"Павлодар облысының кәсіпкерлік және сауда басқармасы" мемлекеттік мекемесінің ережесін бекіту туралы

Жаңа

Павлодар облысы әкімдігінің 2025 жылғы 6 наурыздағы № 72/1 қаулысы

      Қазақстан Республикасы Әкімшілік рәсімдік-процестік кодексінің 40-бабы 2-тармағына, Қазақстан Республикасының "Қазақстан Республикасындағы жергiлiктi мемлекеттiк басқару және өзiн-өзi басқару туралы" Заңының 27-бабы 2-тармағына, Қазақстан Республикасының "Мемлекеттік мүлік туралы" Заңының 124-бабына, Қазақстан Республикасының "Құқықтық актілер туралы" Заңының 65-бабы 3-тармағына, Қазақстан Республикасы Үкіметінің 2021 жылғы 1 қыркүйектегі "Мемлекеттік органдар мен олардың құрылымдық бөлімшелерінің қызметін ұйымдастырудың кейбір мәселелері туралы" № 590 қаулысына және Павлодар облысы әкімдігінің 2024 жылғы 30 желтоқсандағы "Облыстық бюджеттен қаржыландырылатын кейбір атқарушы органдарды қайта ұйымдастыру және құру туралы" № 320/2 қаулысына сәйкес Павлодар облысының әкімдігі ҚАУЛЫ ЕТЕДІ:

      1. Қоса беріліп отырған "Павлодар облысының кәсіпкерлік және сауда басқармасы" мемлекеттік мекемесі (баұдан әрі – ММ) туралы ереже бекітілсін.

      2. Павлодар облысы әкімдігінің 2023 жылғы 26 желтоқсандағы "Павлодар облысының кәсіпкерлік және индустриялық-инновациялық даму басқармасы" мемлекеттік мекемесінің ережесін бекіту туралы" № 355/4 қаулысының күші жойылсын.

      3. "Павлодар облысының кәсіпкерлік және индустриялық-инновациялық даму басқармасы" мемлекеттік мекемесі заңнамамен белгіленген тәртіпте:

      осы қаулыны ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін "Қазақстан Республикасының Заңнама және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберуді;

      осы қаулыны Павлодар облысы әкімдігінің интернет-ресурсында орналастыруды;

      осы қаулыдан туындайтын өзге де қажетті шараларды қабылдауды қамтамасыз етсін.

      4. Осы қаулының орындалуын бақылау облыс әкімінің жетекшілік ететін орынбасарына жүктелсін.

      5. Осы қаулы алғашқы ресми жарияланған күнінен бастап қолданысқа енгізіледі.

      Облыс әкімі А. Байханов

  Павлодар облысы әкімдігінің
2025 жылғы "6" наурыз
№ 72/1 қаулысымен
бекітілген

"Павлодар облысының кәсіпкерлік және сауда басқармасы"
мемлекеттік мекемесі туралы ереже

1-тарау. Жалпы ережелер

      1. "Павлодар облысының кәсіпкерлік және сауда басқармасы" мемлекеттік мекемесі Павлодар облысының әкімдігі кәсіпкерлік және сауда салаларындағы функцияларды жүзеге асыруға уәкілеттік берген, облыстық бюджеттен қаржыландырылатын Қазақстан Республикасының мемлекеттік органы болып табылады.

      2. "Павлодар облысының кәсіпкерлік және сауда басқармасы" мемлекеттік мекемесінің ведомстволары жоқ.

      3. "Павлодар облысының кәсіпкерлік және сауда басқармасы" мемлекеттік мекемесі өз қызметін Қазақстан Республикасының Конституциясына және заңдарына, Қазақстан Республикасы Президенті мен Үкіметінің актілеріне, Қазақстан Республикасының өзге де нормативтік құқықтық актілеріне, сондай-ақ осы Ережеге сәйкес жүзеге асырады.

      4. "Павлодар облысының кәсіпкерлік және сауда басқармасы" мемлекеттік мекемесі мемлекеттік мекеменің ұйымдық-құқықтық нысанындағы заңды тұлға болып табылады, Қазақстан Республикасының Мемлекеттік Елтаңбасы бейнеленген мөрі және мемлекеттік тілде атауы жазылған мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары бар.

