Қазақстан Республикасының Үкiметi қаулы етеді:
"Қазақстан Республикасының Қылмыстық, Қылмыстық iс жүргiзу және
Қылмыстық-атқару кодекстерiне өзгерiстер мен толықтырулар енгiзу туралы"
Қазақстан Республикасы Заңының жобасы Қазақстан Республикасының Парламентi
Мәжілісiнiң қарауына енгiзiлсiн.
Қазақстан Республикасының
Премьер-Министрi
Жоба
Қазақстан Республикасының Заңы
Қазақстан Республикасының Қылмыстық, Қылмыстық
іс жүргiзу және Қылмыстық-атқару кодекстеріне
өзгерістер мен толықтырулар енгiзу туралы
Қазақстан Республикасының мынадай заң актiлерiне өзгерiстер мен
толықтырулар енгiзiлсiн:
1. Қазақстан Республикасының 1997 жылғы 16 шiлдедегi Қылмыстық K970167_ кодексiне (Қазақстан Республикасы Парламентінiң Жаршысы, 1997 ж., N 15-16, 211-құжат; 1998 ж., N 16, 219-құжат; N 17-18, 225-құжат; 1999 ж., N 20, 721-құжат; N 21, 774-құжат; 2000 ж., N 6, 141-құжат; 2001 ж., N 8, 53-құжат; 54-құжат; 2002 жылғы 26 ақпанда "Егемен Қазақстан" және 2002 жылғы 28 ақпанда "Казахстанская правда" газеттерiнде жарияланған "Қазақстан Республикасының кейбiр заң актiлерiне заңсыз көшi-қон мәселелерi бойынша өзгерiстер мен толықтырулар енгiзу туралы" 2002 жылғы 22 ақпандағы Қазақстан Республикасының Z020296_ Заңы):
1) 32-баптың үшiншi бөлiгi мынадай мазмұндағы сөйлеммен толықтырылсын:
"Өмiрге қол сұғушы адамға зиян келтiру не қаруды қолдану немесе пайдалануға әрекет етумен байланысты өзге де қол сұғушылыққа тойтарыс беру қажетті қорғаныс шегiнен шығу болып табылмайды.";
2) 42-баптың үшiншi бөлiгiнде "сегiз жасқа" деген сөздер "үш жасқа" деген сөздермен ауыстырылсын;
3) 43-баптың төртiншi бөлiгiнде "бас бостандығын шектеу," деген сөздер алынып тасталсын;
4) 45-бапта:
бiрiншi бөлiк мынадай редакцияда жазылсын:
"1. Бас бостандығын шектеу сотталған адамды қоғамнан оқшауламай бiр жылдан бес жылға дейiнгі мерзiмге оның тұрақты мекен-жайы бойынша мамандандырылған органның қадағалауын жүзеге асырудан тұрады. Өзге жазаны бас бостандығынан шектеуге ауыстырған жағдайда ол бiр жылдан аспайтын мерзiмге тағайындалуы мүмкiн.
Сот бас бостандығын шектеу түрiндегi жаза тағайындай отырып, сотталған адамға мынадай мiндеттердiң орындалуын жүктейдi: мамандандырылған органға хабарламай, тұрақты мекен-жайын, жұмысын және оқуын өзгертпеу, белгiлi бiр жерлерге бармау, оқу және жұмыстан бос уақытында үйде болу, мамандандырылған органның рұқсатынсыз басқа да жерлерге шығуды шектеу. Сот бас бостандығын шектеумен сотталған адамға оның түзелуiне ықпал ететiн басқа да мiндеттердi орындауды жүктей алады.";
үшiншi бөлiк мынадай редакцияда жазылсын:
"3. Бас бостандығын шектеу ауыр және ерекше ауыр қылмыс жасаған бұрын
сотталған адамдарға, әскери қызметшiлерге, сондай-ақ тұрақты мекен-жайы
жоқ адамдарға қолданылмайды.";
5) 58-бапта:
екiншi бөлiкте "не жазаларды iшiнара немесе толық қосу жолымен. Бұл
жағдайларда жазаларды қосу кезiнде түпкiлiктi жаза жасалған қылмыстардың
ішiндегі ең ауыр қылмыс үшiн көзделген жазаның ең жоғары мерзiмi мен
мөлшерiнен аспауы керек." деген сөздер алынып тасталсын;
үшiншi бөлiкте "жолымен тағайындалады" деген сөздердiң алдынан
"қатаңдығы төменiрек жазаны неғұрлым қатаң жазаға сiңiру" деген сөздермен
толықтырылсын;
6) 59-баптың екіншi бөлiгінде:
"жартысынан" деген сөз "үштен бiрiнен" деген сөздермен ауыстырылсын;
"үштен екiсiнен" деген сөздер "жартысынан" деген сөзбен ауыстырылсын;
"төрттен үшiнен" деген сөздер "үштен екiсiнен" деген сөздермен
ауыстырылсын;
7) 63-бапта:
бiрiншi бөлiкте "бас бостандығын шектеу," деген сөздер алынып
тасталсын;
бесiншi және жетіншi бөлiктер алынып тасталсын;
8) 64-бапта:
екiншi бөлiкте "өзiне сот жүктеген мiндеттердi орындаудан жалтарса
немесе" деген сөздер алынып тасталсын;
үшiншi бөлiк мынадай редакцияда жазылсын:
"3. Шартты түрде сотталған адам сынақ мерзiмi ішiнде қоғамдық тәртіпті ұдайы және әдейi бұзған жағдайда, осы баптың бiрiншi бөлігінде көрсетiлген органның ұсынымы бойынша шартты түрде соттаудың күшiн жою және сот үкiмiмен тағайындалған жазаны орындау туралы қаулы етеді.";
9) 67-бап мынадай редакцияда жазылсын:
"67-бап. Жәбiрленушiмен татуласуына байланысты қылмыстық жауапкершiлiктен босату
1. Онша ауыр емес қылмысты жасаған немесе адамға қаза келтiруге және оның денсаулығына ауыр зиян келтiрумен байланысты емес ауырлығы орташа қылмысты бiрiншi рет жасаған адам, егер ол жәбiрленушiмен татуласса және келтiрген зиянның есесiн толтырса, қылмыстық жауапкершiлiктен босатуға жатады.
