Ақтау теңiз сауда портын дамыту мақсатында Қазақстан Республикасының Үкiметi қаулы етеді:
1. Қазақстан Республикасының Көлiк және коммуникациялар министрлiгi Қазақстан Республикасының Мемлекеттiк кiрiс министрлiгiмен, Қазақстан Республикасының Экономика министрлiгімен, Қазақстан Республикасының Қаржы министрлiгiмен және Маңғыстау облысының әкiмiмен бiрлесiп, белгіленген тәртiппен екi ай мерзiмде Ақтау порты еркiн сауда аймағын құру жөнiнде ұсыныстар дайындасын және Қазақстан Республикасының Үкiметiне енгiзсiн.
2. Қазақстан Республикасының Табиғи монополияларды реттеу, бәсекелестiктi қорғау және шағын бизнестi қолдау жөніндегi агенттiгi Қазақстан Республикасының Көлiк және коммуникациялар министрлiгiмен бiрлесiп порттың транзиттiк жүктердi ұқсату бойынша қызмет көрсетуiн табиғи монополиялар субъектiлерiнiң реттелетiн қызмет көрсетулерiнен шығару орындылығын қарастырсын және өз ұсыныстарын Қазақстан Республикасының Үкiметіне енгізсiн.
3. Қазақстан Республикасы Қаржы министрлiгiнің Мемлекеттiк мүлiк және жекешелендiру комитетi, Қазақстан Республикасының Мемлекеттiк кiрiс министрлігі Қазақстан Республикасының Көлiк және коммуникациялар министрлiгiмен бiрлесiп заңнамада белгіленген тәртiппен Маңғышлақ станциясынан Порт станциясына дейiн апаратын темiр жолдарды "Қазақстан
темiр жолы" республикалық мемлекеттiк кәсiпорнының теңгерiмiне берудi
қамтамасыз етсiн.
4. Осы қаулының орындалуын бақылау Қазақстан Республикасы
Премьер-Министрiнiң орынбасары Д.К. Ахметовке жүктелсiн.
5. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Оқығандар:
Багарова Ж.А.
Икебаева А.Ж.