      5. "Павлодар облысының кәсіпкерлік және сауда басқармасы" мемлекеттік мекемесі азаматтық-құқықтық қатынастарды өз атынан жасайды.

      6. "Павлодар облысының кәсіпкерлік және сауда басқармасы" мемлекеттік мекемесі Қазақстан Республикасының заңнамасына сәйкес уәкілеттік берілген жағдайда, ол мемлекеттің атынан азаматтық-құқықтық қатынастардың тарапы болуға құқылы.

      7. "Павлодар облысының кәсіпкерлік және сауда басқармасы" мемлекеттік мекемесі өз құзыретінің мәселелері бойынша заңнамамен белгіленген тәртіпте "Павлодар облысының кәсіпкерлік және сауда басқармасы" мемлекеттік мекемесі басшысының бұйрықтарымен және Қазақстан Республикасының заңнамасында қарастырылған басқа да актілермен ресімделетін шешімдер қабылдайды.

      8. "Павлодар облысының кәсіпкерлік және сауда басқармасы" мемлекеттік мекемесінің құрылымы мен штат санының лимиті Қазақстан Республикасының заңнамасына сәйкес бекітіледі.

      9. Заңды тұлғаның орналасқан жері: Қазақстан Республикасы Павлодар облысы, 140000, Павлодар қаласы, Астана көшесі, 61-ғимарат.

      10. "Павлодар облысының кәсіпкерлік және сауда басқармасы" мемлекеттік мекемесінің жұмыс тәртібі:

      дүйсенбі – жұма сағат 9.00-ден 18.30-ге дейін, түскі үзіліс сағат 13.00-ден 14.30-ге дейін, демалыс күндері: сенбі – жексенбі.

      11. Мемлекеттік органның толық атауы:

      мемлекеттік тілде – "Павлодар облысының кәсіпкерлік және сауда басқармасы" мемлекеттік мекемесі;

      орыс тілінде – государственное учреждение "Управление предпринимательства и торговли Павлодарской области".

      12. Мемлекет Павлодар облысының әкімдігі тұлғасында "Павлодар облысының кәсіпкерлік және сауда басқармасы" мемлекеттік мекемесінің құрылтайшысы болып табылады.

      13. Осы Ереже "Павлодар облысының кәсіпкерлік және сауда басқармасы" мемлекеттік мекемесінің құрылтай құжаты болып табылады.

      14. "Павлодар облысының кәсіпкерлік және сауда басқармасы" мемлекеттік мекемесінің қызметін қаржыландыру Қазақстан Республикасының заңнамасына сәйкес жергілікті бюджеттен жүзеге асырылады.

      15. "Павлодар облысының кәсіпкерлік және сауда басқармасы" мемлекеттік мекемесіне кәсіпкерлік субъектілерімен Басқарманың өкілеттіктері болып табылатын міндеттерді орындау тұрғысынан шарттық қарым-қатынастар жасауға тыйым салынады.

      Егер "Павлодар облысының кәсіпкерлік және сауда басқармасы" мемлекеттік мекемесіне заңнамалық актілермен кіріс әкелетін қызметті жүзеге асыру құқығы берілсе, онда алынған кіріс, егер Қазақстан Республикасының заңнамасында өзгеше белгіленбесе, мемлекеттік бюджетке жолданады.

2-тарау. "Павлодар облысының кәсіпкерлік және сауда басқармасы" мемлекеттік
мекемесінің мақсаты, қызметінің мәні, міндеттері мен өкілеттіктері

      16. "Павлодар облысының кәсіпкерлік және сауда басқармасы" мемлекеттік мекемесінің мақсаты Павлодар облысының шағын және орта бизнесі мен сауда қызметін тиімді дамытуға бағытталған мемлекеттік саясатты жүргізу болып табылады.

      17. "Павлодар облысының кәсіпкерлік және сауда басқармасы" мемлекеттік мекемесі қызметінің мәні кәсіпкерлік және сауда мәселелерінде мемлекеттік саясатты облыстық деңгейде жүзеге асыру болып табылады.