2. Ауырлығы орташа қылмыс жасаған адам, егер ол жәбiрленушiмен татуласса және келтiрген зиянның есесiн толтырса, қылмыстық жауапкершiліктен босатылуы мүмкiн".
10) 70-бапта:
үшiншi бөлiкте:
а) тармақшада "кемiнде жартысын" деген сөздер "кемiнде үштен бiрiн" деген сөздермен ауыстырылсын;
б) тармақшада "кемiнде үштен екiсiн" деген сөздер "кемiнде жартысын" деген сөздермен ауыстырылсын;
в) тармақшада "кемiнде төрттен үшiн" деген сөздер "кемiнде үштен екiсiн" деген сөздермен ауыстырылсын;
алтыншы бөлiк "мемлекеттiк орган" деген сөздерден кейiн "босатылған адамның тұрғылықты жерi бойынша" деген сөздермен толықтырылсын;
11) 71-бапта:
бiрiншi бөлiкте "немесе орташа ауырлықтағы" деген сөздер ", ауырлығы орташа және ауыр" деген сөздермен ауыстырылсын;
екiншi бөлiкте "жаза мерзiмiнiң" деген сөздердiң алдынан ", кiшiгiрiм және ауырлығы орташа қылмыс, ауыр қылмыс үшiн жаза мерзiмiнiң жартысы немесе бас бостандығынан айыру түрiндегi жазаны өтеуден шартты мерзiмiнен бұрын босатылғандар және жазаның өтелмеген бөлiгін өтеу кезеңiнде жаңа
қылмыс жасағандар" деген сөздермен толықтырылсын;
12) 72-бапта:
бiрiншi бөлiкте "сегіз жасқа" деген сөздер "он төрт жасқа" деген
сөздермен ауыстырылсын;
үшiншi бөлiкте "сегiз жасқа" деген сөздер "он төрт жасқа" деген
сөздермен ауыстырылсын;
13) 79-бапта:
бірiншi бөлiк мынадай мазмұндағы г-1) тармақшамен толықтырылсын:
"г-1) бостандығын шектеу;";
мынадай редакциядағы 5-1-бөлiкпен толықтырылсын:
"5-1. Кәмелетке толмағанға бас бостандығын шектеу бiр жылдан екi
жылға дейiнгі мерзiмге тағайындалады.";
жетiншi және сегiзiншi бөлiктер мынадай редакцияда жазылсын:
"7. Кәмелетке толмағандарға бас бостандығынан айыру он жылдан аспайтын мерзiм, ал ауырлататын мән-жайларда кiсi өлтiру немесе олардың бiрi ауырлататын мән-жайларда кiсi өлтiру болатын қылмыстардың жиынтығы бойынша, - он екi жыл тағайындалуы мүмкiн. Он төрт жастан он сегіз жасқа дейiнгі бiрiншi рет онша ауыр емес қылмыс жасаған және он төрттен он алты жасқа дейiнгi ауырлығы орташа қылмыс жасаған адамдарға бас бостандығынан айыру тағайындалмайды.
8. Кәмелетке толмай қылмыс жасаған сотталған адамдар бас бостандығынан айыруды:
а) бас бостандығынан айыруға бiрiншi рет сотталған еркек жынысты кәмелетке толмағандар, сондай-ақ кәмелетке толғандар, бiрақ 20 жастан аспаған, сондай-ақ әйел жынысты кәмелетке толмағандар - жалпы режимдегi тәрбиелеу колонияларында;
б) бұрын бас бостандығынан айыруды өтеген еркек жынысты кәмелетке толмағандар, сондай-ақ кәмелетке толғандар, бiрақ 20 жастан аспаған, - күшейтiлген режимдегі тәрбиелеу колонияларында;
в) үкiм шығарылған кезде 20 жастан асқандар - жалпы режимдегi тәрбиелеу колонияларында өтейді.";
14) мынадай мазмұндағы 107-1-баппен толықтырылсын:
"107-1-бап. Азаптау
1. Азапталушыдан немесе үшiншi тұлғадан мәлiметтер алу және мойындату мақсатымен қасақана тән зардабын және психикалық зардап шектiру -
айлық есептiк көрсеткiштiң екi жүзден бес жүз дейiнгі мөлшерiнде немесе екi айдан бес айға дейiнгi кезеңде сотталған адамның жалақысы немесе өзге де табысы мөлшерiндегi айыппұлмен не бес жылға дейiнгі мерзiмге белгiлi бiр лауазымдарды атқару немесе белгілi бiр қызметпен айналысу құқығын айырумен не төрт айдан алты айға дейiнгi мерзiмге қамаумен не төрт жылға дейiнгі мерзiмге бостандығын шектеумен не осы мерзiмге бас бостандығынан айырумен жазаланады.
