Еуразиялық экономикалық одақ шеңберіндегі техникалық реттеу туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 9 қосымша) 8-тармағына және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентіне №2 қосымшаның 8-тармағына сәйкес, Еуразиялық экономикалық комиссия Алқасының 2012 жылғы 25 желтоқсандағы № 294 шешімімен бекітілген Кеден одағының кедендік аумағына Кеден одағы шеңберінде міндетті талаптар белгіленетін өнімдерді (тауарларды) әкелу тәртібі туралы ереженің 2-тармағының "в" тармақшасын іске асыру мақсатында, Еуразиялық экономикалық комиссия Алқасы шешті:
1. Қосымшаға сәйкес Еуразиялық экономикалық комиссия Алқасының Кедендік декларацияны беру "Балалар мен жасөспірімдерге арналған өнімнің қауіпсіздігі туралы" (КО ТР 007/2011)" Кеден одағы техникалық регламентінің талаптарына сәйкестікті бағалау (растау) туралы құжатты ұсынумен бірге жүретін өнімдердің (бұйымдардың) тізбесін бекіту туралы" 2013 жылғы 5 наурыздағы № 28 шешіміне өзгерістер енгізілсін.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
Т. Саркисян |
| Еуразиялық экономикалық комиссия Алқасының 2016 жылғы 15 қарашадағы № 149 шешіміне ҚОСЫМША |
Еуразиялық экономикалық комиссия Алқасының 2013 жылғы 5 наурыздағы № 28 шешіміне енгізілетін ӨЗГЕРІСТЕР
1. Атауындағы "(растау)" деген сөз алып тасталсын.
2. Кіріспедегі "2011 жылғы 18 қарашадағы Еуразиялық экономикалық комиссия туралы шарттың 3-бабына" деген сөздер "Еуразиялық экономикалық одақ шеңберіндегі техникалық реттеу туралы хаттаманың (2014 жылғы 29 мамырдағы Еуразиялық экономикалық одақ туралы шартқа № 9 қосымша) 8-тармағына сәйкес және Еуразиялық экономикалық комиссия Алқасының 2012 жылғы 25 желтоқсандағы № 294 шешімімен бекітілген Кеден одағының кедендік аумағына Кеден одағы шеңберінде міндетті талаптар белгіленетін өнімдерді (тауарларды) әкелу тәртібі туралы ереженің 2-тармағының "в" тармақшасын іске асыру мақсатында," деген сөздермен ауыстырылсын.
3. 1-тармақтағы "(растау") деген сөз алып тасталсын.
4. Көрсетілген Шешіммен бекітілген "Балалар мен жасөспірімдерге арналған өнімнің қауіпсіздігі туралы" (КО ТР 007/2011)" Кеден одағы техникалық регламентінің талаптарына сәйкестікті бағалау (растау) туралы құжатты ұсынумен бірге жүретін өнімдердің (бұйымдардың) тізбесінде:
а) атауындағы "(растау") деген сөз алып тасталсын;
б) кестенің басында:
2-бағандағы "КО СЭҚ ТН" деген сөздер "ЕАЭО СЭҚ ТН" деген сөздермен ауыстырылсын;
3-бағандағы "(растау") деген сөз алып тасталсын;
в) 2-бағанда 1-позициядағы "3926 90 970 9-дан" деген сөздер "3926 90 970 7-ден" деген сөздермен ауыстырылсын;
г) 2-позицияда:
1-бағанда үшінші абзацтағы ", үстелше" деген сөз алып тасталсын;
2-бағандағы "3924 90 000 0-ден" деген сөздер "3924 90 000 1-ден 3924 90 000 9-дан" деген сөздермен ауыстырылсын;
д) 2-бағанда 3-позициядағы мәтін мынадай редакцияда жазылсын:
"3924 90 000-ден 3926 90 970 7-ден 9603 29-дан 9603 30 900 0-ден 9605 00 000 0-ден 9615-тен";
е) 1-бағанда 5-позициядағы мәтін мынадай редакцияда жазылсын:
"5. Құрамында гель құрағыш ылғал сіңіргіш материалдары бар көп қабатты бұйымдар, – жергөктер, түзкиімдер және жаялықтар;
гигиеналық мақталы таяқшалар (мұрын мен құлаққа арналған);
балалар күтіміне арналған бір рет пайдаланылатын басқа да санитариялық-гигиеналық бұйымдар";
ж) 2-бағанда 7-позициядағы "3926 90 970 9-дан 3924 90 000 0-ден деген сөздер "3924 90 9009-дан 3926 90 970 7-ден деген сөздермен ауыстырылсын;
з) 2-бағанда 19 және 20-позициялардағы "4203-тен" деген сөздер алып тасталсын;
и) 2-бағанда 34-позициядағы мәтін мынадай редакцияда жазылсын:
"6213-тен 6214-тен 6301-ден 6302-ден 6304-тен"
к) 2-бағанда 41-позициядағы "4421 90-нан" деген сөздер алып тасталсын;
л) ескертпедегі "КО СЭҚ ТН" деген сөздер "ЕАЭО СЭҚ ТН" деген сөздермен ауыстырылсын.