      18. Міндеттері:

      1) кәсіпкерлік, сауда және сыртқы экономикалық байланыстарды дамыту салаларындағы мемлекеттік саясатты қалыптастыруға және іске асыруға қатысу;

      2) өз құзыреті шегінде "Павлодар облысының кәсіпкерлік және сауда басқармасы" мемлекеттік мекемесіне жүктелген өзге де міндеттерді жүзеге асыру.

      19. Өкілеттіктері:

      1) құқықтары:

      облыс әкімдігі мен әкімінің қарауына "Павлодар облысының кәсіпкерлік және сауда басқармасы" мемлекеттік мекемесінің құзыретіне жататын мәселелер бойынша ұсыныстар енгізу;

      "Павлодар облысының кәсіпкерлік және сауда басқармасы" мемлекеттік мекемесіне жүктелген міндеттер мен функцияларды орындаумен байланысты мәселелер бойынша ақпаратты мемлекеттік органдармен, ұйымдармен, кәсіпорындармен, лауазымды тұлғалармен және азаматтармен келісім бойынша белгіленген тәртіпте сұрату және алу;

      басшыларының келісімі бойынша жергілікті бюджеттерден қаржыландырылатын басқа да атқарушы органдардың мамандарын жұмысқа тарту;

      өз құзыреті шегінде шарттар, келісімдер жасау;

      Қазақстан Республикасының қолданыстағы заңнамасында көзделген өзге де құқықтарды жүзеге асыру;

      2) міндеттері:

      осы Ережеде белгіленген өз құзыреті шегінде барлық сот органдарында, мемлекеттік органдарда, мекемелерде, кәсіпорындарда және өзге де ұйымдарда облыс әкімінің, әкімдігінің мүдделерін білдіру;

      мемлекеттік органдарда, сотта "Павлодар облысының кәсіпкерлік және сауда басқармасы" мемлекеттік мекемесінің мүддесін білдіру;

      Қазақстан Республикасының қолданыстағы заңнамасында көзделген өзге де міндеттерді жүзеге асыру.

      20. Функциялары:

      1) Павлодар облысының аумағында кәсіпкерлік, сауда және сыртқы экономикалық қызметті дамыту мәселелері бойынша мемлекеттік және мемлекеттік емес құрылымдардың қызметін үйлестіру;

      2) жеке кәсiпкерлiктi қолдау мен дамытудың мемлекеттiк саясатын iске асыруды жүзеге асыру;

      3) "Жаңа бизнес-идеяларды іске асыруға мемлекеттік гранттар беру" мемлекеттік қызметін көрсету;

      4) "Өндірістік (индустриялық) инфрақұрылымды дамыту бойынша қолдау көрсету" мемлекеттік қызметін көрсету;

      5) жеке кәсiпкерлiктi дамыту үшiн жағдайлар жасау;

      6) өңірде шағын және орта кәсiпкерлiкті қолдау инфрақұрылымының объектiлерiн құру мен дамытуды қамтамасыз ету;

      7) өңірдің кәсіпкерлік ортасына және инвестициялық ахуалына, жеке кәсіпкерлікті дамыту инфрақұрылымына, сыртқы экономикалық қызметіне талдау жүргізу;

      8) өңірде мемлекеттік бағдарламалардың іске асырылуы мен орындалуын қамтамасыз ету және соған жауапты болу;

      9) Қазақстан Республикасындағы мемлекеттік жоспарлау жүйесінің құжаттарын кәсіпкерлікті дамыту және сауда саясаты бөлігінде әзірлеуге қатысу;

      10) жергiлiктi атқарушы органдардың жеке кәсiпкерлiк субъектілерінің бiрлестiктерiмен, өңірлік палатамен және нарықтық инфрақұрылым объектілерімен қарым-қатынастарын дамыту стратегиясын айқындау;

      11) жеке кәсiпкерлiк мәселелерi жөнiндегi сараптамалық кеңестiң жеке кәсiпкерлiк субъектiлерiнiң аккредиттелген бiрлестiктерiнен, Қазақстан Республикасы Өңiрлiк кәсiпкерлер палатасынан, мiндеттi мүшелiк (қатысу) негiзiндегi өзiн-өзi реттейтiн ұйымдардан және өзге де коммерциялық емес ұйымдардан нормативтік құқықтық актілердің жобаларына сараптамалық қорытындылар алу, сондай-ақ кәсіпкерлікті қолдау және қорғау, соның ішінде әкімшілік кедергілерді жою мақсатында мемлекеттік органдардың қызметін жетілдіру туралы ұсыныстар тұжырымдау бойынша жұмысын ұйымдастыру;

