ЗҚАИ-ның ескертпесі!
Өкім күшіне енді 01.06.2016 – Еуразиялық экономикалық одақтың сайты
Табиғи монополиялар субъектілерінің қызметін реттеудің бірыңғай қағидаттары мен қағидалары туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 20 қосымша) 20-тармағының 3) және 4) тармақшаларында көрсетілген, 2015 жылы жүргізілген жұмыс нәтижелері туралы Еуразиялық экономикалық комиссияның ақпаратын ескере отырып:
1. Еуразиялық экономикалық комиссия:
Еуразиялық экономикалық одаққа мүше мемлекеттерде табиғи монополиялар субъектілерінің қызметін реттеу жүйесі мен практикасына салыстырмалы талдау жүргізу жөніндегі жұмысты жалғастырсын;
Еуразиялық экономикалық одаққа мүше мемлекеттердің уәкілетті органдарымен келісілген, Табиғи монополиялар субъектілерінің қызметін реттеудің бірыңғай қағидаттары мен қағидалары туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 20 қосымша) 20-тармағының 5) тармақшасына сәйкес жүргізілген жұмыс нәтижелері туралы ақпаратты 2017 жылғы 1 шілдеге дейін Жоғары Еуразиялық экономикалық кеңестің қарауына ұсынсын.
2. Осы Өкім "Интернет" ақпараттық-телекоммуникациялық желісіндегі Еуразиялық экономикалық одақтың ресми сайтында жарияланған күнінен бастап күшіне енеді.
Жоғары Еуразиялық экономикалық кеңес мүшелері:
Армения Респуликасынан | Беларусь Республикасынан | Қазақстан Республикасынан | Қырғыз Республикасынан | Ресей Федерациясынан |
