Бейнеу ауданы бойынша ауданішілік маршруттар үшін жолаушылар мен багажды автомобильмен тұрақты тасымалдаудың тарифін белгілеу туралы

Маңғыстау облысы Бейнеу ауданы әкімдігінің 2024 жылғы 6 қарашадағы № 288 қаулысы

"Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабына, "Автомобиль көлігі туралы" Қазақстан Республикасы Заңының 19-бабына сәйкес, Бейнеу ауданы әкімдігі ҚАУЛЫ ЕТЕДІ:

1. Бейнеу ауданы бойынша ауданішілік маршруттар үшін жолаушылар мен багажды автомобильмен тұрақты тасымалдаудың тарифі осы қаулының қосымшасына сәйкес белгіленсін.

2. Осы қаулының орындалуын бақылау Бейнеу ауданы әкімінің жетекшілік ететін орынбасарына жүктелсін.

3. Осы қаулы оның алғашқы ресми жарияланған күнінен бастап қолданысқа енгізіледі.

Бейнеу ауданының әкімі

Р. Шалбаев

	Бейнеу ауданы әкімдігінің
	2024 жылғы 6 қарашадағы
	№ 288 қаулысына қосымша

Бейнеу ауданы бойынша ауданішілік маршруттар үшін жолаушылар мен багажды автомобильмен тұрақты тасымалдаудың тарифі

№	Маршрут атауы	Ересектерге (тенге)	Балаларға, (тенге)
1	Бейнеу – Боранқұл Боранқұл – Бейнеу	700	350
2	Бейнеу – Сарға Сарға – Бейнеу	250	125
3	Бейнеу – Есет Есет – Бейнеу	500	250
4	Бейнеу – Ақжігіт Ақжігіт – Бейнеу	500	250
5	Бейнеу – Тәжен Тәжен – Бейнеу	600	300
6	Бейнеу – Сыңғырлау Сыңғырлау - Бейнеу	250	125
7	Бейнеу – Төлеп Төлеп – Бейнеу	500	250