Қазақстан Республикасы Әкімшілік рәсімдік-процестік кодексінің 40-бабының 2-тармағына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасы Заңының 31-бабының 2-тармағына, "Мемлекеттік мүлік туралы" Қазақстан Республикасы Заңының 18-бабының 8) тармақшасына, 124-бабына, Қазақстан Республикасы Үкіметінің 2021 жылғы 1 қыркүйектегі № 590 "Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы" Қаулысына сәйкес, Успен ауданының әкімдігі ҚАУЛЫ ЕТЕДІ:
1. Осы қаулыға қосымшаға сәйкес "Успен ауданының құрылыс, сәулет және қала құрылысы бөлімі" коммуналдық мемлекеттік мекемесі туралы ереже бекітілсін.
2. "Успен ауданының құрылыс, сәулет және қала құрылысы бөлімі" коммуналдық мемлекеттік мекемесі заңнамада белгіленген тәртіппен қамтамасыз етсін:
1) әділет органдарында мемлекеттік тіркеуді;
2) осы қаулыға қол қойылған күннен бастап күнтізбелік жиырма күн ішінде оның қазақ және орыс тілдеріндегі электрондық түрдегі көшірмесін Қазақстан Республикасының нормативтік құқықтық актілердің эталондық бақылау банкіне ресми жариялау және енгізу үшін Қазақстан Республикасы Әділет министрлігінің Павлодар облысы бойынша "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнының филиалына жіберуді;
3) осы қаулыны ресми жарияланғаннан кейін Успен ауданы әкімдігінің интернет-ресурсында орналастыруды қамтамасызө етсін.
3. Осы қаулының орындалуын бақылау Успен ауданы әкімінің жетекшілік ететін орынбасарына жүктелсін.
4. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Аудан әкімі | Н. Мақашев |
| Успен ауданы әкімдігінің 2024 жылдың "___" ______ № _______ қаулысымен бекітілген |
"Успен ауданының құрылыс, сәулет және қала құрылысы бөлімі" коммуналдық мемлекеттік мекемесі туралы ереже
1 тарау. Жалпы ережелер
1. "Успен ауданының құрылыс, сәулет және қала құрылысы бөлімі" коммуналдық мемлекеттік мекемесі (бұдан әрі – "Успен ауданының құрылыс, сәулет және қала құрылысы бөлімі" КММ) өз құзыреті шегінде аудан аумағында сәулет, қала құрылысы және құрылыс қызметі саласындағы қызметті ұйымдастыру, мониторингілеу және үйлестіру мәселелері жөніндегі мемлекеттік басқаруды жүзеге асыратын жергілікті атқарушы орган болып табылады.
2. "Успен ауданының құрылыс, сәулет және қала құрылысы бөлімі" КММ-нің ведомстволары жоқ.
3. "Успен ауданының құрылыс, сәулет және қала құрылысы бөлімі" КММ өз қызметін Қазақстан Республикасының Конституциясына, Қазақстан Республикасының Жер кодексіне, Қазақстан Республикасының Су кодексіне, Қазақстан Республикасының Экологиялық кодексіне, Қазақстан Республикасының Азаматтық кодексіне, "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасының Заңына, Қазақстан Республикасының "Автомобиль жолдары туралы" Заңына, "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңына, Қазақстан Республикасы Президенті мен Үкіметінің актілеріне, өзге де нормативтік құқықтық актілерне, сондай-ақ осы Ережеге сәйкес жүзеге асырады.
4. "Успен ауданының құрылыс, сәулет және қала құрылысы бөлімі" КММ мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының азаматтық заңнамасына, мемлекеттік мүлік туралы заңнамаға, "Мемлекеттік және мемлекеттік емес ұйымдарда құжаттандыру, құжаттаманы басқару және электрондық құжат айналымы жүйелерін пайдалану қағидаларын бекіту туралы" Қазақстан Республикасы Үкіметінің 2018 жылғы 31 қазандағы № 703 қаулысына сәйкес қазақ және орыс тілдерінде өз атауы бар мөрлері мен мөртаңбалары, Қазақстан Республикасының бюджет заңнамасына сәйкес қазынашылық органдарындағы шоттары бар.
5. "Успен ауданының құрылыс, сәулет және қала құрылысы бөлімі" КММ өз атынан азаматтық-құқықтық қатынастарға түседі.
6. "Успен ауданының құрылыс, сәулет және қала құрылысы бөлімі" КММ, егер оған Қазақстан Республикасының заңнамасына сәйкес уәкілеттік берілген болса, мемлекет атынан азаматтық-құқықтық қатынастардың тарапы болуға құқығы бар.