      12) жалпы санының елу пайызынан кем емес кәсіпкерлік субъектілері өкілдерінің қатысуымен өңірлік үйлестіру кеңесін құру;

      13) жергілікті деңгейде жеке кәсіпкерлікті мемлекеттік қолдауды қамтамасыз ету;

      14) шағын индустриялық аймақтарды құру, жұмыс істеу мерзімін ұзарту немесе тарату туралы шешім қабылдау;

      15) шағын және орта кәсiпкерлiк субъектiлерi үшiн мамандар мен персоналды оқытуды, даярлауды, қайта даярлауды және олардың бiлiктiлiгiн арттыруды ұйымдастыру;

      16) облыс аумағында сауда саясатын жүргiзудi қамтамасыз ету;

      17) өз құзыретi шегiнде ішкі сауда субъектiлерiнiң қызметiн реттеудi жүзеге асыру;

      18) сауда қызметiне қолайлы жағдайлар жасау бойынша шаралар әзiрлеу;

      19) халықты сауда алаңымен қамтамасыз етудің ең төменгі нормативтері бойынша ұсыныстар әзірлеу;

      20) халықты сауда алаңымен қамтамасыз етудің ең төменгі нормативіне қол жеткізу жөнінде шаралар әзірлеу және іске асыру;

      21) әлеуметтік маңызы бар азық-түлік тауарларына бөлшек сауда бағаларының шекті мәндерін бекіту;

      22) әлеуметтік маңызы бар азық-түлік тауарларына рұқсат етілген шекті бөлшек сауда бағаларының мөлшерін бекіту;

      23) әлеуметтік маңызы бар азық-түлік тауарларына бағаларды тұрақтандыру тетіктерін іске асыру;

      24) азық-түлік тауарларын сатып aлу бағдарламаларына қатысушыларды анықтау жөнiндегi комиссиялардың жұмысын ұйымдастыру;

      25) әлеуметтік маңызы бар азық-түлік тауарларына шекті бағаларды белгілеу шараларын қоспағанда, әлеуметтік маңызы бар азық-түлік тауарларына бағаларды тұрақтандыру тетіктерін іске асыру үшін мамандандырылған ұйымдардан көрсетілетін қызметтерді сатып алуды жүзеге асыру;

      26) әлеуметтік маңызы бар азық-түлік тауарларына бағаларды тұрақтандыру тетіктерін іске асыру жөніндегі комиссияны құру және оның жұмысын ұйымдастыру;

      27) әлеуметтік маңызы бар азық-түлік тауарларына бағаларды тұрақтандыру тетіктерін іске асыру қағидаларын әзірлеу және бекіту;

      28) әлеуметтік маңызы бар азық-түлік тауарларына бағаларды тұрақтандыру тетіктерін іске асыру үшін сатып алынатын азық-түлік тауарларына шекті сауда үстемесін және тізбесін бекіту;

      29) азық-түлiк тауарларының өңірлік тұрақтандыру қорларын қалыптастыру және пайдалану;

      30) құзыреті шегінде шикізаттық емес экспортты жылжытуды жүзеге асыру, өңірде мемлекеттік сыртқы экономикалық саясатты іске асыру;

      31) құзыреті шегінде шикізаттық емес экспортты дамыту үшін жағдайлар жасау, сыртқы экономикалық байланыстарды дамытуды және нығайтуды жүзеге асыру;

      32) көрмелер мен жәрмеңкелер ұйымдастыруды жүзеге асыру;

      33) акционерлік қоғамдар акцияларының мемлекеттік топтамасын және жауапкершілігі шектеулі серіктестіктерге қатысу үлестерін иелену және пайдалану құқықтарын, облыс әкімдігі мен әкімінің актілерінде, өзге де нормативтік құқықтық актілерде қарастырылған жағдайда, мемлекеттік заңды тұлғалардың құқық субъектісінің өкілеттіктерін жүзеге асыру, соның ішінде тиісті саланың уәкілетті органдарының құзыретіне сәйкес оларға қатысты шешімдер қабылдау;