2. Осы әрекет:
а) лауазымды адам;
б) адамдар тобы немесе алдын ала сөз байласқан адамдар тобы;
в) бiрнеше рет;
г) денсаулыққа зиян келтiруге арнайы икемделген заттарды қолданып немесе қолдану ниетiмен;
д) денсаулыққа ауырлығы орташа зиян келтiрумен;
е) әйелге немесе кәмелетке толмағанға қатысты жасаса, -
осы мерзiмге белгілi бiр лауазымдарды атқарудан немесе белгiлi бiр қызметпен айналысу құқығынан айыра отырып, бес жылға дейiнгі мерзiмге бас бостандығынан айыруға жазаланады.
3. Жәбiрленушiнiң денсаулығына ауыр зиян келтiруге немесе абайсызда оның өлiміне әкеп соққан осы әрекет -
бес жылдан он жылға дейiнгi мерзiмге бас бостандығынан айыруға жазаланады.";
15) 108-баптың бiрiншi бөлiгi "айыппұл салуға," деген сөздерден кейiн "немесе жүзден екi жүз сағатқа дейiнгi мерзiмге қоғамдық жұмыстарға тартуға" деген сөздермен толықтырылсын;
16) 111-бапта:
бiрiншi бөлiкте "не бiр жыл мерзiмге бас бостандығынан айыруға" деген сөздер алынып тасталсын;
төртiншi бөлiкте:
"кезiнде" деген сөздерден кейiн "елуден екi жүзге дейiнгi айлық есептiк көрсеткiш мөлшерiнде немесе бiр айдан екi айға дейiнгi кезеңдегi сотталған адамның жалақысы немесе өзге де табысы мөлшерiнде айыппұл салуға не жүзден екi жүз сағатқа дейiнгi мерзiмге қоғамдық жұмысқа қатыстыруға" деген сөздермен толықтырылсын;
"не бiр жылға дейiнгi мерзiмге бас бостандығынан айыруға" деген сөздер алынып тасталсын;
17) 112-бапта:
"кезiнде" деген сөздер "елуден екi жүзге дейiнгi айлық есептiк көрсеткiшке мөлшерде айыппұлға немесе екi айдан бес айға дейiнгi кезеңдегi сотталған адамның жалақысы немесе өзге де табысы мөлшерiнде не жүзден екi жүз сағатқа дейiнгi мерзiмде қоғамдық жұмысқа қатыстыруға не" деген сөздермен толықтырылсын;
"немесе дәл сол мерзiмге бас бостандығынан айыруға" деген сөздер алынып тасталсын;
18) 114-баптың үшiншi бөлiгiнде:
"әрекеттер" деген сөзден кейiн "елуден екi жүзге дейiнгi айлық есептік көрсеткiш мөлшерiнде айыппұлға немесе екi айдан бес айға дейiнгi кезеңдегі сотталған адамның жалақысы немесе өзге де табысының мөлшерiнде не" деген сөздермен толықтырылсын;
"бiр жылға дейiнгi мерзiмге бас бостандығынан айыруға" деген сөздер алынып тасталсын;
19) 115-баптың бiрiншi бөлiгiнде "не бiр жылға дейiнгi мерзiмге бас
бостандығынан айыруға" деген сөздер алынып тасталсын;
20) 116-баптың бiрiншi бөлiгiнде "бiр жылға дейiнгi мерзiмге бас
бостандығынан айыруға" деген сөздер алынып тасталсын;
21) 123-бапта ", не екi жылға дейiнгi мерзiмге бостандығынан айыруға
жазаланады." деген сөздер алынып тасталсын;
22) 137-бапта:
"айыппұл салуға" деген сөздерден кейiн "не жүзден екi жүз сағатқа
дейiнгі мерзiмде қоғамдық жұмысқа қатыстыруға" деген сөздермен
толықтырылсын;
"немесе онсыз нақ сол мерзiмге бас бостандығынан айыруға" деген
сөздер алынып тасталсын;
23) 175-бапта:
екiншi бөлiкте "алты" деген сөз "бес" деген сөзбен ауыстырылсын;
үшiншi бөлiкте "в)" тармағы алынып тасталсын;
24) 176-бапта:
"алты" деген сөз "бес" деген сөзбен ауыстырылсын;
үшiншi бөлiктiң "в" тармағы алынып тасталсын;
25) 177-бапта:
"алты" деген сөз "бес" деген сөзбен ауыстырылсын;
