Қазақстан Республикасының "Қазақстан Республикасындағы жергілікті мемлекеттік басқару және өзін-өзі басқару туралы" Заңына, Қазақстан Республикасы Үкіметінің 2021 жылғы 1 қыркүйектегі №590 "Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы" Қаулысына, "Тұрғын үй инспекциясы туралы үлгілік ережені бекіту туралы" Қазақстан Республикасы Ұлттық экономика министрінің 2015 жылғы 20 наурыздағы № 241 (Нормативтік құқықтық актілерді мемлекеттік тіркеу тізілімінде № 10571 болып тіркелген) бұйрығына сәйкес, Қарқаралы ауданының әкімдігі ҚАУЛЫ ЕТЕДІ:
1. Осы қаулының қосымшасына сәйкес "Қарқаралы ауданының тұрғын үй инспекциясы бөлімі" мемлекеттік мекемесінің Ережесі бекітілсін.
2. Қарқаралы ауданы әкімдігінің 2023 жылғы 12 мамырдағы № 118 "Қарқаралы ауданының тұрғын үй инспекциясы бөлімі" мемлекеттік мекемесінің Ережесін бекіту туралы қаулының күші жойылсын.
3. "Қарқаралы ауданының тұрғын үй инспекциясы бөлімі" мемлекеттік мекемесі Қазақстан Республикасының заңнамасында белгіленген тәртіппен осы қаулыдан туындайтын барлық қажетті шараларды қабылдасын.
4. Осы қаулының орындалуын бақылау Қарқаралы ауданы әкімінің жетекшілік ететін орынбасарына жүктелсін.
5. Осы қаулы алғашқы ресми жарияланған күнінен бастап қолданысқа енгізіледі.
| Қарқаралы ауданының әкімі | Ә.Арғынов |
| Қарқаралы ауданы әкімдігінің 2024 жылғы "30" қыркүйектегі № 292 қаулысымен бекітілді |
"Қарқаралы ауданының тұрғын үй инспекциясы бөлімі" мемлекеттік мекемесінің ЕРЕЖЕСІ
1. Жалпы ережелер
1. "Қарқаралы ауданының тұрғын үй инспекциясы бөлімі" мемлекеттік мекемесі – Қарағанды облысы Қарқаралы ауданының тұрғын үй қатынастары саласындағы мемлекеттік саясаттың негізгі бағыттарын іске асыратын және тұрғын үй қорын басқару саласында басшылықты жүзеге асыратын мемлекеттік органы болып табылады.
2. "Қарқаралы ауданының тұрғын үй инспекциясы бөлімі" мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметі актілеріне, жоғары тұрған мемлекеттік органдардың нормативтік құқықтық актілеріне, сондай-ақ осы ережеге сәйкес жүзеге асырады.
3. "Қарқаралы ауданының тұрғын үй инспекциясы бөлімі" мемлекеттік мекемесі ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідей бланкілері, сондай-ақ Қазақстан Республикасының Азаматтық және Бюджеттік кодекстеріне сәйкес қазынашылық органдарында шоттары бар.
4. "Қарқаралы ауданының тұрғын үй инспекциясы бөлімі" мемлекеттік мекемесі азаматтық - құқықтық қатынастарға өз атынан түседі.
5. "Қарқаралы ауданының тұрғын үй инспекциясы бөлімі" мемлекеттік мекемесі Қазақстан Республикасының Азаматтық кодексіне сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
6. "Қарқаралы ауданының тұрғын үй инспекциясы бөлімі" мемлекеттік мекемесі өз құзыретінің мәселелері бойынша "Қарқаралы ауданының тұрғын үй инспекциясы бөлімі" мемлекеттік мекемесі басшысының бұйрықтарында және Қазақстан Республикасының Әкімшілік рәсімдік-процестік және Азаматтық кодекстерінде көзделген басқа да актілерімен рәсімделетін шешімдер қабылдайды.
7. "Қарқаралы ауданының тұрғын үй инспекциясы бөлімі" мемлекеттік мекемесінің құрылымы мен штат санының лимиті Қазақстан Республикасының 2008 жылғы 15 сәуірдегі № 339 Үкімет қаулысымен бекітілген министрліктер мен өзге де орталық атқарушы органдардың аумақтық органдары мен оларға ведомстволық бағынысты мемлекеттік мекемелердің санын ескере отырып олардың штат санының лимиттеріне сәйкес бекітіледі.
