Еуразиялық экономикалық одақтың Кеден кодексінің 22-бабы 1-тармағының бірінші абзацына сәйкес Еуразиялық экономикалық комиссия Алқасы шешті:
1. Өрт сөндіру газын сақтауға арналған баллондардан, іске қосу баллондарынан, коллекторлардан, бүріккіш шүмектерден, сигнал беру және іске қосу құрылғыларынан, өртті анықтау және хабарлау құрылғыларынан, бақылау-өлшеу аспаптарынан және басқару шкафынан, құбырлардан тұратын және өрт дабылы аспаптарынан басқару сигналы түскен кезде өрт сөндіру газын бүркуге арналған өрт сөндіру жүйесі Сыртқы экономикалық қызметтің Тауар номенклатурасына Түсіндірмелердің 1, 4 және 6-негізгі қағидаларына сәйкес Еуразиялық экономикалық одақтың сыртқы экономикалық қызметінің Бірыңғай тауар номенклатурасының 8424 10 000 0 қосалқы позициясында сыныпталады.
2. Осы Шешім ресми жарияланған күнінен бастап күнтізбелік 30 күн өткен соң күшіне енеді.
|
Еуразиялық экономикалық комиссия Алқасының Төрағасы |
М. Мясникович |