үшіншi бөлiкте "в)" тармағы алынып тасталсын;
26) 178-баптың үшіншi бөлігінде "в)" тармағы алынып тасталсын;
27) 179-баптың үшiншi бөлiгiнде "г)" тармағы алынып тасталсын;
28) 181-баптың үшiншi бөлiгiнде "г)" тармағы алынып тасталсын;
29) 182-баптың бiрiншi бөлiгiнде "не екi жылға дейiнгi мерзiмге бас бостандығынан айыруға" деген сөздер алынып тасталсын;
30) 183-бапта:
бiрiншi бөлiкте "не екi жылға дейiнгi мерзiмге бас бостандығынан айыруға" деген сөздер алынып тасталсын;
"алты" деген сөз "бес" деген сөзбен ауыстырылсын;
31) 184-баптың бiрiншi бөлiгіндегi "бас бостандығынан айыруға" деген сөздер "бас бостандығын шектеуге" деген сөздермен ауыстырылсын;
32) 185-бапта:
бiрiншi бөлiк "(айдап кету)" деген сөздерден кейiн "бес жүзден екi мыңға дейiнгі айлық есептiк көрсеткiш мөлшерiндегi немесе үш айға дейiнгі кезеңдегі сотталған адамның жалақысы немесе өзге де табысы мөлшерiндегi айыппұлға немесе" деген сөздермен толықтырылсын;
екiншi бөлiкте "алты" деген сөз "бес" деген сөзбен ауыстырылсын;
33) 188-баптың бiрiншi бөлiгiнде "екi айға" деген сөздерден кейiн "немесе жүзден екi жүзге дейiнгі сағатқа дейiнгі мерзiмде қоғамдық жұмысқа қатыстыруға" деген сөздермен толықтырылсын;
34) 190-баптың бiрiншi бөлiгiндегi "сақтау және өткiзу" деген сөздер "сақтау не өткiзу" деген сөздермен ауыстырылсын;
35) 223-баптың ескертуiнде "алтыдан бiр" деген сөздер "үштен бiр" деген сөздермен ауыстырылсын;
36) 236-баптың екiншi бөлiгiнде "бес" деген сөз "үш" деген сөзбен ауыстырылсын;
37) 248-баптың үшiншi бөлiгiнде "в)" тармағы алынып тасталсын;
38) 252-баптың төртiншi бөлiгi "заңсыз жасау -" деген сөздерден кейiн "екi жүзден бес жүз айлық есептiк көрсеткiшке дейiнгi немесе жалақысының немесе сотталушының төрт айға дейiнгi кезең iшiндегi өзге де кiрiсiнiң мөлшерiнде айыппұл салуға не" деген сөздермен толықтырылсын;
39) 253-бапта ", не бiр жылға дейiнгі мерзiмге бас бостандығынан айыруға" деген сөздер алынып тасталсын;
40) 255-баптың төртiншi бөлiгінде "в)" тармағы алынып тасталсын;
41) 257-бапта:
бiрiншi бөлiк "тым өрескел бұзушылық -" деген сөздерден кейiн "екi жүзден бес жүз айлық есептiк көрсеткiшке дейiнгi немесе жалақысының немесе сотталушының төрт айға дейiнгi кезең iшiндегі өзге де кiрiсiнiң мөлшерiнде айыппұл салуға не" деген сөздермен толықтырылсын;
"үш жылға" деген сөздер "екi жылға" деген сөздермен ауыстырылсын;
42) 265-бапта:
баптың атауында "жүйкеге әсер ететiн" деген сөздер "психотроптық заттар мен осыған ұқсас заттарды," деген сөздермен ауыстырылсын;
"жүйкеге әсер ететiн" деген сөздер "психотроптық заттар мен осыған ұқсас заттар" деген сөздермен ауыстырылсын;
43) 272-баптың бiрiншi бөлiгі "үй-жай беру -" деген сөздерден кейiн "екi жүзден бес жүз айлық есептiк көрсеткiшке дейiнгi немесе жалақысының немесе сотталушының төрт айға дейiнгi кезең iшiндегі өзге де кiрiсiнiң мөлшерiнде айыппұл салуға не" деген сөздермен толықтырылсын";
44) 273-бапта "үш" деген сөз "екi" деген сөзбен ауыстырылсын;
45) 378-баптың бiрiншi бөлiгiнде "не екi жылға дейiнгi мерзiмге бас бостандығынан айыруға" деген сөздер алынып тасталсын.
