180-тармаққа, 184-тармақтың екінші абзацына, 189, 191-тармақтарға және Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентінің 196-тармағының 3-тармақшасына сәйкес Еуразиялық экономикалық комиссиясы алқасы шешті:
1. Еуразиялық экономикалық комиссиясы алқасының шешімдеріне қосымшаға сәйкес өзгерістер енгізілсін.
2. Осы шешім ресми жарияланған күннен бастап күнтізбелік 30 күн өткен соң күшіне енеді.
|
Еуразиялық экономикалық комиссия алқасының төрағасы |
Б. Сағынтаев |
| Еуразиялық экономикалық комиссиясы алқасының 2024 жылғы 13 наурыздағы № 19 шешіміне ҚОСЫМША |
Еуразиялық экономикалық комиссиясы алқасының шешімдеріне енгізілетін ӨЗГЕРІСТЕР
1. Еуразиялық экономикалық комиссиясы алқасының 2015 жылғы 31 наурыздағы № 25 шешімімен бекітілген Еуразиялық экономикалық комиссиясы шешімдерінің жобаларының реттеуші әсерін бағалауды жүргізу жөніндегі Еуразиялық экономикалық комиссияның жұмыс тобы туралы ережеге:
а) мәтін бойынша "комиссия шешімі жобасының реттеуші әсерін бағалау туралы қорытынды" деген сөздер тиісті түр мен септікте "реттеуші әсерді бағалау туралы қорытынды" деген сөздермен тиісті түр мен септікте ауыстырылсын;
б) 3-тармақ мынадай редакцияда жазылсын:
"3. Жұмыс тобының негізгі міндеттері:
а) Комиссияның кәсіпкерлік қызметті дамыту департаментінің (бұдан әрі – жиынтық департамент) тиісті ұстанымы болған кезде Еуразиялық экономикалық комиссия (бұдан әрі – Комиссия) шешімдері жобаларының және Одақ шеңберіндегі халықаралық шарттар жобаларының реттеуші әсерін бағалауды жүргізу қажеттілігі туралы мәселелерді қарау;
б) Жиынтық департаменттің тиісті ұстанымы болған жағдайда Комиссияның қабылданған шешімдерінің нақты әсеріне бағалау жүргізу қажеттілігі туралы мәселелерді қарау;
в) Комиссия шешімдері жобаларының және Одақ шеңберіндегі халықаралық шарттар жобаларының реттеуші әсерін бағалау туралы қорытындыларды (бұдан әрі – реттеуші әсерді бағалау туралы қорытындылар) дайындау;
г) Комиссия қабылдаған шешімдердің нақты әсерін бағалау туралы қорытындыларды (бұдан әрі – нақты әсерді бағалау туралы қорытындылар) дайындау.";
в) 5-тармақтың "е" тармақшасы "және нақты әсерді бағалау туралы қорытындылар" деген сөздермен толықтырылсын;
г) 7-тармақтың екінші абзацындағы "кезеңдегі" деген сөздер "және кезеңдегі нақты әсерді бағалау туралы қорытындылар" деген сөздермен ауыстырылсын;
д) 9-тармақтың "г" тармақшасындағы "қол қою үшін" деген сөздер "және қол қою үшін нақты әсерді бағалау туралы қорытынды жобасы" деген сөздермен ауыстырылсын;
е) 10-тармақта:
бірінші абзацтағы "Комиссия мен бизнес-қоғамдастық арасындағы тұрақты өзара іс – қимылды жүзеге асыру үшін мүше мемлекеттер құрған бизнес – диалогпен айқындалған Одаққа мүше әрбір мемлекеттің (бұдан әрі – мүше мемлекет) бизнес-қоғамдастығы" деген сөздер "Одаққа мүше әр мемлекеттің (бұдан әрі – мүше мемлекет) бизнес-қоғамдастығы" деген сөздермен ауыстырылсын;
үшінші абзац "Одақ шеңберіндегі халықаралық шарттардың жобаларын, сондай-ақ Комиссия қабылдаған шешімдердің нақты әсерін бағалауды" деген сөздермен толықтырылсын;
ж) 14-тармақта:
"165 және 167" деген сөздер "165, 167, 191 және 196-тармақтың 3-тармақшасымен" деген сөздермен ауыстырылсын;
"және нақты әсерді бағалау туралы қорытындылар" деген сөздермен толықтырылсын;
з) 15-тармақта:
"а" тармақшасы "Комиссия шешімінің жобасын дайындағаны үшін" деген сөздерден кейін "немесе Одақ шеңберіндегі халықаралық шарт жобасының" деген сөздермен толықтырылсын;
"б" тармақшасы "немесе Одақ шеңберіндегі халықаралық шарт жобасының" деген сөздермен толықтырылсын;
мынадай мазмұндағы "в" және "г" тармақшаларымен толықтырылсын:
"в) Құжат регламентінің 190-тармағымен көзделген, жиынтық департаментке және Комиссия қабылданған шешімнің жобасын дайындауға жауапты Комиссия департаментінің жұмыс тобының мүшелеріне жіберілетін (бұдан әрі – жауапты департамент);
