Мемлекеттік (муниципалдық) сатып алу мақсатында тауарлардың жекелеген түрлерінің шығарылған елін айқындау қағидаларына № 1 қосымшаға өзгерістер енгізу туралы

Еуразиялық экономикалық комиссия Кеңесінің 2021 жылғы 5 қазандағы № 101 шешімі.

Еуразиялық экономикалық комиссия Кеңесі шешті:

1. Қосымшаға сәйкес Еуразиялық экономикалық комиссия Кеңесінің 2020 жылғы 23 қарашадағы № 105 шешімімен бекітілген Мемлекеттік (муниципалдық) сатып алу мақсатында тауарлардың жекелеген түрлерінің шығарылған елін айқындау қағидаларына № 1 қосымшаға өзгерістер енгізілсін.

2. Осы Шешім ресми жарияланған күнінен бастап күнтізбелік 30 күн өткен соң күшіне енеді.

Еуразиялық экономикалық комиссия Кеңесінің мүшелері:

Армения Республикасынан М. Григорян

Беларусь Республикасынан И. Петришенко

Қазақстан Республикасынан Ә. Смайылов

Қырғыз Республикасынан А.Жапаров

Ресей Федерациясынан А. Оверчук

Еуразиялық экономикалық комиссия Кеңесінің 2021 жылғы 5 қазандағы № 101 шешіміне ҚОСЫМША

Мемлекеттік (муниципалдық) сатып алу мақсатында тауарлардың жекелеген түрлерінің шығарылған елін айқындау қағидаларына №1 қосымшаға енгізілетін ӨЗГЕРІСТЕР

1. Бірінші графаның атауы мынадай редакцияда жазылсын: "ЕАЭО СЭҚ ТН коды".

2. IV бөлімдегі "9410-нан, Офистерге арналған ағаш жиһаз 9403 30-дан" позициясында бірінші графадағы "9410-нан"деген сөздер "9401-ден" сөздермен ауыстырылсын.

3. V бөлімдегі "Өзге де өздігінен жүретін бір ожаулы фронтал тиеуіш 8429 51-ден"позициясында екінші графадағы үшінші абзацтағы "7-ден кем" сөздері "кем дегенде 7" сөздермен ауыстырылсын.

4. IХ бөлімдегі "8537-ден Жиынтықты трансформаторлық шағын станция (ЖТШ), блокты-модулды трансформаторлық шағын станция (БЖТШ)" позициясындағы бірінші графадағы (8537-ден" деген сөздер "8504-тен" деген сөздермен ауыстырылсын.

5. 5-сілтемеде он бірінші абзацтағы "3210-нан" деген сөздер "3210 00-ден" сөздермен ауыстырылсын.