2. Қазақстан Республикасының 1997 жылғы 13 желтоқсандағы Қылмыстық-iс жүргізу Z970206_ кодексіне (Қазақстан Республикасы Парламентiнiң Жаршысы, 1997 ж., N 23, 335-құжат; 1998 ж., N 23, 416-құжат; 2000 ж., N 3-4, 66-құжат; N 6, 141-құжат; 2001 ж., N 8, 53-құжат; N 15-16, 239-құжат; N 17-18, 245-құжат; N 21-22, 281-құжат; 2002 жылғы 26 ақпанда "Егемен Қазақстан" және 2002 жылғы 28 ақпанда "Казахстанская правда" газеттерiнде жарияланған "Қазақстан Республикасының кейбiр заң актiлерiне заңсыз көшi-қон мәселелерi бойынша өзгерiстер мен толықтырулар енгiзу туралы" 2002 жылғы 22 ақпандағы Қазақстан Республикасының Z020296_ Заңы):
1) 83-баптың үшіншi бөлiгі "аудармашының тегiн көмегін пайдалануға;" деген сөздерден кейiн "аудармашыға қарсылық бiлдiруге;" деген сөздермен толықтырылсын";
2) 84-баптың екiншi бөлiгi "қылмыстық процесті жүргізушi органның iс-әрекетiне шағым жасауға;" деген сөздерден кейiн "аудармашыға қарсылық бiлдiруге;" деген сөздермен толықтырылсын";
3) 116-баптың бiрiншi бөлiгінiң 1) тармағы "күш қолдану" деген сөздiң алдынан "азаптау не өзге де" деген сөздермен толықтырылсын;
4) 121-бапта:
екiншi бөлiк "күшiне енгенге дейiн" деген сөздерден кейiн "осы Кодекстiң 223-бабының 4-бөлігінде көзделген жағдайларды қоспағанда," деген сөздермен толықтырылсын;
үшiншi бөлiктiң 4) тармақшасында "өзге де құндылықтар" деген сөздерден кейiн ", сондай-ақ заңсыз кәсiпкерлiк және контрабанда заттары" деген сөздермен толықтырылсын;
5) 160-баптың бiрiншi бөлiгінде "заңмен екi жылдан артық мерзiмге бас бостандығынан айыру түрiндегi жаза көзделген қылмыс жасалғандығына" деген сөздер "заңмен екі жылдан артық мерзiмге бас бостандығынан айыру түрiндегi жаза көзделген қасақана қылмыс жасалғандығына және заңмен үш жылдан артық мерзiмге бас бостандығынан айыру түрiндегi жаза көзделген абайсыз қылмыс жасалғандығына" деген сөздермен ауыстырылсын;
6) 160-баптың бiрiншi сөйлемi мынадай редакцияда жазылсын:
"Осы Кодекстiң 75, 82, 84, 85, 86, 145, 147-баптарында көзделген жағдайларда iс жүргізу мiндеттерiн орындамағаны және сот отырысында тәртiптi бұзғаны үшін жәбiрленушiден, куәдан, маманнан, аудармашыдан және өзге де адамдардан ақша өндiрiлiп алынуы мүмкiн.";
7) 192-бапта:
екiншi бөлiкте "175-бабында" деген сөздерден кейiнгi "(екiншi және үшiншi бөлiктерiнде)" деген сөздер "(үшiншi бөлiгiнде)" деген сөздермен ауыстырылсын;
4-1-бөлiк "107-1-бабында," деген сөздермен толықтырылсын;
8) 223-баптың төртiншi бөлiгi мынадай мазмұндағы сөйлеммен толықтырылсын:
"Жедел-iздестіру іс-шараларын жүргізу үшiн пайдаланылған және қылмыстық iс бойынша заттай айғақ болып табылатын ақша қаражаттары қылмыстық қуғындау органына фотографиялық немесе бейнетүсiру құралдарымен түсірілген құралдарымен алынып қойылған ақша купюраларын қарау хаттамасы iсiне бiрге тiркей отырып қайтарылуға жатады.";
9) 285-баптың екiншi бөлiгінде "175-бабында" деген сөздерден кейiнгi "(бiрiншi бөлiгінде)" деген сөздер "(бiрiншi және екiншi бөлiктерiнде)" деген сөздермен ауыстырылсын;
10) 421-бапта:
бiрiншi бөлiк "құқылы." деген сөздiң алдынан мынадай мазмұндағы 9) тармақпен толықтырылсын:
"9) егер, сот үкімімен тағайындалған жаза тым жұмсақ болып танылса, жаза көлемiн ұлғайтуға немесе неғұрлым қатаң жаза тағайындауға" екiншi бөлiкте "3)-8)" деген сандар "3)-9)" деген сандармен ауыстырылсын.
3. Қазақстан Республикасының 1997 жылғы 13 желтоқсандағы Қылмыстық-атқару Z970208_ кодексiне (Қазақстан Республикасы Парламентiнiң Жаршысы, 1997 ж., N 24, 337-құжат; 2000 ж., N 6, 141-құжат; N 8, 189-құжат; N 18, 339-құжат; 2001 ж., N 8, 53-құжат; N 17-18, 245-құжат; N 24, 339-құжат):
1) 33-баптың екiншi бөлiгі мынадай редакцияда жазылсын:
"2. Қоғамдық жұмыстарға тарту түрiндегі жазаға сотталғандардың еңбегін ұйымдардың пайдалануы өтеусiз негiзде жүзеге асырылады. Сотталғандардың орындаған жұмысының көлемi мен құны ұйымда қолданылып жүрген бағалау бойынша бөлек есептеледi және тиiстi бюджетке аударылады.";
2) 8-тарау мынадай редакцияда жазылсын:
"Бостандықты шектеу түрiндегi жазалауды орындау тәртібi мен шарттары
43-бап. Бас бостандығын шектеу түрiндегi жазаны өтеу орындары
1. Бас бостандығын шектеуге сотталған адамдар жазаны тұрғылықты жерi бойынша қылмыстық-атқару инспекцияларының оларды қадағалауды жүзеге асыру жағдайында өтейдi.
