"Ветеринария туралы" Қазақстан Республикасы Заңының 10-1 бабының 7 тармақшасына сәйкес және Қазақстан Республикасы Ауыл шаруашылығы министрлігі Ветеринариялық бақылау және қадағалау комитетінің Қарқаралы аудандық аумақтық инспекциясының бас мемлекеттік ветеринариялық- санитариялық инспекторының 2024 жылғы 12 маусымдағы №15-4-1/312 ұсынысы негізінде ШЕШТІМ:
1. "Жылқы ринопневмония" ауруының шығуына байланысты Қарқаралы ауданы, Угар ауылдық округі, Ақбұлақ елді мекенінде орналасқан "Бірлік" шаруа қожалығының жайылымы аумағына шектеу іс-шаралары белгіленсін.
2. Осы шешімнің орындалуын бақылауды өзіме қалдырамын.
3. Осы шешім оның алғашқы ресми жарияланған күнінен бастап қолданысқа енгізіледі.
| Угар ауылдық округінің әкімі | Ж. Акимов |