7. "Успен ауданының құрылыс, сәулет және қала құрылысы бөлімі" КММ өз құзыретінің мәселелері бойынша "Успен ауданының құрылыс, сәулет және қала құрылысы бөлімі" КММ басшысының бұйрықтарымен және Қазақстан Республикасының сәулет, қала құрылысы және құрылыс қызметі, Мемлекеттік сатып алу, еңбек қатынастары, Мемлекеттік қызмет саласындағы заңнамасында көзделген басқа да актілермен сондай-ақ осы Ережемен ресімделетін шешімдер қабылдайды.
8. "Успен ауданының құрылыс, сәулет және қала құрылысы бөлімі" КММ құрылымы мен штат санының лимиті "Қазақстан Республикасындағы жергілікті мемлекеттік басқару және өзін-өзі басқару туралы" Қазақстан Республикасының Заңына сәйкес бекітіледі.
9. Заңды тұлғаның орналасқан жері: 141000, Қазақстан Республикасы, Павлодар облысы, Успен ауданы, Успен ауылы, 10 лет Независимости көшесі, 30.
10. "Успен ауданының құрылыс, сәулет және қала құрылысы бөлімі" КММ жұмыс режимі: дүйсенбі-жұма сағат 9-00-ден 18-30-ға дейін, түскі үзіліс сағат 13-00-ден 14-30-ға дейін, демалыс күндері: сенбі-жексенбі.
11. Заңды тұлғаның толық атауы:
Мемлекеттік тілде: "Успен ауданының құрылыс, сәулет және қала құрылысы бөлімі" коммуналдық мемлекеттік мекемесі.
Орыс тілінде: Коммунальное государственное учреждение "Отдел строительства, архитектуры и градостроительства Успенского района".
12. "Успен ауданының құрылыс, сәулет және қала құрылысы бөлімі" КММ құрылтайшысы Успен ауданының әкімі аппаратының атынан мемлекет болып табылады.
13. Осы Ереже "Успен ауданының құрылыс, сәулет және қала құрылысы бөлімі" КММ құрылтай құжаты болып табылады.
14. "Успен ауданының құрылыс, сәулет және қала құрылысы бөлімі" КММ қызметін қаржыландыру Қазақстан Республикасының заңнамасына сәйкес республикалық, облыстық және жергілікті бюджеттерден жүзеге асырылады.
15. "Успен ауданының құрылыс, сәулет және қала құрылысы бөлімі" КММ "Успен ауданының құрылыс, сәулет және қала құрылысы бөлімі" КММ функциялары болып табылатын міндеттерді орындау тұрғысында кәсіпкерлік субъектілерімен шарттық қатынастарға түсуге тыйым салынады.
Егер "Успен ауданының құрылыс, сәулет және қала құрылысы бөлімі" КММ заңнамалық актілермен табыс әкелетін қызметті жүзеге асыру құқығы берілсе, онда алынған кірістер, егер Қазақстан Республикасының заңнамасында өзгеше белгіленбесе, мемлекеттік бюджетке жіберіледі.
2 тарау. "Успен ауданының құрылыс, сәулет және қала құрылысы бөлімі" КММ мақсаты мен міндеттері, өкілеттіктері
16. Мақсаттары мен міндеттері:
1) сәулет, қала құрылысы және құрылыс қызметі саласындағы қызметті жүзеге асыру кезінде халықтың қолайлы тыныс-тіршілігін қамтамасыз ету үшін қажетті жағдайлар жасау;
2) аудан аумағында сәулет, қала құрылысы және құрылыс қызметі саласында мемлекеттік саясатты жүргізу;
3) аудандық деңгейде сәулет, қала құрылысы және құрылыс қызметі саласындағы іс-шаралар мен бағдарламаларды іске асыру
17. Өкілеттіктер:
1) құқықтар:
1-1) "Успен ауданының құрылыс, сәулет және қала құрылысы бөлімі" КММ құзыретіне кіретін мәселелер бойынша әдістемелік басшылықты және қызметті үйлестіруді жүзеге асыруға;
1-2) Мемлекеттік органдардың, лауазымды адамдардың, ұйымдардың, азаматтардың келісімі бойынша мекеме алдына қойылған міндеттерді орындауға байланысты мәселелер бойынша ақпарат сұратуға және алуға;
1-3) жергілікті бюджеттерден қаржыландырылатын басқа да атқарушы органдардың мамандарын олардың басшыларының келісімі бойынша жұмысқа тартуға;
1-4) "Успен ауданының құрылыс, сәулет және қала құрылысы бөлімі" КММ құзыретіне кіретін мәселелерде ауданды дамытудың салалық бағдарламаларын дербес немесе басқа атқарушы органдармен бірлесіп әзірлеуге;
1-5) "Успен ауданының құрылыс, сәулет және қала құрылысы бөлімі" КММ құзыретіне кіретін мәселелер бойынша аудандық бюджеттен қаржыландырылатын мемлекеттік органдар мен мекемелердің қызметін үйлестіруді жүзеге асыру;
1-6) жүргізілген мониторинг негізінде аудандық бюджеттен қаржыландырылатын жергілікті мемлекеттік органдар мен мекемелерге "Успен ауданының құрылыс, сәулет және қала құрылысы бөлімі" КММ құзыретіне кіретін мәселелер бойынша әдістемелік ұсынымдар беруге;
1-7) "Успен ауданының құрылыс, сәулет және қала құрылысы бөлімі" КММ құзыретіне кіретін мәселелер бойынша аудан әкімінің және аудан әкімдігінің қарауына ұсыныстар енгізуге;
1-8) өз құзыреті шегінде шарттар, келісімдер жасасу.