2. Жергілiктi атқарушы органдар қылмыстық-атқару инспекцияларына бас бостандығын шектеуге сотталған адамдардың еңбек пен тұрмыстық жайластырылуына жәрдемдесуге мiндеттi.
44-бап. Сотталғандарды жазасын өтеу орнына жiберу
1. Бас бостандығынан айырудың өтелмеген бөлiгi бас бостандығын шектеу түрiндегі жазаға ауыстырылған сотталғандар қамаудан босатылады және тұрақты мекен-жайына мемлекет есебiнен өздерi барады.
Бұл жағдайда түзеу мекемесiнiң әкiмшiлiгі сотталғанға қылмыстық-атқару инспекциясына есепке қою үшiн бару бағыты мен уақытын көрсете отырып, жазаны өтеу орнына шығу туралы ұйғарым бередi.
2. Сотталған тұрақты мекен-жайына белгiленген мерзiмде келмеген жағдайда iшкi iстер органдары оны iздеудi жүзеге асырады.
3. Ұстаудан кейiн бас бостандығын шектеудi бас бостандығынан айыруға ауыстыру үшiн материалдар сотталғанның ұсталған орны бойынша сотқа берiледi.
45-бап. Бостандықты шектеу түрiндегi жазаның мерзiмiн есептеу
1. Бас бостандығын шектеу түрiндегi жазаның мерзiмi қылмыстық-атқару инспекциясының үкiмдi орындауға қабылдаған сәтiнен бастап есептеледi.
2. Сотталғанның жұмыста немесе тұрақты мекен-жайында бiр тәулiктен артық болмаған уақыты жаза мерзiмiне есептелмейдi.
46-бап. Бас бостандығын шектеу түрiндегi жазаны өтеу тәртiбi
1. Бас бостандығын шектеу түрiндегi жазаны өтейтiн адамдар қадағалауда болады және:
нормативтiк құқықтық актiлермен және қылмыстық-атқару инспекциясы белгiлеген жазаны өтеу тәртiбiн сақтауға;
қылмыстық-атқару инспекциясының рұқсатынсыз жұмыс, оқу орнын және тұрақты мекен-жайын ауыстырмауға;
оқудан және жұмыстан бос уақытта үйде болуға;
қылмыстық-атқару инспекциясы белгiлеген мерзiмде тiркеу және тәрбиелiк іс-шаралар өткiзу үшiн қылмыстық-атқару инспекциясына келуге;
жұмыс немесе оқу кестесiнiң өзгеруi туралы қылмыстық-атқару инспекциясын бiр тәулiк iшiнде хабардар етуге;
белгiленген үлгiдегi жеке басын куәландыратын құжаты болуға мiндеттi.
2. Бостандығын шектеу түрiндегі жазаны өтейтiн сотталғандарға жазаны өтеу орны бойынша орналасқан жоғары және арнаулы орта оқу мекемелерiнде оқуға рұқсат етiледi. Қылмыстық-атқару инспекциясының келiсiмiмен сотталған өзге жерде орналасқан жоғары және арнаулы орта оқу мекемелерiнде оқи алады.
47-бап. Бостандығын шектеу түрiндегi жазаны
өтейтiн адамдардың еңбек шарттары
1. Бостандығын шектеуге сотталғандардың еңбегi, осы Кодекспен
белгiленген ережелерден басқа, Қазақстан Республикасының еңбек туралы
заңнамасымен реттеледi.
2. Сотталғандарды басқа жұмысқа, оның ішiнде басқа жерге ауыстыру
қылмыстық-атқару инспекциясымен келiсiм бойынша жүзеге асырылады.
48-бап. Бостандығын шектеу түрiндегi жазаны өтейтiн
адамдармен тәрбие жұмысы
1. Қылмыстық-атқару инспекциясы бостандығын шектеу түрiндегі жазаны
өтейтiн адамдармен тәрбие жұмысын жүргiзедi.
2. Сотталғандардың тәрбиелiк сипатта жүргiзiлетін iс-шараларға
белсендi қатысуы көтермеленедi және түзеу дәрежесiн белгілеу кезiнде
ескерiледi.
49-бап. Бостандығын шектеу түрiндегi жазаны өтейтiн адамдарға
қолданылатын көтермелеу шаралары
1. Жақсы мiнез-құлқы мен еңбекке адал қарағаны үшiн қылмыстық-атқару
инспекциясы сотталғандарға мынадай көтермелеу шараларын қолдана алады:
алғыс жариялау;
бұрын қолданылған жазаны мерзiмiнен бұрын алу;
демалыс және мереке күндерiн тұрақты мекен-жайының шегiнен тыс
жерлерде өткiзуге рұқсат беру;
демалысын тұрақты мекен-жайының шегiнен шығып өткiзуге рұқсат беру.
