Кеден одағы Кеден кодексінің 52-бабының 7-тармағына сәйкес Еуразиялық экономикалық комиссия Алқасы шешті:
1. Тұрақты токтың электрлі моторы, редуктор, әйнекті көтеру (түсіру) механизмі секілді негізгі құрамдас бөліктерден тұратын, автомобиль есігінің әйнегін көтеру (түсіру) арқылы автомобиль әйнегін жабуға (ашуға) арналған электрлі әйнек көтергіштер сыртқы экономикалық қызметтің Тауар номенклатурасының 1 және 6 Негізгі түсіндіру қағидаларына сәйкес Еуразиялық экономикалық одақтың сыртқы экономикалық қызметінің Бірыңғай тауар номенклатурасының 8479 89 970 8 кіші қосалқы позициясында сыныпталады.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасы Төрағасының міндетін уақытша атқарушы |
К. Минасян |
