175 | 280 | 202 | 172 |
7 | Асханалық сәбіз, килограмм | 195 | 341 | 218 | 180 |
8 | Басты пияз, килограмм | 124 | 172 | 132 | 126 |
9 | Ақ қауданды қырыққабат, килограмм | 126 | 96 | 99 | 108 |
10 | Ақ қант - құмшекер, килограмм | 507 | 557 | 593 | 633 |
11 | Күнбағыс майы, литр | 896 | 907 | 994 | 1098 |
12 | Сиыр еті (сүйекті жауырын-төс бөлігі), килограмм | 2198 | 2254 | 2294 | 2335 |
13 | Тауық еті (сан сүйек және іргелес жұмсақ еті бар сан жілік), килограмм | 1192 | 1274 | 1318 | 1319 |
14 | Пастерленген сүт, майлылығы 2,5%, жұмсақ қаптамада, литр | 267 | 268 | 272 | 279 |
15 | Айран, майлылығы 2,5%, жұмсақ қаптамада, литр | 295 | 292 | 295 | 295 |
16 | Сары май (тұздалмаған, майлылығы кемінде 72,5% толықтырғыштар және өсімдік майлары жоқ), килограмм | 2973 | 3000 | 3027 | 3031 |
17 | Тауық жұмыртқасы (I санатты), 10 дана | 386 | 319 | 346 | 449 |
18 | Ac тұзы ("Экстра" - дан басқа), килограмм | 59 | 60 | 66 | 67 |
19 | Сүзбе: майлылығы 5-9%, килограмм | 1663 | 1673 | 1679 | 1704 |