г) қабылданған Комиссия шешімінің нақты әсеріне бағалау жүргізу қажеттілігі туралы жиынтық департаменті позициясының регламентінің 180-тармағының бірінші абзацында көзделген.";
и) 17-тармақта:
"а" тармақшасы мынадай редакцияда жазылсын:
комиссия шешімі жобасының, Одақ шеңберіндегі халықаралық шарт жобасының реттеуші әсерін бағалауды жүргізу немесе Комиссия қабылдаған шешімнің нақты әсерін бағалау қажеттілігі туралы мәселе бойынша:
оларға қатысты реттеушілік әсерді бағалауды жүргізу қажеттілігі туралы мәселе қаралатын Комиссия шешімінің жобасы немесе Одақ шеңберіндегі халықаралық шарттың жобасы немесе оған қатысты нақты әсерді бағалауды жүргізу қажеттілігі туралы мәселе қаралатын Комиссия шешімінің қолданыстағы редакциясы;
жиынтық департаменттің Комиссия шешімі жобасының, Одақ шеңберіндегі халықаралық шарт жобасының реттеуші әсерін бағалауды жүргізу немесе Комиссия қабылдаған шешімнің нақты әсерін бағалау қажеттілігі туралы ұстанымы;
әзірлеуші департаменттің немесе жауапты департаменттің Комиссия шешімі жобасының, Одақ шеңберіндегі халықаралық шарт жобасының реттеуші әсерін бағалауды жүргізу немесе Комиссия қабылдаған шешімнің нақты әсерін бағалау қажеттілігінің жоқтығы туралы ұстанымы (жазбаша түрде ұсынылған осындай позиция болған жағдайда);";
"б" тармақшасында:
екінші абзацта:
", бағытталған" деген сөз "немесе, бағытталған, Одақ шеңберіндегі халықаралық шарттың жобасы" деген сөздермен ауыстырылсын;
"оған" деген сөз алынып тасталсын;
үшінші абзац "Комиссияның" деген сөзден кейін "немесе Одақ шеңберіндегі халықаралық шарт жобасының" деген сөздермен толықтырылсын;
төртінші абзацтағы ", немесе" деген сөз "немесе Одақ шеңберіндегі халықаралық шарт жобасының, немесе" деген сөздермен ауыстырылсын;
бесінші абзацтағы "Комиссия шешімі жобасының" деген сөздер алып тасталсын;
жетінші абзац "Комиссияға" деген сөзден кейін "немесе Одақ шеңберіндегі халықаралық шарттың жобасына" деген сөздермен толықтырылсын;
мынадай мазмұндағы "в" тармақшасымен толықтырылсын:
"в) нақты әсерді бағалау туралы қорытынды дайындау туралы мәселе бойынша:
жауапты департамент нақты әсерді бағалау туралы қорытынды алу үшін жіберген Комиссия шешімінің қолданыстағы редакциясы;
Регламенттің 189-тармағына сәйкес жауапты департамент дайындаған сауалнамада қамтылған сұрақтарға жауаптарды, сондай-ақ Комиссия қабылдаған шешімнің нақты әсерін бағалау шеңберінде қоғамдық консультациялар өткізу барысында келіп түскен ескертулер мен ұсыныстарды жинақтау нәтижелері бойынша пікірлердің жинақтамасы;
Комиссияның осы шешіміне қатысты мүше мемлекеттердің уәкілетті органдары дайындаған нақты әсерді бағалау туралы қорытындылар (бар болған жағдайда);
Комиссияның қабылданған шешімі бойынша әрбір мүше мемлекеттің бизнес-қоғамдастығынан үйлестірушілердің шоғырландырылған ұстанымы туралы ақпарат (мұндай ұстаным бар болған жағдайда);
Комиссияның қабылдаған шешімі бойынша жауапты департаменттің ұстанымы туралы мәліметтер (жазбаша түрде ұсынылған осындай позиция болған жағдайда).";
к) 21-тармақ мынадай редакцияда жазылсын:
"21. Комиссия шешімі жобасының, Одақ шеңберіндегі халықаралық шарт жобасының реттеуші әсерін бағалауды жүргізу немесе Комиссия қабылдаған шешімнің нақты әсерін бағалау қажеттілігі туралы мәселе, егер әзірлеуші департамент немесе жауапты департамент осындай қажеттіліктің болуы туралы жиынтық департаменттің ұстанымын қолдамаған жағдайда, жұмыс тобының отырысында қаралады.
Егер консультациялардың қорытындылары бойынша әзірлеуші департаменттің немесе жауапты департаменттің және жиынтық департаменттің Комиссия шешімі жобасының жүргізу қажеттілігі, Одақ шеңберіндегі халықаралық шарт жобасының реттеуші әсерін бағалауды жүргізу немесе Комиссияның қабылдаған шешімінің нақты әсерін бағалау жөнінде ұстанымдар арасында қайшылық орын алған жағдайда, бұл мәселе жұмыс тобының кезекті отырысының күн тәртібіне енгізіледі.
