2014 жылғы 29 мамырдағы Еуразиялық экономикалық одақ туралы шарттың 92-бабының 6-тармағына сәйкес Еуразиялық үкіметаралық кеңес шешті:
Еуразиялық үкіметаралық кеңестің 2015 жылғы 8 қыркүйектегі № 9 шешімімен бекітілген Еуразиялық экономикалық одақ шеңберіндегі өнеркәсіптік ынтымақтастықтың негізгі бағыттарының 5.2-тармағы мынадай мазмұндағы абзацтармен толықтырылсын:
"Комиссия мүше мемлекеттердің сезімтал тауарларға қатысты қабылдаған (әзірлеген) құқықтық актілерінің (актілер жобаларының) тізілімін Одақтың ресми сайтында жүргізуді және орналастыруды қамтамасыз етеді.
Тізілім Сезімтал тауарларға қатысты консультациялар жүргізу тәртібінің 18-тармағына және (немесе) сезімтал тауарларға қатысты ұлттық өнеркәсіптік саясатты іске асырудың жоспарланған бағыттары туралы Еуразиялық экономикалық одаққа мүше мемлекеттерді өзара хабардар етуге (№ 3 қосымша) және Комиссия жүргізетін мүше мемлекеттердің сезімтал тауарларға қатысты құқықтық актілер әзірлеу және қабылдау мониторингі нәтижелеріне сәйкес мүше мемлекеттердің келісуі бойынша мүше мемлекеттер ұсынған ақпарат негізінде қалыптастырылады".
Еуразиялық үкіметаралық кеңес мүшелері:
Армения |
Беларусь |
Қазақстан |
Қырғыз |
Ресей |