2) Міндеттер:
2-1) өз құзыреті шегінде мемлекеттік органдарға ақпараттық-талдау материалдарын дайындауға және ұсынуға;
2-2) көрсетілетін мемлекеттік қызметтердің қолжетімділігі мен сапасын қамтамасыз етуге ;
2-3) өз қызметін Қазақстан Республикасының сәулет, қала құрылысы және құрылыс қызметі, Мемлекеттік сатып алу, еңбек қатынастары, Мемлекеттік қызмет саласындағы заңнамасына, сондай-ақ осы Ережеге сәйкес жүзеге асыруға;
2-4) Қазақстан Республикасының сәулет, қала құрылысы және құрылыс қызметі, Мемлекеттік сатып алу, еңбек қатынастары, Мемлекеттік қызмет саласындағы заңнамасына, сондай-ақ осы Ережеге сәйкес өзге де міндеттерді жүзеге асыруға міндетті.
18. Функциялар:
1) Аудан аумағында сумен жабдықтау, энергиямен жабдықтау, жылумен жабдықтау, мәдениет, спорт және тұрғын үй құрылыстарын салу саласындағы бірыңғай мемлекеттік саясатты үйлестіреді;
2) сәулет, қала құрылысы, құрылыс саласындағы жергілікті бағдарламаларды әзірлейді және іске асырады;
3) сәулет, қала құрылысы және құрылыс қызметі саласындағы заңнамаға сәйкес аудан аумағының қала құрылысын жоспарлаудың кешенді схемасын (елді мекендерді дамыту схемасы), аудан аумағындағы елді мекендердің бас жоспарларын іске асыру жөніндегі қызметті үйлестіреді;
4) жергілікті атқарушы органдардың қарауы үшін аумақты салу, инженерлік даярлау, абаттандыру және көгалдандыру, аяқталмаған объектілердің құрылысын консервациялау, аудандық маңызы бар объектілерді кейіннен кәдеге жарату жөніндегі жұмыстар кешенін жүргізу жөнінде ұсыныстар дайындайды;
5) аудан аумағының қала құрылысын дамыту схемаларын, сондай-ақ елді мекендерді дамыту схемасы мен жобаларын әзірлеуді және аудандық мәслихатқа бекітуге ұсынуды ұйымдастырады;
6) аумақты салу, абаттандыру және инженерлік қамтамасыз етудің аумақтық қағидаларын аудандық мәслихаттың бекітуіне ұсынады;
7) ауданның мемлекеттік қала құрылысы кадастрын жүргізеді;
8) салынып жатқан (салынуға жоспарланған) объектілер мен кешендердің мониторингін жүргізеді;
9) жұмыстарды, тауарлар мен көрсетілетін қызметтерді мемлекеттік сатып алуды жүргізеді;
10) мемлекеттік мекемелер мен аудандық бюджеттен қаржыландырылатын органдардың құрылыс, сәулет және қала құрылысы саласындағы заңнаманы сақтау практикасын талдайды және жинақтайды;
11) аудан аумағында объектілер салу бойынша Тапсырыс беруші ретінде әрекет етеді;
12) құрылысы аяқталған объектілерді (кешендерді) пайдалануға қабылдауға ұсынады;
13) "Успен ауданының құрылыс, сәулет және қала құрылысы бөлімі" КММ балансынан құрылысы аяқталған объектілерді (кешендерді) коммуналдық меншікке береді;
14) заңды тұлғалар мен азаматтардың өтініштерін қарайды;