8. Заңды тұлғаның орналасқан жері: 100800, Қазақстан Республикасы, Қарағанды облысы, Қарқаралы ауданы, Қарқаралы қаласы, Ә.Бөкейханов көшесі, 55 құрылыс.
9. Мемлекеттік мекеменің толық атауы: мемлекеттік тілінде - "Қарқаралы ауданының тұрғын үй инспекциясы бөлімі" мемлекеттік мекемесі, орыс тілінде - государственное учреждение "Отдел жилищной инспекции Каркаралинского района".
10. Осы ереже "Қарқаралы ауданының тұрғын үй инспекциясы бөлімі" мемлекеттік мекеменің құрылтай құжаты болып табылады.
11. "Қарқаралы ауданының тұрғын үй инспекциясы бөлімі" мемлекеттік мекемесін қаржыландыру республикалық және жергілікті бюджеттерінен, Қазақстан Республикасы Ұлттық Банкі бюджетінен (сметасынан) жүзеге асырылады.
12. "Қарқаралы ауданының тұрғын үй инспекциясы бөлімі" мемлекеттік мекемесінің қызметін жүзеге асыру кезінде осындай қызметтен тұскен қаражат Қарқаралы ауданының бюджетінің кірісіне жіберіледі.
2. Мемлекеттік мекеменің миссиясы, негізгі міндеттері, функциялары, құқықтары мен міндеттері
13. Миссиясы:
1) ауданның тұрғын үй қорын басқару, жеңілдік санатындағы азаматтарды тұрғын үймен қамтамасыз ету.
14. Міндеттері:
1) "Тұрғын үй қатынастары туралы" Қазақстан Республикасының Заңына сәйкес, тұрғын үйге мұқтаж деп танылған азаматтарды тұрғын үймен қамтамасыз ету;
2) кондоминиум қатысушыларының ортақ мүлкін тексеру арқылы тұрғын үй қоры саласында мемлекеттік бақылауды жүзеге асырады.
3) тұрғын үй қорын басқару, газ және газбен жабдықтау саласында мемлекеттік бақылау;
4) өнеркәсіптік қауіпсіздік саласында қауіпті техникалық құрылғыларды қауіпсіз пайдалану талаптарының сақталуын мемлекеттік қадағалау
15. Функциялары:
1) ауданның мемлекеттік тұрғын үй қорына түгендеу бойынша іс-шаралар ұйымдастыру және жүргізу;
2) тұрғын үй жағдайын жақсартуды талап ететін азаматтардың есебі жағдайын талдау және сәйкес ұсыныстарды аудан әкіміне қарауға ұсыну;
3) мемлекеттік тұрғын үй қорынан тұрғын үй алуға азаматтарды кезекке қою;
4) мемлекеттік тұрғын үй қорынан тұрғын үй алуға азаматтардың бөлек тізімдерін жүргізу;
5) иесіз тастанды пәтерлерді сот тәртібімен Қарқаралы ауданының коммуналдық меншігіне беру;
6) мемлекеттік тұрғын үй қорынан тұрғын үйге құқығынан айырылған тұлғаларды сот тәртібімен растау;
7) мемлекеттік тұрғын үй қорынан заңсыз тұрып жатқан азаматтарды шығару;
8) өз құзыреті аясында ақпараттық жүйелерді қолдану арқылы электрондық қызметтерді пайдалану заңнамасына сәйкес қолдану.
9) кондоминиум объектілерінің ортақ мүлкін техникалық тексеруді ұйымдастыру;
10) кондоминиумның ортақ мүлкіне күрделі жөндеудің жекелеген түрлерін жүргізудің тізбесін, кезеңдерін және кезектілігін айқындау;
11) тұрғын үй көмегінің қатысуымен қаржыландырылатын кондоминиум объектісін басқару органдарына ұсынылған кондоминиум объектісінің ортақ мүлкіне күрделі жөндеудің жекелеген түрлерін жүргізуге арналған шығыстар сметасын келісу;
12) кондоминиум объектісінің ортақ мүлкіне күрделі жөндеудің жекелеген түрлері бойынша орындалған жұмыстарды қабылдау жөніндегі комиссияларға қатысу;
13) кондоминиум объектілеріне техникалық паспорттар мең жерге орналастыру құжаттары дайындау;
14) әкімшілік құқық бұзушылық туралы істерді қарау және хаттамаларды жасау;
15) Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 42-бабында қарастырылған жағдайда кондоминиум объектілерін басқару органының функцияларын жүзеге асыратын қызмет көрсететін ұйымды айқындау;
16) кондоминиум объектісінің үй-жайларының (пәтерлерінің) меншік иелері өтініш жасаған кезде кондоминиум объектісін басқару жөніндегі есептің бар-жоғына тексеру жүргізу.
