2014 жылғы 29 мамырдағы Еуразиялық экономикалық одақ туралы шарттың 51-бабы 1-тармағының 11 және 12-тармақшаларында көзделген қағидаттарды іске асыру мақсатында және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне № 2 қосымшаның 7-тармағына сәйкес Еуразиялық экономикалық комиссия Алқасы шешті:
1. Қоса беріліп отырған Зерттеулердің (сынақтардың) және өлшемдердің қағидалары мен әдістерін, соның ішінде Кеден одағының "Темекі өнімдерінің техникалық регламенті" (КО ТР 035/2014) техникалық регламенті талаптарының қолданылуы мен орындалуы және техникалық реттеу нысандарының сәйкестігін бағалауды жүзеге асыру үшін қажетті үлгілерді іріктеу қағидаларын қамтитын мемлекетаралық стандарттарды әзірлеу (өзгерістер енгізу, қайта қарау) жөніндегі бағдарлама бекітілсін.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
В. Христенко |
| Еуразиялық экономикалық комиссия Алқасының 2015 жылғы 8 желтоқсандағы № 159 шешімімен БЕКІТІЛГЕН |
Зерттеулердің (сынақтардың) және өлшемдердің қағидалары мен әдістерін, соның ішінде Кеден одағының "Темекі өнімдерінің техникалық регламенті" (КО ТР 035/2014) техникалық регламенті талаптарының қолданылуы мен орындалуы және техникалық реттеу нысандарының сәйкестігін бағалауды жүзеге асыру үшін қажетті үлгілерді іріктеу қағидаларын қамтитын мемлекетаралық стандарттарды әзірлеу (өзгерістер енгізу, қайта қарау) жөніндегі БАҒДАРЛАМА
№ р/с | ХБЖ коды | Халықаралық стандарт жобасының атауы. Жұмыс түрі | Кеден одағының техникалық регламентінің элементтері | Әзірлеу мерзімі | Еуразиялық экономикалық одаққа мүше мемлекет – жауапты әзірлеуші | |
басталуы | аяқталуы | |||||
1 | 2 | 3 | 4 | 5 | 6 | 7 |
1 | 65.160 | Сигаралар және сигариллалар. Қалыңдығын айқындау. МЕМСТ әзірлеу | ІІ бөлім | 2015 жыл | 2016 жыл | Ресей Федерациясы |
2 | 65.160 |
Темекі және темекі өнімдері. Кесілген темекі талшығының енін айқындау. | ІІ бөлім | 2015 жыл | 2016 жыл | Ресей Федерациясы |
3 | 65.160 |
Сигареттер. Сынамаларды іріктеу. | VІІ бөлім | 2015 жыл | 2016 жыл | Ресей Федерациясы |