2. Сотталғандар осы Кодекспен белгiленген тәртiппен шартты түрде
мерзiмiнен бұрын босатуға немесе жазаның өтелмеген бөлiгiн неғұрлым жұмсақ
жазамен ауыстыруға ұсынылуы мүмкiн.
50-бап. Бостандығын шектеу түрiндегі жазаны өтейтiн
адамдарға қолданылатын жазалау шаралары
1. Жазаны өтеу тәртібiн бұзатын сотталғандарға қылмыстық-атқару инспекциясы мынадай жазалау шараларын қолдана алады:
сөгiс;
бiр айға дейiнгi мерзiмге демалыс және мереке күндерiн тұрақты мекен-жайының шегiнен шығуға тыйым салу;
бостандығын шектеудi бас бостандығынан айырумен ауыстыру мүмкiндігі туралы ескерту.
2. Жазасын өтеуден қасақана жалтарушы адамдарға қатысты қылмыстық-атқару инспекциясы бостандығын шектеудi бас бостандығынан айырумен ауыстыру туралы мәселелердi шешу үшiн материалдарды сотқа ұсынады.
51-бап. Бостандығын шектеу түрiндегi жазаны өтейтiн адамдарға
көтермелеу және жазалау шараларын қолдану тәртiбi
1. Көтермелеу және жазалау шаралары жазбаша түрде қолданылады.
2. Жазалау шараларын қолдану кезiнде құқық бұзушылық жасалған мән-жайлар, сотталғанның жеке басы мен оның терiс құлыққа дейiнгi мiнез-құлқы ескерiледi. Қолданылатын жаза сотталған жасаған терiс қылықтың сипаты мен ауырлығына сәйкес болуы тиiс. Жаза терiс қылық анықталған күннен бастап он тәулiктен кешiктiрiлмей, ал егер терiс қылыққа байланысты тексеру жүргiзiлсе - оның аяқталған күнiнен бастап, бiрақ терiс қылық жасалған күннен бастап бiр айдан кешiктiрiлмей қолданылады. Жаза, әдетте, бірден, ал ерекше жағдайларда - ол қабылданған күннен бастап бiр айдан кешiктiрiлмей қолданылады.
3. Осы Кодексте көзделген көтермелеу және жазалау шараларын қолдану құқығын қылмыстық-атқару инспекциясының бастығы немесе оның орнында қалған адам толық көлемде пайдаланады.
52-бап. Бостандығын шектеу түрiндегі жазаны өтеуден қасақана жалтару
және бостандығын шектеу түрiндегі жазаны өтеу тәртiбi мен
шарттарын бұзу
1. Сотталғанның: демалысын немесе демалыс және мереке күндерiн өткiзген орыннан дәлелдi себептерсiз уақтылы келмеуi, сондай-ақ жұмыс орнынан немесе тұрып жатқан жерiнен өз бетiнше кетiп қалуы, спирттiк iшiмдiктер мен есiрткi заттарын медициналық емес мақсаттарда бiрнеше рет пайдалануы, қылмыстық-атқару инспекциясы қызметкерлерiнiң заңды талаптарын орындаудан бас тарту бостандығын шектеу түрiндегі жазаны өтеуден қасақана жалтару болып табылады.
2. Еңбек тәртiбiн, қоғамдық тәртiптi немесе сотталған үшiн белгіленген тұру ережелерiн кемiнде үш рет бұзу, сондай-ақ кейiн жасалған тәртiп бұзушылық алдыңғысына жаза қолданылғаннан кейiн жасалған жағдайда оған жазалау қолданылғаны үшiн сот қолданған мiндеттердi орындаудан бас тарту жазаны өтеу тәртiбi мен ережелерiн бұзушылық болып табылады.
53-бап. Сотталғандарды қадағалау және бостандығын
шектеу түрiндегi жазаны өтеудiң тәртiбiн
бұзушылықтың алдын алу шаралары
1. Бостандығын шектеу түрiндегі жазаны өтеушiлердi қадағалауды қылмыстық-атқару инспекциясы жүзеге асырады және сотталғандарды олардың тұратын жерi мен жұмыс орны бойынша, сондай-ақ жұмыстан бос уақытында байқау мен бақылауды қамтамасыз етедi. Қадағалауды жүзеге асыру тәртiбi нормативтiк құқықтық актiлермен белгiленедi.
2. Сотталғанға бостандығын шектеу түрiндегi жазаны бас бостандығынан айыруға ауыстыру туралы мәселенi шешу кезiнде оны iшкi iстер органдары прокурордың санкциясымен жазаны өтеуден жалтарудың жолын кесу және материалдарды сотқа беру мақсатында он тәулiкке дейiнгi мерзiмге ұстауы мүмкiн.