17) елді мекендердің шекаралары шегінде тұрғын үй қорын басқару, газ және газбен жабдықтау салаларындағы әлеуметтік инфрақұрылым объектілерінде бақылау субъектілеріне қатысты мемлекеттiк бақылау, сондай-ақ елді мекендердің шекаралары шегінде өнеркәсіптік қауіпсіздік саласындағы әлеуметтік инфрақұрылым объектілерінде қадағалау субъектілеріне қатысты қауіпті техникалық құрылғыларды қауіпсіз пайдалану талаптарының сақталуына мемлекеттік қадағалау.
16. Құқықтары мен міндеттері:
1) облыс, аудан әкімі аппаратында және мекемелерде өткізілетін отырыстарға, кеңестерге, іс-шараларға қатысу;
2) кәсіпорындар, ұйымдар және мекемелерден өзіне жүктелген міндеттерді орындауға қажетті ақпараттар, құжаттар және басқа да материалдарды сұрату және алу;
3) мемлекеттік және мемлекеттік емес органдар және ұйымдармен қызметтік хат алмасу;
4) аудан аумағында орналасқан ұйымдар, мекемелер және кәсіпорындардың басшыларын проблемалық мәселелерді шешуге қатыстыру;
5) "Қарқаралы ауданының тұрғын үй инспекциясы бөлімі" мемлекеттік мекемесінің құзыретіне кіретін мәселелер бойынша белгіленген тәртіпте мәжілістерді шақыру;
6) "Қарқаралы ауданының тұрғын үй инспекциясы бөлімі" мемлекеттік мекемесінің жанында комиссиялар, кеңес беру және қоғамдық кеңестер, сараптамалық топтарды белгіленген тәртіпте құру;
7) "Тұрғын үй қатынастары туралы" Қазақстан Республикасының Заңына сәйкес, азаматтарды кезекке қою және тұрғын үй ауданын ұсынуға қажетті мәліметтер мен құжаттарды талап ету;
8) "Қарқаралы ауданының тұрғын үй инспекциясы бөлімі" мемлекеттік мекемесінің құзыреті аясында қабылдауға болжамданған нормативтік - құқықтық актілерді әзірлеу және жетілдіруді жоспарлау;
9) "Қарқаралы ауданының тұрғын үй инспекциясы бөлімі" мемлекеттік мекемесінің қарауына жатқызылған салада бюджетті қалыптастыру және іске асыру, әлеуметтік-экономикалық бағдарламаларды әзірлеу және орындау жөніндегі қызметті жүзеге асыру;
10) мемлекеттік сатып алу және қызмет көрсету шарттарын орындау, соның ішінде бөлінген бюджеттік қаражатты игеру үшін тұрақты бақылау және мониторингті қамтамасыз ету;
11) шарттық жұмыстарды тұрақты іске асыру;
12) өзінің құзыреті аясында қадағалау органдарының нормативтік-құқықтық актілерін қарастыру, бұзушылықты болдырмау және құқықтық актілер ұсыныстарына сәйкес жауаптарды дайындау;
13) облыс әкімінің, аудан әкімінің және облыс және аудан әкімдігінің тапсырмаларын орындау және тиісінше орындамағаны үшін жауапты болу;
14) өз құзыреті аясында мемлекеттік мүлікті басқару бойынша мемлекеттік саясатты іске асыру;
15) талап етуші және жауап беруші ретінде талап өтініштер беру және соттарда қатысу;
16) Қазақстан Республикасының тұрғын үй қатынастары, азаматтық қорғаныс және төтенше жағдайлар, азаматтық құқықтық қатынастар саласында қатысты заңнамасын бұзу жөніндегі жағдайлар анықталған кезде ордерлерді, шарттарды, құқық белгілейтін құжаттарды ресімдеуді және беруді тоқтату;
17) мемлекеттік тұрғын үй қорынан тұрғын үй алуға азаматтардан құжат қабылдау;
