"Келiсiм-шарт бойынша әскери қызмет туралы" Қазақстан Республикасының 2001 жылғы 20 наурыздағы Заңының 8-бабына сәйкес Қазақстан Республикасының Үкiметi қаулы етеді:
1. Келiсiм-шарт бойынша әскери қызмет мәселелерi жөнiндегi мемлекеттiк ведомствоаралық комиссия құрылсын.
2. Қоса берiлiп отырған:
1) Келiсiм-шарт бойынша әскери қызмет мәселелерi жөнiндегi мемлекеттiк ведомствоаралық комиссияның құрамы;
2) Келiсiм-шарт бойынша әскери қызмет мәселелерi жөнiндегi мемлекеттiк ведомствоаралық комиссия туралы ереже бекiтiлсiн.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Қазақстан Республикасы
Yкiметiнің
2001 жылғы 18 шілдедегі
N 974 қаулысымен
бекітілген
Келiсiм-шарт бойынша әскери қызмет мәселелерi жөнiндегi мемлекеттiк ведомствоаралық комиссияның құрамы
Тоқпақбаев - Қазақстан Республикасының
Сәт Бесiмбайұлы Қорғаныс министрi, төраға
Шаймергенов - Қазақстан Республикасы
Болат Шоқайұлы Республикалық ұланының
кадр және жасақтау
бөлiмiнiң бастығы, хатшы
(келiсiм бойынша)
Комиссия мүшелерi:
Васимов - Қазақстан Республикасының
Анатолий Шьяпович Азаматтық қорғаныс және әскери
бөлiмдер департаментiнiң
бастығы - Қазақстан Республикасының
Төтенше жағдайлар жөнiндегi
агенттігi төрағасының әскери
мәселелер жөнiндегi орынбасары
Бекмұханбетов - Қазақстан Республикасының
Нұрлан Нұратайұлы Ұлттық қауiпсiздiк комитетi
Кадр департаментiнiң бастығы
(келiсiм бойынша)
Әбдiрахманов - Қазақстан Республикасының
Есiркеп Оңланбекұлы Экономика және сауда министрлiгi
Салааралық үйлестiру
департаментінің директоры
Әмрин - Қазақстан Республикасының
Асқар Кемеңгерұлы Әділет министрлiгi Заң
департаментінің директоры
Жұмадiлов - Бас әскери прокурордың
Асылбек Әнтәйұлы орынбасары
Тоқышев - Қазақстан Республикасы, Iшкi
Қалиәкпар Жұбанышұлы iстер министрлiгi Iшкi
әскерлерi қолбасшысының тәрбие және
әлеуметтiк-құқықтық жұмыс
жөнiндегі орынбасары
Баймаханов - Қазақстан Республикасы
Бексұлтан Кәденұлы Президентiнiң Күзет қызметi
Кадр басқармасының бастығы
(келісім бойынша)
Ғабдуллин - Қазақстан Республикасының
Берiк Iсләмұлы Ұлттық қауiпсiздiк комитетi
Шекара қызметiн жасақтау
басқармасы бастығының
орынбасары - ұйымдық-штаттық
бөлiмінің бастығы
(келiсiм бойынша)
Абдолов - Қазақстан Республикасының
Айдарбек Мүстәжәпұлы Қаржы министрлiгi Мемлекеттiк
органдарды қаржыландыру
департаментi Қорғаныс кешенi мен
құқық қорғау органдары басқармасы
бастығының орынбасары
Сейдуәлиев - Қазақстан Республикасының
Нұрмұхан Әбiлқанұлы Республикалық ұланы Заң
қызметiнiң бастығы
(келiсiм бойынша)
Қазақстан Республикасы
Yкiметiнің
2001 жылғы 18 шілдедегі
N 974 қаулысымен
бекітілген
Келiсiм-шарт бойынша әскери қызмет мәселелерi жөнiндегi мемлекеттiк ведомствоаралық комиссия туралы ереже
Жалпы ережелер
1. Келiсiм-шарт бойынша әскери қызмет мәселелерi жөнiндегi мемлекеттiк ведомствоаралық комиссия (бұдан әрi - Комиссия) келiсiм-шарт бойынша әскери қызмет мәселелерi жөнiндегi мемлекеттiк органдардың қызметiн үйлестiру және Қазақстан Республикасының Қарулы Күштерiн, басқа да әскерлер мен әскери құралымдарын жасақтауға байланысты проблемаларды зерделеу мақсатында, сондай-ақж асақтаудың ерiктiлiк қағидатын дамытудың ұзақ мерзiмдi бағдарламалары бойынша ұсынымдар әзiрлеу үшiн құрылды.
Комиссия өз қызметiнде Қазақстан Республикасының Конституциясын , Қазақстан Республикасы Президентiнiң кесiмдерi мен Үкiметiнiң шешiмдерiн, өзге де нормативтiк құқықтық кесiмдердi, сондай-ақ осы Ереженi басшылыққа алады.