15) "Успен ауданының құрылыс, сәулет және қала құрылысы бөлімі" КММ-не жүктелген міндеттерді іске асыру үшін мемлекеттік органдармен, лауазымды адамдармен өзара іс-қимылды жүзеге асырады;
16) бюджеттен қаржыландырылатын, ведомстволық бағынысты мемлекеттік кәсіпорындар қызметінің басым бағыттарын және жұмыстардың (көрсетілетін қызметтердің) міндетті көлемдерін айқындайды;
17) мемлекет қатысатын ведомстволық бағынысты кәсіпорындар мен ұйымдардың даму жоспарларының орындалуын, олардың орындалуы жөніндегі есептерді қарайды, келіседі, бекітеді, бақылауды және талдауды жүзеге асырады;
18) қатысатын мемлекеттік пакеті (мемлекеттік пакеті) оған иелік етуге және пайдалануға берілген акционерлік қоғамдардың (жауапкершілігі шектеулі серіктестіктердің) Директорлар кеңесінің (Байқау кеңесінің) құрамына ұсыныстар енгізеді немесе өз өкілін тағайындайды;
19) осы мәліметтерді Мемлекеттік мүлік Тізілімінде көрсету үшін мәліметтерді, оның ішінде оның басқаруындағы мемлекеттік заңды тұлғалар мен мемлекет қатысатын заңды тұлғалардың атаулы тізбесін дайындайды;
20) "Успен ауданының құрылыс, сәулет және қала құрылысы бөлімі" КММ құзыретіне кіретін мәселелер бойынша аудан әкімдігіне және аудан әкіміне материалдар дайындайды;
21) "Успен ауданының құрылыс, сәулет және қала құрылысы бөлімі" КММ құзыретіне кіретін мәселелерде аудандық бюджеттен қаржыландырылатын мекемелерге әдістемелік көмек көрсетеді;
22) сумен жабдықтау, энергиямен жабдықтау, жылумен жабдықтау объектілерін, мәдениет, спорт және тұрғын үй құрылыстарын салу саласындағы нормативтік құқықтық актілерді жетілдіру жөнінде ұсыныстар енгізеді;
23) "Успен ауданының құрылыс, сәулет және қала құрылысы бөлімі" КММ мемлекеттік қызметшілерін кәсіби қайта даярлауды, біліктілігін арттыруды және аттестаттауды ұйымдастырады;
24) "Успен ауданының құрылыс, сәулет және қала құрылысы бөлімі" КММ қызметкерлерінің мемлекеттік қызмет өткеруіне байланысты мәселелерді шешеді ;
25) кадр резервін қалыптастыруға қатысады;
26) "Успен ауданының құрылыс, сәулет және қала құрылысы бөлімі" КММ-не жүктелген міндеттерді іске асыру үшін мемлекеттік органдармен, лауазымды адамдармен өзара іс-қимылды жүзеге асырады;
3-тарау. "Успен ауданының құрылыс, сәулет және қала құрылысы бөлімі" КММ бірінші басшысының мәртебесі, өкілеттігі.
19. Мемлекеттік органның басшылығын "Успен ауданының құрылыс, сәулет және қала құрылысы бөлімі" КММ-не жүктелген міндеттердің орындалуына және оның мемлекеттік қызмет саласындағы заңнамаға сәйкес өз функцияларын жүзеге асыруына дербес жауапты болатын бірінші басшы жүзеге асырады.
20. "Успен ауданының құрылыс, сәулет және қала құрылысы бөлімі" КММ бірінші басшысын Мемлекеттік қызмет саласындағы заңнамаға сәйкес Успен ауданының әкімі қызметке тағайындайды және қызметтен босатады.