18) мемлекеттік тұрғын үй қорындағы тұрғын үйді пайдалануды және қолдануды бақылау;
19) мемлекеттік тұрғын үй қорындағы тұрғын үйді беру үшін азаматтардың тұрғын үй жайларын тексеру;
20) бос тұрған, иесіз пәтерлерді тексеріс өткізу бойынша анықтау;
21) тұрғын үй беру туралы, қызметтік, жатақханалардан пәтерлер шығару туралы, қызметтік тұрғын үйге теңестірілген қызметтік тұрғын үй беру туралы аудан әкімдігі қаулыларының жобаларын дайындау және әкімдік отырысына енгізу;
22) тексеру жүргізу кезінде қызметтік куәлігін көрсеткен кезде тексерілетін объектіге баруға;
23) тексеру жүргізу кезінде кез келген ақпаратты сұратуға, тексеру нысанасына қатысты құжаттардың түпнұсқаларымен танысу;
24) Қазақстан Республикасының 1997 жылғы 16 сәуірдегі "Тұрғын үй қатынастары туралы" Заңының 43-бабына сәйкес уәкілетті орган бекітетін біліктілік талаптарына сәйкес үй-жайлар (пәтерлер) иелерінің жалпы жиналысына кооператив басқармасының төрағасы лауазымына кандидатура ұсыну;
25) заңнамада белгіленген тәртіппен Қазақстан Республикасының тұрғын үй заңнамасын және басқа да нормативтік құқықтық актілерін бұзуға кінәлі тұлғаларды жауапкершілікке тарту туралы мәселе қарастыру;
26) 2015 жылғы 29 қазандағы № 375-V Қазақстан Республикасының Кәсіпкерлік Кодексіне сәйкес тексеріс жүргізу;
27) тексеру жүргізу кезеңінде тексерілетін объектінің белгіленген жұмыс режиміне кедергі келтірмеу;
28) тексеру жүргізу нәтижесінде алынған құжаттар мен мәліметтердің сақталуын қамтамасыз ету;
29) кондоминиум объектісінің ортақ мүлкін күтіп-ұстау ережелерін бұзу туралы актілер жасау;
30) кондоминиум объектісінің ортақ мүлкін күтіп-ұстау ережелерінің бұзушылықтарын жою бойынша орындалу үшін міндетті нұсқамалар енгізу;
31) тұрғын үйлерді, кондоминиум объектісіне іргелес аумақты күтіп-ұстау сапасын бақылау және коммуналдық қызметтер көрсету жөніндегі нормативтік және әдістемелік құжаттарды дайындауға қатысу, сондай-ақ бақылаудағы объектілердің иелеріне, тұрғын үйлер мен үй маңындағы аумақтарды пайдалануды жүзеге асыратын кәсіпорындарға, ұйымдарға немесе азаматтарға консультациялық көмек көрсету;
32) конструкциялардың нормативтік беріктігіне және инженерлік жүйелердің тұрақты жұмыс істеуіне қауіп төндіретін немесе адамдардың тұру қауіпсіздігіне қатер төндіретін тұрғын үйлердің өзге де зақымдануына әкеп соғатын субъектілер тарапынан ықтимал бұзушылықтардың жолын кесу жөніндегі шараларды жүзеге асыру;
33) қауіпті техникалық құрылғыларды, атап айтқанда 0,07 мегаПаскальдан астам қысыммен және (немесе) 115 Цельсий градустан астам судың қайнау температурасы кезінде (жылумен жабдықтау ұйымдары) жұмыс істейтін бу және су жылыту қазандықтарын, 0,07 мегаПаскальдан астам қысыммен жұмыс істейтін ыдыстарды, жүк көтергіш механизмдерді, эскалаторларды, аспалы жолдарды, фуникулерлерді, әлеуметтік инфрақұрылым объектілеріндегі лифтілерді, траволаторларды, мүмкіндіктері шектеулі адамдарға (мүгедектерге) арналған көтергіштерді қауіпсіз пайдалануға мемлекеттік қадағалауды.
