БҰЙЫРАМЫН:
1. "Қазақстан Республикасы Стратегиялық жоспарлау және реформалар агенттігінің Ұлттық статистика бюросы туралы ережені бекіту туралы" Қазақстан Республикасы Стратегиялық жоспарлау және реформалар агенттігі төрағасының 2020 жылғы 23 қазандағы № 9-нқ бұйрығына мынадай өзгерістер енгізілсін:
көрсетілген бұйрықпен бекітілген Қазақстан Республикасы Стратегиялық жоспарлау және реформалар агенттігінің Ұлттық статистика бюросы туралы ережеде:
67) тармақшасы мынадай редакцияда жазылсын:
"67) аумақтық бөлімшелердің ұлттық санақтарға дайындалу мен оны жүргізу жөніндегі бөлімдерінің штат кестесін, құрылымын, сондай-ақ үлгілік ережесі мен осы бөлімдер қызметкерлерінің үлгілік лауазымдық нұсқаулығын әзірлеу және бекіту;";
73) тармақшасы мынадай редакцияда жазылсын:
"73) бөлінген қаражат шегінде аумақтық бөлімшелердің ұлттық санақтарға дайындалу мен оны жүргізу бойынша бөлімдерінің санақ персоналы санының нормативтерін бекіту;".
2. Қазақстан Республикасы Стратегиялық жоспарлау және реформалар агенттігінің Ұлттық статистика бюросы заңнамада белгіленген тәртіппен:
1) осы бұйрықты қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;
2) осы бұйрықты Қазақстан Республикасы Стратегиялық жоспарлау және реформалар агенттігінің интернет-ресурсында орналастыруды қамтамасыз етсін.
3. Осы бұйрықтың орындалуын бақылау Қазақстан Республикасы Стратегиялық жоспарлау және реформалар агенттігі төрағасының жетекшілік ететін орынбасарына жүктелсін.
4. Осы бұйрық қол қойылған күнінен бастап қолданысқа енгізіледі.
|
Қазақстан Республикасы Стратегиялық жоспарлау және реформалар агенттігінің төрағасы |
Ж. Шаймарданов |
