"Фосфор" акционерлік қоғамының (Шымкент қаласы) маңызды стратегиялық мәнін, сондай-ақ таратылатын кәсіпорындағы қалыптасқан ауыр қаржы жағдайын ескере отырып, "Фосфор" акционерлік қоғамының мүліктік кешенін сату жөніндегі шараларды жандандыру мақсатында Қазақстан Республикасының Үкіметі қаулы етеді:
1. Қазақстан Республикасы Үкіметінің кейбір шешімдеріне мынадай өзгерістер енгізілсін:
1) "Фосфор өнеркәсібінің кейбір мәселелері" туралы Қазақстан Республикасы Үкіметінің 1999 жылғы 2 қыркүйектегі N 1298 P991298_ қаулысына:
1-тармақ мынадай редакцияда жазылсын:
"1. "Фосфор" (Шымкент қаласы) акционерлік қоғамының сатып алушыларына:
1) алдымен, мүліктік кешенді бірыңғай лотпен сатуды; сатып алушылар болмаған жағдайда - Қазақстан Республикасының Энергетика, индустрия және сауда министрлігімен және Оңтүстік Қазақстан облысының әкімімен келісім бойынша сату үшін бірнеше лотты қалыптастыруды;
2) конкурстық массаны сатудан түскен қаражат жеткіліксіз болған жағдайда - сатып алушылардың Оңтүстік Қазақстан облысының әкімімен келісілген шарттарда және мерзімде бірінші және үшінші кезектегі кредиторлардың талаптарын кейін қанағаттандыруын;
3) үшінші және келесі сауда-саттықтарда голландтық тәсілмен өткізу және жалғыз қатысушы болған жағдайда оларды өтті деп тануды көздейтін айрықша шарттары, конкурстық массаны сатудың тәртібі және қосымша талаптар белгіленсін."
2) "Фосфор" АҚ-ның кейбір мәселелері туралы" Қазақстан Республикасы
Үкіметінің 1999 жылғы 2 шілдедегі N 920
қаулысына:
1-тармақтың төртінші, бесінші, алтыншы абзацтары алынып тасталсын.
Ескерту. 1-тармақ өзгерді - ҚР Үкіметінің 2001.07.10. N 932
қаулысымен.
2. Қазақстан Республикасының Энергетика, индустрия және сауда
министрлігі осы қаулының орындалуын, сондай-ақ сатып алушылардың "Фосфор"
акционерлік қоғамының мүліктік кешенін сатып алу-сату шарттары жасалғаннан
кейін олар бойынша талаптары мен міндеттемелерін орындауын бақылауды
қамтамасыз етсін.
3. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Оқығандар:
Қобдалиева Н.М.
Орынбекова Д.К.
