Қазақстан Республикасының Yкiметi қаулы етеді:
1. Қазақстан Республикасының Мәдениет, ақпарат және қоғамдық келiсiм министрлiгi:
1) Қосымшаға сәйкес "Менiң Қазақстаным" Арнайы поезын (бұдан әрi - Арнайы поезды) жолға шығаруды ұйымдастырсын;
2) Арнайы поезд жұмысының бұқаралық ақпарат құралдарында жария етiлуiн қамтамасыз етсiн.
2. Қазақстан Республикасының Көлiк және коммуникациялар министрлiгi арнайы темiр жол құрамын бөлудi қамтамасыз етсiн.
3. Қазақстан Республикасының Еңбек және халықты әлеуметтiк қорғау министрлiгi және Қазақстан Республикасының Әдiлет министрлiгi халық арасында консультациялық-түсiндiру жұмыстарын жүргiзу үшiн Арнайы поезд жұмысына бiлiктi мамандардың қатысуын қамтамасыз етсiн.
4. Қазақстан Республикасының Денсаулық сақтау iсi жөнiндегi агенттiгi халыққа медициналық консультация мен көмек көрсету үшiн Арнайы поезд жұмысына бiлiктi медициналық бригаданың қатысуын қамтамасыз етсiн.
5. Қазақстан Республикасының Ішкi iстер министрлiгi Арнайы поездың жол жүру бағытында қоғамдық тәртiптi қорғауды қамтамасыз етсiн.
6. Облыстардың, Астана және Алматы қалаларының әкiмдерi Арнайы поездың іс-шараларын ұйымдастыру мен жүргiзудi қамтамасыз етсiн.
7. Қазақстан Республикасының Мәдениет, ақпарат және қоғамдық келiсiм министрлiгiне 2001 жылға арналған республикалық бюджетте табиғи және техногендiк сипаттағы төтенше жағдайларды жою және өзге де күтпеген шығыстарға көзделген Қазақстан Республикасы Үкіметінің резервінен Арнайы
поезды жолға шығару жөніндегі іс-шараларды ұйымдастыру мен жүргізуге
62 000 000 (алпыс екі миллион) теңге бөлінсін.
8. Қазақстан Республикасының Қаржы министрлігі заңнамада белгіленген
тәртіппен бөлінген қаражаттың мақсатты пайдаланылуын бақылауды жүзеге
асырсын.
9. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкіметінің
2001 жылғы 23 маусымдағы
N 854 қаулысына
қосымша
"Менің Қазақстаным" арнайы поезының жол жүру кестесі
_________________________________________________________________
Бағыт ! Өткізу уақыты
_________________________________________________________________
батыс 2001 жылғы мамыр - маусым
_________________________________________________________________
солтүстік 2001 жылғы маусым - шілде
_________________________________________________________________
шығыс 2001 жылғы шілде - тамыз
_________________________________________________________________
оңтүстік 2001 жылғы қараша
_________________________________________________________________
Мамандар:
Багарова Ж.А.
Жұманазарова А.Б.