21. "Успен ауданының құрылыс, сәулет және қала құрылысы бөлімі" КММ бірінші басшысының өкілеттіктері:
1) еңбек қатынастары саласындағы заңнамаға сәйкес және өз құзыреті шегінде "Успен ауданының құрылыс, сәулет және қала құрылысы бөлімі" КММ қызметкерлерін қызметке тағайындайды және босатады;
2) мемлекеттік мекемеде сыбайлас жемқорлыққа қарсы іс-қимыл жөнінде шаралар қабылдайды;
3) мемлекеттік мекемеде сыбайлас жемқорлыққа қарсы іс-қимыл жөніндегі міндеттердің орындалуына дербес жауапты болады;
4) "Успен ауданының құрылыс, сәулет және қала құрылысы бөлімі" КММ қызметкерлерінің міндеттерін айқындайды және лауазымдық нұсқаулықтарын бекітеді;
5) мемлекеттік органдармен және өзге де ұйымдармен өзара қарым-қатынаста "Успен ауданының құрылыс, сәулет және қала құрылысы бөлімі" КММ атынан өкілдік етеді;
6) "Успен ауданының құрылыс, сәулет және қала құрылысы бөлімі" КММ қызметкерлеріне тәртіптік жаза қолданады, материалдық көмек көрсету, көтермелеу шараларын қолданады;
7) Өз құзыреті шегінде "Успен ауданының құрылыс, сәулет және қала құрылысы бөлімі" КММ барлық қызметкерлері орындауға міндетті бұйрықтар шығарады, нұсқаулар береді;
8) "Успен ауданының құрылыс, сәулет және қала құрылысы бөлімі" КММ жұмыс жоспарын бекітеді;
9) Сәулет, қала құрылысы және құрылыс қызметі, Мемлекеттік сатып алу, еңбек қатынастары, Мемлекеттік қызмет, мемлекеттік жергілікті басқару және өзін-өзі басқару саласындағы заңнамаға, сондай-ақ осы Ережеге сәйкес өзге де өкілеттіктерді жүзеге асырады.
"Успен ауданының құрылыс, сәулет және қала құрылысы бөлімі" КММ бірінші басшысының өкілеттіктерін ол болмаған кезеңде орындау еңбек заңнамасына сәйкес "Успен ауданының құрылыс, сәулет және қала құрылысы бөлімі" КММ мемлекеттік қызметшісіне жүктеледі.
22. "Успен ауданының құрылыс, сәулет және қала құрылысы бөлімі" КММ мен коммуналдық мүлікті басқару жөніндегі уәкілетті орган (облыстың жергілікті атқарушы органы) арасындағы өзара қарым-қатынастар Қазақстан Республикасының қолданыстағы заңнамасымен реттеледі.
23. "Успен ауданының құрылыс, сәулет және қала құрылысы бөлімі" КММ мен тиісті саланың уәкілетті органы (облыстың жергілікті атқарушы органы) арасындағы өзара қарым-қатынастар Қазақстан Республикасының қолданыстағы заңнамасымен реттеледі.
24. "Успен ауданының құрылыс, сәулет және қала құрылысы бөлімі" КММ мен еңбек ұжымы арасындағы өзара қарым-қатынас Қазақстан Республикасының Еңбек кодексіне және ұжымдық шартқа сәйкес айқындалады.
4-тарау. "Успен ауданының құрылыс, сәулет және қала құрылысы бөлімі" КММ мүлкі
25. "Успен ауданының құрылыс, сәулет және қала құрылысы бөлімі" КММ Мемлекеттік мүлік туралы заңнамада көзделген жағдайларда жедел басқару құқығында оқшауланған мүлікке ие болуы мүмкін.
"Успен ауданының құрылыс, сәулет және қала құрылысы бөлімі" КММ мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының Мемлекеттік мүлік туралы заңнамасында тыйым салынбаған өзге де көздер есебінен қалыптастырылады.
26. "Успен ауданының құрылыс, сәулет және қала құрылысы бөлімі" КММ-ге бекітілген мүлік коммуналдық меншікке жатады.
27. "Успен ауданының құрылыс, сәулет және қала құрылысы бөлімі" КММ, егер мемлекеттік мүлік туралы заңнамада өзгеше белгіленбесе, өзіне бекітілген мүлікті және оған қаржыландыру жоспары бойынша берілген қаражат есебінен сатып алынған мүлікті өз бетінше иеліктен шығаруға немесе оған өзге тәсілмен билік етуге құқығы жоқ.
5-тарау. "Успен ауданының құрылыс, сәулет және қала құрылысы бөлімі" КММ қайта ұйымдастыру және тарату
28. "Успен ауданының құрылыс, сәулет және қала құрылысы бөлімі" КММ қайта ұйымдастыру және тарату Қазақстан Республикасының азаматтық заңнамасына, мемлекеттік мүлік саласындағы заңнамаға, заңды тұлғаларды мемлекеттік тіркеуге және филиалдар мен өкілдіктерді есептік тіркеуге сәйкес жүзеге асырылады.