Комиссияның мiндеттерi
2. Комиссияның мiндеттерi мыналар бойынша ұсыныстар мен ұсынымдар әзiрлеу болып табылады:
1) ерiктi түрде әскери қызмет өткеретiн азаматтардың көңiл-күйiн зерделеу;
2) Қазақстан Республикасы Қарулы Күштерiнiң, басқа да әскерлерi мен әскери құралымдарының ішкi өзгерiстерiне әскери құрылымдардың бейiмделуге әзiрлiгiн болжау (әлеуметтiк мәселелердi, нарықтың реформаларға әсер етуiнiң кейбiр мәнiстерiн);
3) жоғары бiлiмдi азаматтарды келiсiм-шарт бойынша әскери қызметте сарбаздар мен сержанттар лауазымдарында пайдалану және осыған байланысты азаматтық жоғары оқу орындары жанындағы әскери кафедралар институтының қажеттiгi туралы мәселенi әзірлеу жөнiндегi мүмкiндiктердi қарау;
4) Қарулы Күштердi, басқа да әскерлер мен әскери құралымдарды жасақтаудың келiсiм-шарттық жүйесiне көшуге кедергi келтiретiн мән-жайларды зерделеу және оларды еңсеру;
5) келiсiм-шарт бойынша әскери қызметтi қалыптастырумен және дамытумен байланысты қаржылық және басқа да материалдық шығыстарды бағдарламауды зерттеу;
6) Қарулы Күштердегi және басқа да әскерлер мен әскери құралымдардағы қазiргi келiсiм-шарттық қызметтiң жүйесін жетiлдiру;
7) келiсiм-шарт қызметi құрылымдарының модельдерiн және олардың мемлекеттiң әлеуметтiк құрылымдарындағы қажеттiлiгiн, сондай-ақ тиiстi ұсыныстарды Қазақстан Республикасының Үкіметi мен Парламентiнiң қарауына енгiзудi негiздеу;
8) келiсiм-шарт бойынша әскери қызметшiлердiң құқықтық мәртебесiндегi нормалар мен ауытқулардың Қарулы Күштердiң жалпы жай-күйiне әсерiн зерттеу.
Комиссияның құқықтары
3. Комиссия заңнамада белгiленген тәртiппен:
1) Қазақстан Республикасының Үкiметiне келiсiм-шарт бойынша әскери қызметтi жетiлдiру мен дамыту мәселелерi жөнiнде ұсыныстар енгiзуге;
2) қажет болған жағдайда азаматтарды әскери қызметке келiсiм-шарт бойынша ерiктi түрде қабылдау мәселелерi жөнiнде ұсыныстар әзiрлеу мен енгiзу үшiн мүдделi мемлекеттiк органдардың мамандарын тарта отырып, жекелеген мәселелер бойынша жұмыс топтарын құру туралы Қазақстан Республикасының Премьер-Министрi алдында өтiнiш жасауға;
3) Комиссия құзыретiне кiретiн мәселелердi шешу үшiн ғылыми-зерттеу ұйымдарының, жоғары оқу орындарының ғалымдары мен мамандарын, сондай-ақ Комиссия құрамына кiрмейтiн мемлекеттiк органдар мен өзге де ұйымдардың өкiлдерiн тартуға;
4) Комиссия құзыретiне жататын мәселелер бойынша белгiленген тәртiппен заңды тұлғалардан қажеттi ақпараттар сұратуға;
5) Комиссияның қарауындағы мәселелер бойынша Комиссия мүшелерiнiң мәжiлiстерiнде мемлекеттiк органдар мен өзге де ұйымдардың жауапты өкiлдерiн тыңдауға;
6) Қазақстан Республикасының Үкiметiне белгiленген тәртiппен Комиссия құрамын өзгерту туралы ұсыныстар енгiзуге құқылы.
Комиссия қызметін ұйымдастыру
4. Комиссияны төраға басқарады.
Комиссия мәжiлiсiнiң күн тәртiбi жөнiндегi ұсыныстарды, қажеттi құжаттарды, материалдар дайындауды және оны өткiзгеннен кейiн хаттаманы ресiмдеудi Комиссия хатшысы жүзеге асырады.
Комиссия мәжiлiсi қажеттiлiгiне қарай, бiрақ кемiнде тоқсанына бiр рет жүргiзiледi.
Мәжiлiстiң күн тәртiбiн, сондай-ақ оларды өткiзу орны мен уақытын Комиссия мүшелерiнiң келiсiмi бойынша Комиссия төрағасы айқындайды және нақтылайды.
Комиссия шешiмдерi ашық дауыс берумен қабылданады және егер оларға Комиссия мүшелерiнiң жалпы санының көпшiлiгi берiлсе, ол қабылданды деп саналады. Дауыс тең болған жағдайда төраға дауыс берген шешiм қабылданды деп саналады. Комиссия шешiмдерi хаттамамен ресiмделедi және ұсынымдық сипатта болады.
Қазақстан Республикасының Қорғаныс министрлiгi Комиссияның жұмыс органы болып табылады.
Комиссияның қызметiн тоқтату
5. Комиссияның қызметiн тоқтату заңнамада белгiленген тәртiппен жүзеге асырылады.