34) әлеуметтік инфрақұрылым объектілерінің қауіпті техникалық құрылғыларын есепке қоюды және есептен шығаруды.
35) "Қарқаралы ауданының тұрғын үй инспекциясы бөлімі" мемлекеттік мекемесінің құзыретіне жататын мәселелер бойынша азаматтарды қабылдауды, келіп түскен ұсыныстарды, өтініштерді, азаматтардың өтініштерін қарауды ұйымдастырады;
36) "Қарқаралы ауданының тұрғын үй инспекциясы бөлімі" мемлекеттік мекемесінің "Қарқаралы ауданының тұрғын үй инспекциясы бөлімі" мемлекеттік мекемесін құрудың мәні мен мақсатына сәйкес келмейтін қызметпен айналысуға құқығы жоқ;
37) "Қарқаралы ауданының тұрғын үй инспекциясы бөлімі" мемлекеттік мекемесі, Қазақстан Республикасының қолданыстағы тұрғын үй қатынастары, азаматтық қорғаныс және төтенше жағдайлар, азаматтық құқықтық қатынастар саласында заңнамасымен жүктелген басқа да құқықтарды жүзеге асыру.
17. Елді мекендердің шекаралары шегінде тұрғын үй қорын басқару, газ және газбен жабдықтау саласындағы әлеуметтік инфрақұрылым объектілерінде мемлекеттік бақылауды, сондай елді мекендердің шекаралары шегінде өнеркәсіптік қауіпсіздік саласындағы әлеуметтік инфрақұрылым объектілерінде қауіпті техникалық құрылғыларды қауіпсіз пайдалану талаптарының сақталуын мемлекеттік қадағалауды жүзеге асыру кезінде жергілікті атқарушы органның интернет-ресурсында:
1) мемлекеттік бақылау және мемлекеттік қадағалау объектілері мен субъектілері туралы;
2) тексеру кестелері және олардың нәтижелері туралы;
3) анықталған кемшіліктер туралы, сондай-ақ әлеуметтік инфрақұрылым объектілерінде қауіпті техникалық құрылғыларды қауіпсіз пайдалану талаптарын сақтау туралы жасалған актілер мен шығарылған нұсқамалар туралы;
4) елді мекеннің шегінде құрылған жай серіктестіктердің тізілімін қалыптастыру және жүргізу туралы ақпаратты орналастыру жолымен өз қызметінің ашықтығын қамтамасыз етеді.
18. "Қарқаралы ауданының тұрғын үй инспекциясы бөлімі" мемлекеттік мекемесі өзіне жүктелген өкілеттіктерге сәйкес мемлекеттік бақылаудың мынадай функцияларын жүзеге асырады:
1) кондоминиум объектісінде және кондоминиум объектісіне іргелес аумақтарда үй-жайлар (пәтерлер) меншік иелерінің ортақ мүлкін пайдалану, күтіп-ұстау, пайдалану және жөндеу тәртібінің сақталуын;
2) тұрғын үйлерде үйге ортақ жылу, энергия, газ және су ресурстарын есептеу аспаптарының болуын;
3) кондоминиум объектісіндегі үй-жайлар иелерінің ортақ мүлкінің және оның инженерлік жабдықтарының техникалық жай-күйіне, қолданыстағы нормативтік-техникалық және жобалық құжаттарға сәйкес оны күтіп-ұстау және жөндеу жөніндегі жұмыстардың уақтылы орындалуын;
4) тұрғын үйді маусымдық пайдалануға дайындау жөніндегі іс-шараларды жүзеге асыруын;
5) анықталған бұзушылықтарды жою бойынша қабылданған шешімдер мен нұсқамалардың орындалуын;
6) кондоминиум объектісінің ортақ мүлкіне күрделі жөндеудің жекелеген түрлері бойынша орындалған жұмыстардың сапасын.
3. Мемлекеттік мекеменің қызметін ұйымдастыру
19. "Қарқаралы ауданының тұрғын үй инспекциясы бөлімі" мемлекеттік мекемесіне жүктелген міндеттердің орындалуына және өз функцияларын жүзеге асыруға дербес жауапты болатын бірінші басшы жүзеге асырады.