      34) өз құзыреті шегінде мемлекеттік-жекешелік әріптестік саласындағы мемлекеттік саясатты іске асыру;

      35) "Павлодар облысының кәсіпкерлік және сауда басқармасы" мемлекеттік мекемесі қызметкерлерінің мемлекеттік қызметті өтуімен байланысты мәселелерін іске асыру;

      36) тауарларды, жұмыстарды және қызметтерді мемлекеттік сатып алуды өткізу үдерісінде тапсырыс беруші мен ұйымдастырушының функцияларын жүзеге асыру, осы мақсаттарға бөлінген қаражаттарды мақсатты және тиімді жұмсауға бақылауды жүзеге асыру;

      37) "Павлодар облысының кәсіпкерлік және сауда басқармасы" мемлекеттік мекемесінің құзыреті шегінде әкімнің, әкімдіктің нормативтік құқықтық актілерін әзірлеу;

      37) Қазақстан Республикасының заңнамасына сәйкес жергілікті атқарушы органдарға жүктелетін өзге де өкілеттіктерді жергілікті мемлекеттік басқару мүддесінде жүзеге асыру.

3-тарау. "Павлодар облысының кәсіпкерлік және сауда басқармасы"
мемлекеттік мекемесінің бірінші басшысының мәртебесі, өкілеттіктері

      21. "Павлодар облысының кәсіпкерлік және сауда басқармасы" мемлекеттік мекемесіне басшылықты бірінші басшы жүзеге асырады, ол "Павлодар облысының кәсіпкерлік және сауда басқармасы" мемлекеттік мекемесіне жүктелген міндеттердің орындалуына және оның өз өкілеттіктерін жүзеге асыруына дербес жауап береді.

      22. "Павлодар облысының кәсіпкерлік және сауда басқармасы" мемлекеттік мекемесінің бірінші басшысын Қазақстан Республикасының заңнамасына сәйкес облыс әкімі лауазымға тағайындайды және лауазымнан босатады.

      23. "Павлодар облысының кәсіпкерлік және сауда басқармасы" мемлекеттік мекемесі бірінші басшысының Қазақстан Республикасының заңнамасына сәйкес лауазымға тағайындалатын және лауазымнан босатылатын орынбасары болады.

      24. "Павлодар облысының кәсіпкерлік және сауда басқармасы" мемлекеттік мекемесінің бірінші басшысының өкілеттіктері:

      1) "Павлодар облысының кәсіпкерлік және сауда басқармасы" мемлекеттік мекемесінің жұмысын ұйымдастырады, оның қызметіне басшылықты жүзеге асырады;

      2) өз орынбасарының, сондай-ақ "Павлодар облысының кәсіпкерлік және сауда басқармасы" мемлекеттік мекемесінің құрылымдық бөлімшелері қызметкерлерінің функциялары мен өкілеттіктерін айқындайды;

      3) Қазақстан Республикасының заңнамасына сәйкес "Павлодар облысының кәсіпкерлік және сауда басқармасы" мемлекеттік мекемесінің қызметкерлерін қызметке тағайындайды және қызметтен босатады;

      4) Қазақстан Республикасының заңнамасымен белгіленген тәртіпте "Павлодар облысының кәсіпкерлік және сауда басқармасы" мемлекеттік мекемесінің қызметкерлерін көтермелеуді, материалдық көмек көрсетуді, оларға тәртіптік жазалар қолдануды жүзеге асырады;

      5) құзыретіне жататын мәселелер бойынша "Павлодар облысының кәсіпкерлік және сауда басқармасы" мемлекеттік мекемесінің барлық қызметкерлері орындауға міндетті бұйрықтар шығарады және нұсқаулар береді;

      6) "Павлодар облысының кәсіпкерлік және сауда басқармасы" мемлекеттік мекемесінің құрылымдық бөлімшелері туралы ережелерді және қызметкерлерінің лауазымдық нұсқаулықтарын бекітеді;