Жұмыс тобының отырысында Комиссия шешімі жобасының, Одақ шеңберіндегі халықаралық шарт жобасының реттеуші әсерін бағалауды жүргізу немесе Комиссия қабылдаған шешімнің нақты әсерін бағалау қажеттілігі туралы мәселені қарау кезінде жиынтық департаменттің, әзірлеуші департаментінің, немесе жауапты департаменттің, жұмыс тобы мүшелерінің және жұмыс тобының отырысына қатысатын өзге де адамдардың Комиссия шешімі жобасының, Одақ шеңберіндегі халықаралық шарттың жобасының реттеуші әсерін бағалауды жүргізу немесе Комиссия қабылдаған шешімнің нақты әсерін бағалау қажеттілігі (қажеттілігінің болмауы) туралы ұстанымдары тыңдалады және талқыланады.
л) 22- тармақта:
бірінші абзац және "а" тармақшасы "Комиссияның" деген сөзден кейін "немесе Одақ шеңберіндегі халықаралық шарт жобасының" деген сөздермен толықтырылсын;
"б" тармақшасы "немесе Одақ шеңберіндегі халықаралық шарт жобасына Регламенттің 197-тармағының ережелерін" деген сөздермен толықтырылсын;
"в" тармақшасындағы "олай болған жағдайда" деген сөздер "немесе, егер, Одақ шеңберіндегі халықаралық шарттың жобасымен" деген сөздермен ауыстырылсын;
"г" тармақшасында:
екінші және үшінші абзацтар "немесе Одақ шеңберіндегі халықаралық шарт жобасының" деген сөздермен толықтырылсын;
төртінші абзац "Комиссия шешімінің" деген сөздерден кейін "немесе Одақ шеңберіндегі халықаралық шарт жобасының" деген сөздермен толықтырылсын;
м) мынадай мазмұндағы 221 - тармақпен толықтырылсын:
"221. Комиссия қабылдаған шешімнің нақты әсеріне бағалау жүргізу қажеттілігі туралы мәселені қарау нәтижелері бойынша жұмыс тобының отырысында жұмыс тобы отырысының хаттамасында мыналар туралы мәліметтер көрсетіледі:
а) Комиссия қабылдаған шешімнің Регламенттің 176- тармағының бірінші-үшінші абзацтарында және 178-тармағында көзделген өлшемшарттарға сәйкес келуі (сәйкес келмеуі);
б) қабылданған Комиссия шешіміне Регламенттің 177-тармағының ережелерін тарату (таратпау) ;
в) Комиссия қабылдаған шешімнің кәсіпкерлік қызметті жүргізу шарттарына ықпалының болуы (болмауы);
г) жұмыс тобының отырысында мәселені қараудың мынадай нәтижелерінің бірі:
жауапты департамент пен жиынтық департамент Комиссияның қабылдаған шешімінің нақты әсеріне бағалау жүргізу қажеттігі туралы келісімге қол жеткізді;
жауапты департамент пен жиынтық департамент Комиссияның қабылдаған шешімінің нақты әсеріне бағалау жүргізу қажеттігінің жоқтығы туралы келісімге қол жеткізді;
Комиссия қабылдаған шешімнің нақты әсеріне бағалау жүргізу қажеттілігі (қажеттігінің болмауы) туралы мәселе осы мәселе бойынша жауапты департамент пен жиынтық департамент арасында келісімнің болмауына байланысты түпкілікті шешім қабылдау үшін Комиссия Алқасының отырысында қаралуға тиіс.";
н) 23-тармақ "Комиссия шешімінің" деген сөздерден кейін "Одақ шеңберіндегі халықаралық шарттың жобасын немесе Комиссия қабылдаған шешімнің нақты әсерін бағалауды" деген сөздермен толықтырылсын;
о) 24-тармақтағы "көрсетілген жобаның және оның негізгі ережелерінің" деген сөздер "тиісті жоба және оның негізгі ережелері, ал нақты әсерді бағалау туралы қорытынды дайындау туралы мәселе – жауапты департаменттің Комиссия шешіміне және оның негізгі ережелеріне қатысты ұстанымы" деген сөздермен ауыстырылсын;
п) 25-тармақтың бірінші абзацындағы "көрсетілген" деген сөз "тиісті" деген сөзбен ауыстырылсын;
р) мынадай мазмұндағы 251-тармақпен толықтырылсын:
"251. Жұмыс тобының отырысында нақты әсерді бағалау туралы қорытынды дайындау туралы мәселені қарау кезінде жұмыс тобының мүшелері және жұмыс тобының отырысына қатысатын өзге де адамдар Регламенттің 182-тармағында айқындалған нақты әсерді бағалау мәніне қатысты көрсетілген мәселе бойынша ескертулер мен ұсыныстар береді.
с) 26-тармақта:
бірінші абзацтағы "осы жобаның" деген сөздер алып тасталсын;
"а" тармақшасының бірінші абзацында:
"Комиссияның" деген сөзден кейін "немесе Одақ шеңберіндегі халықаралық шарт жобасында" деген сөздермен толықтырылсын;
"бұл" сөзі "тиісті" деген сөзбен ауыстырылсын;
"б" тармақшасындағы ", мақсаттар" деген сөз "немесе Одақ шеңберіндегі халықаралық шарттың жобасы, мақсаттар" деген сөздермен ауыстырылсын, "Комиссия шешімінің жобасы жіберілген" деген сөздер "тиісті жоба жіберілген" деген сөздермен ауыстырылсын;
"д" тармақшасы "Комиссияның" деген сөзден кейін "немесе Одақ шеңберіндегі халықаралық шарттың жобасымен" деген сөздермен толықтырылсын;
т) мынадай мазмұндағы 261-тармақпен толықтырылсын:
"261. Жұмыс тобының отырысында нақты әсерді бағалау туралы қорытынды дайындау туралы мәселені қарау нәтижелері бойынша нақты әсерді бағалау туралы қорытындыда мынадай ақпарат көрсетіледі:
а) Комиссия шешімін қолдану тәжірибесін ескере отырып оны әзірлеу кезінде мәлімделген реттеу мақсаттарына қол жеткізуді белгілеу туралы;
б) Комиссия шешімінің ережелерінде болуы (болмауы) немесе осы ережелерге байланысты Одақтың ішкі нарығында тауарлардың, көрсетілетін қызметтердің, капиталдың және жұмыс күшінің еркін қозғалысы үшін артық шектеулердің, кедергілердің туындауы фактісін анықтау туралы;
в) Комиссия шешімінің нақты әсерін бағалау шеңберінде қоғамдық консультациялар өткізу нәтижелері туралы;
г) Комиссия шешімінде Регламенттің 182-тармағында көзделген ережелердің болуы (болмауы) фактісін анықтау туралы.";
у) 27- тармақта:
"жұмыс тобының мүшесі" деген сөздер "немесе жұмыс тобының нақты әсерін бағалау туралы қорытындылар" деген сөздермен ауыстырылсын;
"немесе нақты әсерді бағалау туралы қорытындыға" деген сөздермен толықтырылсын;
ф) 32-тармақ "әзірлеуші-департаментке" деген сөздерден кейін " (жауапты департаментке)" деген сөздермен толықтырылсын;
х) 33-тармақтағы "және өзектендірілген қорытындылар" деген сөздер ", өзектендірілген қорытындылар және нақты әсерді бағалау туралы қорытындылар" деген сөздермен ауыстырылсын;
ц) 34-тармақтағы "және Комиссия шешімдері жобаларының реттеуші әсерін бағалау туралы қорытындылар" деген сөздер "реттеуші әсерді бағалау туралы қорытындылар және нақты әсерді бағалау туралы қорытындылар" деген сөздермен ауыстырылсын.
2. Еуразиялық экономикалық комиссиясы алқасының 2015 жылғы 5 мамырдағы № 46 шешімімен бекітілген Еуразиялық экономикалық комиссиядағы ішкі құжат айналымы қағидаларында:
а) 67-тармақ мынадай мазмұндағы абзацтармен толықтырылсын:
"Қоғамдық консультациялар өткізу үшін Регламенттің 184 және 189- тармақтарында көзделген сауалнама және пікірлердің жиынтығы № 51 қосымшаға сәйкес талаптарға сәйкес жасалады.
Регламенттің 189-тармағына сәйкес Одақтың ресми сайтында қоғамдық консультациялардың қорытындылары бойынша пікірлер жиынтығын орналастыру осы Қағидаларға тіркелген № 51 қосымшада айқындалған талаптарға сәйкес жүзеге асырылады."
б) көрсетілген қағидаларға тіркелген № 5 қосымшаның атауы "және Одақ шеңберіндегі халықаралық шарттардың жобалары" деген сөздермен толықтырылсын;
в) мынадай мазмұндағы № 51 қосымшамен толықтырылсын:
| "Еуразиялық экономикалық комиссиясындағы ішкі құжат айналымы қағидаларына № 51 ҚОСЫМША |
Еуразиялық экономикалық комиссиясы қабылдаған шешімдердің нақты әсерін бағалау рәсімін жүргізу үшін қажетті құжаттарды ресімдеуге қойылатын ТАЛАПТАР
Еуразиялық экономикалық комиссиясы шешімінің нақты әсерін бағалау шеңберінде қоғамдық консультациялар өткізуге арналған сауалнама
1. Кәсіпкерлік қызметті жүргізу шарттарына Еуразиялық экономикалық комиссиясы шешімінің (бұдан әрі – Комиссия) нақты әсеріне сараптамалық баға алу (бұдан әрі – нақты әсерді бағалау) мақсатында Комиссия қабылдаған шешімнің жобасын дайындауға жауапты комиссия департаменті (бұдан әрі – жауапты департамент) Комиссия шешімінің нақты әсерін бағалау шеңберінде қоғамдық консультациялар өткізу үшін қоса беріліп отырған нысанға (1-нысан) сәйкес сауалнама (бұдан әрі – сауалнама) жасайды.
2. Сауалнама нақты әсерді бағалауды жүргізу шеңберінде қоғамдық консультацияларға қатысатын мүдделі тұлғалар үшін сұрақтар тізбесі болып табылады және осы тұлғалардың, оның ішінде Жоғары Еуразиялық экономикалық кеңестің 2014 жылғы 23 желтоқсандағы № 98 шешімімен бекітілген Еуразиялық экономикалық комиссияның Жұмыс регламентінің (бұдан әрі – Регламент) 182-тармағында айқындалған нақты әсерді бағалау мәніне қатысты мәселелер бойынша нақты әсеріне баға алуға арналған.
3. Толтырылған сауалнамаларды қоғамдық консультацияларға қатысушылардың жіберуіне арналған Еуразиялық экономикалық одақтың ресми сайтының (бұдан әрі – Одақтың ресми сайты) қызметін пайдалану міндетті болып табылады, ал толтырылған сауалнамаларды қағаз нұсқасында немесе электрондық құжат түрінде электрондық пошта арқылы жіберу мүмкіндігін қосымша жауапты департамент қарастыруы мүмкін.
4. Сауалнаманың I бөлімінде көрсетіледі:
а) нақты әсерді бағалау шеңберінде қоғамдық консультациялар өткізу мерзімдерімен сәйкес келуі тиіс сауалнаманы толтыру мерзімдері;
б) толтырылған сауалнаманы жіберу тәсілі (Одақтың ресми сайтының тиісті қызметін пайдалана отырып, қағаз нұсқасында немесе электрондық пошта арқылы);
в) жауапты департаменттің атауы;
г) жауапты департамент қызметкерінің байланыс деректері: тегі, аты, әкесінің аты (бар болған жағдайда), лауазымның атауы (бөлімін көрсете отырып), байланыс (жұмыс) телефонының нөмірі, электрондық пошта адресі;
д) Одақтың ресми сайтының қызметіне сілтеме, сондай-ақ қоғамдық консультацияларға қатысушылардың толтырылған сауалнамаларды жіберулеріне арналған пошталық мекенжайы (электрондық пошта адресі).
5. Сауалнаманың II – IV бөлімдері қоғамдық консультацияларға қатысушының көрсетілген сұрақтарға жауап беруі арқылы толтырады.
Сауалнаманың 15-тармағы жауапты департаментпен Комиссияның шешіміне қатысты және оның нақты әсерін бағалауға қатысты жүргізу үшін қажетті өзге де мәселелермен толықтырылуы мүмкін.
6. Қоғамдық консультациялар өткізу мерзімдері шегінде қоғамдық консультацияларға қатысушылардан Комиссияның шешіміне қатысты ескертулер мен ұсыныстар еркін нысанда (сауалнаманы толтырмай) келіп түскен жағдайда, жауапты департамент келіп түскен ескертулер мен ұсыныстарды қарауға және оларды сауалнамада қамтылған сұрақтарға жауаптарды, сондай-ақ қоғамдық консультациялар өткізу барысында келіп түскен ескертулер мен ұсыныстарды жинақтау нәтижелері бойынша пікірлердің жиынтығында көрсетуге міндетті.
Сауалнамада қамтылған сұрақтарға жауаптарды, сондай-ақ қоғамдық консультациялар өткізу барысында келіп түскен ескертулер мен ұсыныстарды жинақтау нәтижелері бойынша пікірлердің жиынтығы
7. Сауалнамада қамтылған сұрақтарға жауаптарды, сондай-ақ қоғамдық консультациялар өткізу барысында келіп түскен ескертулер мен ұсыныстарды жинақтау нәтижелері бойынша пікірлердің жиынтығын (бұдан әрі – пікірлердің жиынтығы) жауапты департамент Регламенттің 189-тармағына сәйкес қоса беріліп отырған нысан (2-нысан) бойынша жасайды және қоғамдық консультациялар аяқталған күннен бастап күнтізбелік 30 күннен кешіктірмей Одақтың ресми сайтында орналастырады.
8. Пікірлер жиынтығына толтырылған сауалнамалардан алынған мәліметтер, сондай-ақ қоғамдық консультацияларға қатысушылар еркін нысанда ұсынған Комиссия шешіміне қатысты ескертулер мен ұсыныстар енгізіледі.
9. Сауалнама тармақтарына қатысты ақпарат келіп түскен жағдайда жауапты департамент пікірлер жиынтығының 1-бағанына келіп түскен ақпарат қатысты мәселенің реттік нөмірін және анықтамасын (сауалнамаға сәйкес) көрсетеді.
Егер келіп түскен ақпарат жалпы сауалнама бойынша онда көрсетілген жекелеген мәселелерге қатыссыз болса, пікірлер жиынтығының 1-бағанында "сауалнама бойынша келіп түсті" деп көрсетіледі.
Комиссия шешімінің құрылымдық элементтеріне қатысты ескертулер немесе ұсыныстар келіп түскен жағдайда Пікірлер жиынтығының 5-бағанында оған қатысты ескерту немесе ұсыныс келіп түскен Комиссия шешімінің құрылымдық элементі (бөлім, тармақ, тармақша және т.б.) көрсетіледі.
Егер ескерту немесе ұсыныс комиссияның шешіміне немесе оның жалпы құрылымдық жағынан бөлінбейтін бөлігіне қатысты келіп түссе, пікірлер жиынтығының 5-бағанында "комиссияның шешіміне келіп түсті" деп көрсетіледі.
10. Пікірлер жиынтығының 2-бағанында сауалнаманың тиісті сұрағына жауап беріледі.
11. Пікірлер жиынтығының 3-бағанында толтырылған сауалнаманы жіберген ұйымның атауы, жеке тұлғаның (оның ішінде жеке кәсіпкер ретінде тіркелген) тегі мен аты-жөнінің бірінші әріптері көрсетіледі, сондай-ақ сауалнаманы жіберу тәсілі (Одақтың ресми сайтының тиісті қызметін пайдалана отырып, қағаз нұсқасында немесе электрондық пошта арқылы) көрсетіледі.
12. Пікірлер жиынтығының 4-бағанында сауалнама сұрағына қоғамдық консультацияларға қатысушының жауабына қатысты жауапты департаменттің ұстанымы келтіріледі.
13. Пікірлер жиынтығының 6-бағанында қоғамдық консультацияларға қатысушының ескертуі немесе ұсынысы келтіріледі.
14. Пікірлер жиынтығының 7-бағанында Комиссияның шешіміне қатысты ескертулер мен ұсыныстар жіберген жеке тұлғаның (оның ішінде дара кәсіпкер ретінде тіркелген) атауы, тегі мен аты-жөнінің бірінші әріптері (еркін нысанда) келтіріледі, сондай-ақ ескертулер мен ұсыныстарды еркін нысанда (Одақтың ресми сайтының тиісті қызметін пайдалана отырып, қағаз жеткізгіште немесе электрондық пошта арқылы) жіберу тәсілі көрсетіледі.
13. Пікірлер жиынтығының 8-бағанында жауапты департамент қоғамдық консультацияларға қатысушы еркін нысанда ұсынған Комиссияның шешіміне қатысты ескертуді немесе ұсынысты ескеруді жоспарлап отырғаны көрсетіледі.
Егер келіп түскен ескертуді немесе ұсынысты ішінара ескеру жоспарланса, осы бағанда келіп түскен ескертуді немесе ұсынысты қай бөлігінде ескеру жоспарланғаны көрсетіледі, сондай-ақ қалған бөлігінде тиісті ескертуді немесе ұсынысты қабылдамаудың негіздемесі келтіріледі.
Ескертуді немесе ұсынысты тұтастай қабылдамаған жағдайда, осы бағанда тиісті ескертуді немесе ұсынысты қабылдамаудың негіздемесі көрсетіледі.
14. Пікірлер жиынтығына жауапты департамент басшысы (басшының орынбасары) қол қояды.
Комиссия шешімінің нақты әсерін бағалау шеңберінде қоғамдық консультациялар өткізуге арналған сауалнама нысаны (1-нысан)
Комиссия шешімінің нақты әсерін бағалау шеңберінде қоғамдық консультациялар өткізуге арналған САУАЛНАМА
Шешімнің атауы мен деректемелері: __________________________________
(Еуразиялық экономикалық комиссиясының (ЕЭК)
__________________________________________________________________
толық атауы, күні және шешімінің нөмірі)
I. ЕЭК шешімінің нақты әсерін бағалау шеңберінде толтырылған сауалнамаларды жіберу тәсілі, қоғамдық консультациялар мерзімдері және қоғамдық консультациялар өткізуге жауапты департамент қызметкерінің байланыс деректері туралы ақпарат
Сауалнаманы толтыру мерзімі (қоғамдық консультациялар өткізу): |
Толтырылған сауалнаманы жіберу тәсілі |
II. Сауалнаманы толтырған қоғамдық консультацияларға қатысушы туралы ақпарат2
1. Сауалнаманы толтырған адамның мәртебесі: | |||||||||
Заңды тұлғаның (ұйымның) меншік иесі (тең құрылтайшысы, басшысы, өкілі) | |||||||||
Кәсіпкерлік бірлестіктің (қауымдастық, одақтың, палатаның және т. б.) басшысы (өкілі) | |||||||||
Мемлекеттік билік органының өкілі | |||||||||
Жеке кәсіпкер | |||||||||
Жеке тұлға | |||||||||
Басқа_____________________________________________________________ | |||||||||
2. Қоғамдық консультацияларға қатысушы ұйымның (бұдан әрі – ұйым)3 толық атауы | |||||||||
3. Заңды тұлғаның ұйымдық-құқықтық нысаны: | |||||||||
Коммерциялық ұйымдар: | |||||||||
Акционерлік қоғам | |||||||||
Шаруашылық серіктестік немесе қоғам | |||||||||
Басқа _____________________________________________________________ | |||||||||
Коммерциялық емес ұйымдар: | |||||||||
Қауымдастықтар, одақтар, палаталар | |||||||||
Қоғамдық ұйым | |||||||||
Қор, мекеме | |||||||||
Басқа _____________________________________________________________ | |||||||||
4. Ұйым шаруашылық жүргізуші субъектілердің қай санатына жатады? | |||||||||
Шағын кәсіпорын | |||||||||
Шағын кәсіпкерлік субъектісі | |||||||||
Орта кәсіпкерлік субъектісі | |||||||||
Ірі бизнес | |||||||||
Кәсіпкерлік субъектісі болып табылмайды | |||||||||
5. Сіз қай мемлекеттің (ұйымның) азаматы (резиденті) екеніңізді көрсетіңіз: | |||||||||
Армения Республикасының | |||||||||
Беларусь Республикасының | |||||||||
Қазақстан Республикасының | |||||||||
Қырғыз Республикасының | |||||||||
Ресей Федерациясының | |||||||||
Басқа ______________________________________________________________ | |||||||||
6. Сіз (ұйым) қызметті қандай қызмет саласында жүзеге асырасыз(ды)? | |||||||||
Одақтың кедендік аумағында көтерме және (немесе) бөлшек сауда | |||||||||
Үшінші елдермен сауданы жүзеге асыру жөніндегі сыртқы экономикалық қызмет | |||||||||
Өнеркәсіптік өндіріс | |||||||||
Ауыл шаруашылығы | |||||||||
Көлік қызметтері | |||||||||
Өзге секторлардағы қызметтер (көлік қызметтерінен басқа) | |||||||||
Басқа _____________________________________________________________ | |||||||||
7. Сауалнаманы толтырған адамның байланыс деректері: | |||||||||
Тегі, аты, әкесінің аты | |||||||||
Телефон нөмірі | |||||||||
Электрондық пошта адресі | |||||||||
III. Қатысушының қоғамдық консультацияларды толтыруы үшін сұрақтар
8. Сіз (ұйым) ЕЭК-тің осы шешімін өз қызметіңіздің (-нің) шеңберінде қолданасыз (-ды) ба (ма)? | ||||||
Иә | ||||||
Жоқ | ||||||
9. Сіз (ұйым) ЕЭК шешімінің ережелерін іс жүзінде қандай сапада қолданасыз (-ды)? | ||||||
10. Сіздің ойыңызша, ЕЭК шешімінің ережелерін қолдану кәсіпкерлік қызметті жүргізу шарттарына қалай әсер ететінін көрсетіңіз? | ||||||
ЕЭК шешімі бизнесті жүргізу жағдайларына оң әсер етеді және шаруашылық жүргізуші субъектілерге қойылатын артық талаптарды қоймайды | ||||||
ЕЭК шешімі тұтастай алғанда кәсіпкерлік қызметті жүргізу шарттарына оң әсер етеді, бірақ оның жекелеген ережелерін қолдану, алынып тасталуы керек шаруашылық жүргізуші субъектілердің артық шектеулеріне және (немесе) негізсіз шығындарына (шығыстарына) алып келеді | ||||||
ЕЭК шешімі кәсіпкерлік қызметті жүргізу жағдайларына әсер етпейді | ||||||
ЕЭК шешімі тұтастай алғанда кәсіпкерлік қызметті жүргізу жағдайларына теріс әсер етеді, оның ережелері артық шектеулерге және (немесе) шаруашылық жүргізуші субъектілердің негізсіз шығындарына (шығыстарына) алып келеді | ||||||
Басқа ____________________________________________________________ | ||||||
11. Сіздің ойыңызша, ЕЭК шешімдерінің ережелерін қолдану шаруашылық жүргізуші субъектілердің қандай артық (негізсіз) шығындарына (шығыстарына) әкеледі? | ||||||
Қаржылық шығындар | ||||||
Әкімшілік рәсімдерден өтуге арналған уақытша шығындар | ||||||
Еңбек шығындары | ||||||
Артық шектеулер, негізсіз шығындар (шығыстар) жоқ | ||||||
Басқа ____________________________________________________________ | ||||||
12. Сіздің ойыңызша, ЕЭК шешімінің қандай ережелерін қолдану шаруашылық жүргізуші субъектілердің артық шектеулері мен негізсіз шығындарының (шығыстарының) пайда болуына әкеледі? | ||||||
Жалпы ЕЭК шешімі | ||||||
ЕЭК шешімінің жекелеген ережелері | ||||||
Артық шектеулер, негізсіз шығындар (шығыстар) жоқ | ||||||
Басқа____________________________________________________________ | ||||||
13. ЕЭК шешімін орындау қажеттілігіне байланысты қаржылық шығындарды (шығыстарды) (олар болған жағдайда) бір жылдағы орташа есеппен, ал артық (негізсіз) шығыстар (шығыстар) болған жағдайда олардың мөлшерін бір жылдағы орташа есеппен көрсетіңіз | ||||||
14. Сіздің ойыңызша, ЕЭК шешімінің ережелерін қолдану тәжірибесін ескере отырып, оны әзірлеу кезінде мәлімделген реттеу мақсаттарына қол жеткізу қамтамасыз етіле ме? | ||||||
Иә | ||||||
Жоқ | ||||||
Өз ұстанымыңызға негіздеме беріңіз _______________________________________ | ||||||
15. Жауапты департамент сауалнамаға енгізген өзге де мәселелер: | ||||||
IV. Қоғамдық консультацияларға қатысушылардың ескертулері мен ұсыныстары
16. Сіз кәсіпкерлік қызметті жүргізу шарттарына теріс әсер ететіндерге жатқызған ЕЭК шешімінің әрбір ережесі бойынша ұсыныстар беріңіз. Мүмкіндігінше оның әсерін сандық бағалай отырып, әрбір осындай ереже бойынша негіздеме беріңіз (талаптарды орындау үшін қажет болатын ақша қаражаттарында немесе еңбек шығындарында (адам-сағат) және т. б.). | ||||||
17. Сіз сауалнаманың 16 - тармағында көрсеткен ережелерге қатысты келесі опциялардың біреуін (немесе бірнешеуін) таңдаңыз: | ||||||
Оларды практикалық қолдану кезінде құқықтық белгісіздік тудыратын күрделі реттеуші талаптар және (немесе) рәсімдер | ||||||
2014 жылғы 29 мамырдағы Еуразиялық экономикалық одақ туралы шарттың, Одақ шеңберіндегі халықаралық шарттардың, үшінші тараппен одақтың халықаралық шарттарының, Жоғары Еуразиялық экономикалық кеңестің және (немесе) Еуразиялық үкіметаралық кеңестің актілерінің ережелеріне сәйкес келмейтін, сондай-ақ олар көздеген белгілі бір саладағы реттеу мақсаттарына сәйкес келмейтін немесе белгілі бір саладағы реттеу мақсаттарына қол жеткізуді қамтамасыз етпейтін, оның ішінде формалды сипаты бар немесе Одақ органдары актілерінің ережелері арасында қайшылықтар туғызатын реттеушілік талаптар және (немесе) рәсімдер. | ||||||
іс жүзінде қолданылмайтын (талап етілмеген) реттеуші талаптар және (немесе) рәсімдер | ||||||
қайталанатын реттеуші талаптар және (немесе) рәсімдер | ||||||
оларды орындау үшін қажетті ресурстардың жеткіліксіздігіне байланысты іске асырылмайтын реттеушілік талаптар және (немесе) рәсімдер | ||||||
қолданыстағы реттеумен салыстырғанда реттеудің неғұрлым тиімді нұсқасын таңдау мүмкіндігі бар реттеушілік талаптар және (немесе) рәсімдер | ||||||
кәсіпкерлік қызметті жүргізу жағдайларына теріс әсер ететін немесе әсер етуі мүмкін өзге де ережелер | ||||||
18. Сіз ЕЭК шешімін қолдану аясын жеткілікті (артық емес) деп санайсыз ба? | ||||||
Иә | ||||||
Жоқ | ||||||
19. Егер ЕЭК шешімінің қолдану аясын түзету қажет болса, онда қандай бөлікте және неге? | ||||||
20. ЕЭК шешімінде көзделген тұжырымдамалық тәсілдерді түзету қажеттігін сипаттаңыз (мұндай қажеттілік болған жағдайда) | ||||||
21. ЕЭК шешімінің жекелеген ережелерін түзету қажеттілігін сипаттаңыз (мұндай қажеттілік болған жағдайда) | ||||||
22. ЕЭК шешімінің қолданылуын тексеру қалай жүзеге асырылатынын қысқаша сипаттаңыз (мысал келтіріңіз)? | ||||||
23. ЕЭК шешімінің ережелерін қолдану шеңберінде артық уақытша немесе қаржылық шығындар (шығыстар) туындайтын жағдайлар бар ма? Бар болса, осындай жағдайлардың мысалдарын сипаттаңыз. | ||||||
24. Сіздің ойыңызша, ЕЭК шешімінде көзделген талаптарды және (немесе) рәсімдерді жеңілдету қажет пе (мүмкіндігінше жауабыңызды негіздеңіз) | ||||||
25. Сізде ЕЭК шешімін өзгерту (толықтыру, қайта қарау) бойынша өзге де ұсыныстарыңыз (ескертулеріңіз) бар ма? | ||||||
Иә | ||||||
Оларды тиісті негіздемемен көрсетіңіз | ||||||
_________________________________________________________________ | ||||||
Жоқ | ||||||
_________________
1 I бөлімді жауапты департамент толтырады.
2 II – IV бөлімдерді қоғамдық консультацияларға қатысушы толтырады.
3 Егер сауалнаманы жеке тұлға немесе жеке кәсіпкер толтыратын болса, 2-4-тармақтар толтырылмайды.
4 Сауалнаманың 15-тармағында ЕЭК шешімінің кәсіпкерлік қызметті жүргізу шарттарына нақты әсерін бағалау шеңберінде қоғамдық консультациялар өткізу кезінде кәсіпкерлік қызметті жүргізу шарттарына ЕЭК шешіміне сараптамалық баға алу үшін жауапты департаменттің пікірі бойынша қажетті ЕЭК шешіміне қатысты қосымша сұрақтар келтірілуі мүмкін.