20. "Қарқаралы ауданының тұрғын үй инспекциясы бөлімі" мемлекеттік мекемесінің бірінші басшысын Қарағанды облысы Қарқаралы ауданы әкімі қызметке тағайындайды және қызметтен босатады.
21. "Қарқаралы ауданының тұрғын үй инспекциясы бөлімі" мемлекеттік мекемесінің бірінші басшысының өкілеттігі:
1) "Қарқаралы ауданының тұрғын үй инспекциясы бөлімі" мемлекеттік мекемесінің атынан сенімхатсыз әрекет етеді;
2) барлық ұйымдарда "Қарқаралы ауданының тұрғын үй инспекциясы бөлімі" мемлекеттік мекемесінің мүддесін қорғайды;
3) заңнамамен бекітілген шекте мүлікке билік жүргізеді:
4) шарттар жасайды;
5) сенімхаттар береді;
6) барлық қызметкерлерге міндетті бұйрықтар шығарады және тапсырмалар береді;
7) "Қазақстан Республикасындағы мемлекеттік қызмет туралы", "Қазақстан Республикасының Еңбек кодексі" Қазақстан Республикасының заңнамасына сәйкес "Қарқаралы ауданының тұрғын үй инспекциясы бөлімі" мемлекеттік мекемесінің жұмыскерлерін қызметке тағайындайды және қызметтен босатады;
8) "Қарқаралы ауданының тұрғын үй инспекциясы бөлімі" мемлекеттік мекемесінің қызметкерлеріне тәртіптік жазалау және ынталандыру шараларын қолданады;
9) "Қарқаралы ауданының тұрғын үй инспекциясы бөлімі" мемлекеттік мекемесі қызметкерлерінің қызметтік міндеттемелерін бекітеді;
10) "Қарқаралы ауданының тұрғын үй инспекциясы бөлімі" мемлекеттік мекемесі қызметкерлерінің функционалдық міндеттерін бекітеді;
"Қарқаралы ауданының тұрғын үй инспекциясы бөлімі" мемлекеттік мекемесінің бірінші басшысының өкілеттігін, ол жұмыс орнында болмаған кезде, Қарқаралы ауданы әкімінің бұйрығында көрсетілген қызметкер атқарады.
4. Мемлекеттік мекеменің мүлкі
22. "Қарқаралы ауданының тұрғын үй инспекциясы бөлімі" мемлекеттік мекемесі, "Мемлекеттік мүлік туралы" Қазақстан Республикасының Заңында қарастырылған жағдайда жедел басқару құқығында оқшауланған мүлкі болуы мүмкін.
23. "Қарқаралы ауданының тұрғын үй инспекциясы бөлімі" мемлекеттік мекемесінің мүлкі оған меншік иесі берген мүлік есебінен, сондай-ақ Қазақстан Республикасының "Мемлекеттік мүлік туралы" Заңымең тыйым салынбаған, "Қарқаралы ауданының тұрғын үй инспекциясы бөлімі" мемлекеттік мекемесінің балансына көрсетілетін өз қызметінің салдарынан алынған мүліктер (ақшалай қаражатты қосқанда) өзге де көздер есебінен қалыптастырылады.
24. "Қарқаралы ауданының тұрғын үй инспекциясы бөлімі" мемлекеттік мекемесінің бекітілген мүлік коммуналдық меншікке жатады.
25. Егер "Мемлекеттік мүлік туралы" Қазақстан Республикасының Заңында өзгеше белгіленбесе "Қарқаралы ауданының тұрғын үй инспекциясы бөлімі" мемлекеттік мекемесінің атына бекітілген мүліктен өз еркімен немесе басқа әдіспен, қаржыландыру жоспары бойынша берілген, қаражатқа сатып алынған мүлікті өз бетімен беруге құқығы жоқ.
5. Мемлекеттік мекеменің қайта ұйымдастыру және қысқарту
26. "Қарқаралы ауданының тұрғын үй инспекциясы бөлімі" мемлекеттік мекемесін қайта ұйымдастыру және қысқарту, Қазақстан Республикасының Азаматтық кодексімен, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңымен, "Қазақстан Республикасы мемлекеттік органының үлгілік ережесін бекіту туралы" Қазақстан Республикасы Президентінің 2012 жылғы 29 қазандағы №410 Жарлығымен жүзеге асырылады.