      7) Қазақстан Республикасының заңнамасына сәйкес меншiк нысанына қарамастан барлық мемлекеттiк органдарда және өзге де ұйымдарда "Павлодар облысының кәсіпкерлік және сауда басқармасы" мемлекеттік мекемесі атынан өкілдік етеді;

      8) "Павлодар облысының кәсіпкерлік және сауда басқармасы" мемлекеттік мекемесі құрылымын әзірлеуді қамтамасыз етеді;

      9) орынбасары мен құрылымдық бөлімшелер басшыларының, сондай-ақ ведомстволық бағынысты ұйым басшысының қатысуымен "Павлодар облысының кәсіпкерлік және сауда басқармасы" мемлекеттік мекемесінің кеңестерін өткізеді;

      10) "Павлодар облысының кәсіпкерлік және сауда басқармасы" мемлекеттік мекемесінің перспективалық және ағымдағы жұмыс жоспарларын бекітеді;

      11) сыбайлас жемқорлыққа қарсы іс-қимыл бойынша шаралар қабылдайды және ол үшін дербес жауапты береді;

      "Павлодар облысының кәсіпкерлік және сауда басқармасы" мемлекеттік мекемесінің бірінші басшысы болмаған кезеңде, оның өкілеттіктерін қолданыстағы заңнамаға сәйкес оны алмастыратын тұлға жүзеге асырады.

      25. "Павлодар облысының кәсіпкерлік және сауда басқармасы" мемлекеттік мекемесі мен коммуналдық мүлікті басқару жөніндегі уәкілетті орган (жергілікті атқарушы орган) арасындағы өзара қарым-қатынастар Қазақстан Республикасының қолданыстағы заңнамасымен реттеледі.

      26. "Павлодар облысының кәсіпкерлік және сауда басқармасы" мемлекеттік мекемесі мен тиісті саланың уәкілетті органы (жергілікті атқарушы орган) арасындағы өзара қарым-қатынастар Қазақстан Республикасының қолданыстағы заңнамасымен реттеледі.

      27. "Павлодар облысының кәсіпкерлік және сауда басқармасы" мемлекеттік мекемесінің әкімшілігі мен оның еңбек ұжымы арасындағы өзара қарым-қатынастар Қазақстан Республикасының Еңбек кодексіне, Қазақстан Республикасының "Қазақстан Республикасының мемлекеттік қызметі туралы" Заңына және ұжымдық шартқа сәйкес айқындалады.

4-тарау. "Павлодар облысының кәсіпкерлік және сауда
басқармасы" мемлекеттік мекемесінің мүлкі

      28. "Павлодар облысының кәсіпкерлік және сауда басқармасы" мемлекеттік мекемесінің заңнамада көзделген жағдайларда жедел басқару құқығында оқшауланған мүлкі болуы мүмкін.

      "Павлодар облысының кәсіпкерлік және сауда басқармасы" мемлекеттік мекемесінің мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.

      29. "Павлодар облысының кәсіпкерлік және сауда басқармасы" мемлекеттік мекемесіне бекітілген мүлік облыстық коммуналдық меншікке жатады.

      30. Егер заңнамада өзгеше көзделмесе, "Павлодар облысының кәсіпкерлік және сауда басқармасы" мемлекеттік мекемесі өзіне бекітілген мүлікті және қаржыландыру жоспары бойынша өзіне берілген қаражат есебінен сатып алынған мүлікті өз бетімен иеліктен шығаруға немесе оған өзге тәсілмен билік етуге құқығы жоқ.

5-тарау. "Павлодар облысының кәсіпкерлік және сауда басқармасы"
мемлекеттік мекемесін қайта ұйымдастыру және тарату

      31. "Павлодар облысының кәсіпкерлік және сауда басқармасы" мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

      "Павлодар облысының кәсіпкерлік және сауда басқармасы" мемлекеттік мекемесінің қарамағындағы ұйымдар тізбесі

      32. "Павлодар облысының кәсіпкерлік және сауда басқармасы" мемлекеттік мекемесінің қарамағында келесі ұйым бар:

      "Павлодар" әлеуметтік-кәсіпкерлік корпорациясы" акционерлік қоғамы.

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады