"Мал дәрiгерлiгi туралы" Қазақстан Республикасы Президентiнiң Заң күшi бар Жарлығын жүзеге асыру жөнiндегi шаралар туралы

Күшін жойған

Қазақстан Республикасы Президентiнiң 1995 жылғы 25 шiлдедегі N 2377 Қаулысы. Күші жойылды - Қазақстан Республикасы Президентінің 2009 жылғы 18 маусымдағы N 829 Жарлығымен

       Ескерту. Күші жойылды - Қазақстан Республикасы Президентінің 2009.06.18 N 829 Жарлығымен.

      "Мал дәрiгерлiгi туралы" Қазақстан Республикасы Президентiнiң Заң күшi бар Жарлығын U952376_ жүзеге асыру мақсатында қаулы етемiн:
      Қазақстан Республикасының Министрлер Кабинетi 1996 жылғы 1 қаңтарға дейiн:
      республиканың мемлекеттiк мал дәрiгерлiгi қызметi органдарының жүйесi туралы және мемлекеттiк мал дәрiгерлiк қадағалау туралы Ережелердi, тиiстi бюджет қаражаты есебiнен мемлекеттiк мал дәрiгерлiгi қызметi органдары жүргiзетiн iндетке қарсы, емдеу, лаборатория-диагностикалық, радиологиялық және басқа мал дәрiгерлiк-санитарлық шаралар тiзбесiн бекiтсiн;
      мемлекеттiк шекара арқылы малды, мал өнiмдерi мен шикiзатын алып өту кезiнде мал дәрiгерлiк-санитарлық қадағалауды жүзеге асыру, жеке кәсiпкерлiк қызметпен шұғылдану құқығына лицензия беру тәртiбiн белгiлесiн;
      меншiк иесiнен малды оқшаулауға немесе оның пайдалануынан мал шаруашылығы өнiмдерiн алып қоюға жол беретiн мал ауруларының тiзбесiн бекiтсiн;
      Қазақстан Республикасының заң актiлерiн "Мал дәрiгерлiгi туралы" Қазақстан Республикасы Президентiнiң Заң күшi бар Жарлығымен сәйкестендiру туралы ұсыныс енгiзсiн;
      Қазақстан Республикасы Үкiметiнiң шешiмдерiн "Мал дәрiгерлiгi туралы" Қазақстан Республикасы Президентiнiң заң күшi бар Жарлығымен сәйкестендiрсiн;
      Республика министрлiктерiнiң, мемлекеттiк комитеттерi мен ведомстволарының "Мал дәрiгерлiгi туралы" Қазақстан Республикасы Президентiнiң заң күшi бар Жарлығына қайшы келетiн нормативтiк актiлерiнiң қайта қаралуын және күшi жойылуын қамтамасыз етсiн.

       Қазақстан Республикасының
      Президентi

Егер Сіз беттен қате тапсаңыз, тінтуірмен сөзді немесе фразаны белгілеңіз және Ctrl+Enter пернелер тіркесін басыңыз

 

бет бойынша іздеу

Іздеу үшін жолды енгізіңіз

Кеңес: браузерде бет бойынша енгізілген іздеу бар, ол жылдамырақ жұмыс істейді. Көбінесе, ctrl-F пернелері қолданылады