3. Жазаны өтеуден қасақана жалтаратын сотталғанды iшкi iстер органы жалтару себептерiн анықтау үшiн прокурордың санкциясымен он тәулiкке дейiнгi мерзiмге ұстауы мүмкiн. Қажет болған жағдайда iшкi істер органы ұсталғанды жазаны өтеу орнына бас бостандығынан айыруға сотталған адамдар үшiн белгiленген тәртiппен жiбередi және жазаны өтеуден қасақана жалтарғаны туралы деректер болған жағдайда сотталғанға бостандығын шектеудiң өтелмеген мерзiмiн бас бостандығынан айыруға ауыстыру туралы мәселенi шешу үшiн сотталғанның ұсталған жерi бойынша материалдарды сотқа жiбередi.";
3) 58-баптың бiрiншi бөлiгi мынадай мазмұндағы сөйлеммен толықтырылсын:
"Сондай-ақ, қылмыстық iс-әрекет объектiсi, қылмыс жасау қаруы немесе құралы, қолданыстан алынып қойылған зат болып табылатын мүлiк сот үкiмi бойынша тәркiленуге жатады.";
4) 65-бапта "ұзақтығы аптасына төрт сағаттан аспайтын уақытқа" және "ақы төлемей" деген сөздер алынып тасталсын;
5) 69-бап мынадай мазмұндағы оныншы бөлiкпен толықтырылсын:
"10. Қатаң оқшаулау қамтамасыз етілген жағдайда түзеу колонияларының бiреуiнде жалпы және қатаң режимдегі жергiлiктi учаскелердi құруға жол берiледi";
6) 73-баптың екiншi бөлiгiнiң үшiншi абзацында "жаза мерзiмiнiң кемiнде үштен бiрiн" деген сөздер "кiшiгiрiм және орта ауырлықтағы қылмыстар жасағаны үшiн жаза мерзiмiнiң кемiнде төрттен бiрiн, ауыр қылмыс жасағаны үшiн жаза мерзiмiнiң кемiнде үштен бiрiн" деген сөздермен ауыстырылсын;
7) 83-баптың төртiншi бөлiгiнде "(жүктiлiгiнiң төртiншi айынан бастап)" деген сөздер алынып тасталсын;
8) 87-бапта:
бiрiншi бөлiктiң бiрiншi сөйлемi мынадай редакцияда жазылсын:
"Сотталғанның ұзақтығы он бес минутқа дейiн телефон арқылы сөйлесуге құқығы бар.";
екiншi бөлiк алынып тасталсын;
9) 97-баптың екіншi бөлiгi мынадай редакцияда жазылсын:
"2. Қылмыстық-атқару жүйесiнде сотталғандарға медициналық қызмет көрсету үшiн емдеу-алдын-алу мекемелерi (ауруханалар, арнаулы психиатрия және туберкулез ауруханалары; медициналық бөлiмдер), ал туберкулездiң ашық түрiмен ауыратын сотталғандарды ұстау және амбулаторлық емдеу үшiн мәжбүрлеп емдеудi жүзеге асыратын емдеу құқығындағы түзеу мекемелерi ұйымдастырылады. Алкоголизммен, нашақорлықпен және уытқұмарлықпен ауыратын сотталғандарды мәжбүрлеп емдеу түзеу колонияларының медициналық бөлiмiнде жүзеге асырылуы мүмкін.";
10) 112-баптың үшіншi бөлiгiнде:
"тәртiптiк айыппұл" деген сөздер алынып тасталсын;
"айыппұл изоляторына орналастыру" деген сөздермен толықтырылсын;
11) 113-баптың жетiншi бөлiгiнде "жыл" деген сөз "алты ай" деген сөздермен ауыстырылсын;
12) 118-баптың үшiншi бөлiгiндегі "төрттен үшi", "алты айын" деген сөздер "үштен екiсi" және "үш айын" деген сөздермен ауыстырылсын;
13) 116 және 118-баптардың төртiншi бөлiгiнде "қатаң жағдайларға көшiрiлуi мүмкiн" деген сөздер ", бұл ретте, осы Кодекстiң 111-бабының 1-бөлiгінде көзделген жазаны өтеудiң белгiленген тәртiбiн бұзғаны үшiн оларға жаза қолданған жағдайда, сотталғандар жеңiлдетiлген жағдайлардан дағдылы жағдайларға көшiрiледi." деген сөздермен толықтырылсын;
14) 120-баптың үшiншi бөлiгiндегi "қатаң жағдайларға көшiрiлуi
мүмкiн" деген сөздер ", бұл ретте, осы Кодекстiң 111-бабының 1-бөлiгiнде
көзделген жазаны өтеудiң белгіленген тәртiбiн бұзғаны үшiн оларға жаза
қолданған жағдайда, сотталғандар жеңiлдетiлген жағдайлардан дағдылы
жағдайларға көшiрiледi." деген сөздермен толықтырылсын;
15) 171-баптың бiрiншi бөлiгiнде "сегiз жасқа" деген сөздер "он төрт
жасқа" деген сөздермен ауыстырылсын;
16) 172-баптың тақырыбында және төртiншi бөлiгiнде "сегіз жасқа"
деген сөздер "он төрт жасқа" деген сөздермен ауыстырылсын.
Қазақстан Республикасының
Президентi
Мамандар:
Багарова Ж.А.,
Қасымбеков Б.А.
