Қазақстан Республикасы Үкіметі қаулы етеді:
"Қазақстан Республикасы Президентінің "Мемлекеттік кәсіпорын туралы" заң күші бар Жарлығына өзгерістер мен толықтырулар енгізу туралы Қазақстан Республикасы Заңының жобасы Қазақстан Республикасының Парламенті Мәжілісінің қарауына енгізілсін.
Қазақстан Республикасының
Премьер-Министрі
Жоба
Қазақстан Республикасының Заңы
"Қазақстан Республикасы Президентінің
"Мемлекеттік кәсіпорын туралы"
заң күші бар Жарлығына өзгерістер
мен толықтырулар енгізу туралы"
1-бап. Қазақстан Республикасы Президентінің "Мемлекеттік кәсіпорын туралы" 1995 жылғы 19 маусымдағы N 2335 заң күші бар Жарлығына (Қазақстан Республикасы Жоғарғы Кеңесінің Жаршысы, 1995 ж., N 9-10, 66-құжат; N 24, 164-құжат; Қазақстан Республикасы Парламентінің Жаршысы, 1997 ж., N 12, 183-құжат; N 13-14, 205-құжат; 1998 ж., N 23, 429-құжат; 1999 ж., N 22, 789-құжат; N 23, 916-құжат; 2001 ж., N 10, 126-құжат; 2002 ж., N 10, 102-құжат) мынадай өзгерістер мен толықтырулар енгізілсін:
тақырыбы мынадай редакцияда жазылсын:
"Мемлекеттік кәсіпорын туралы" Қазақстан Республикасының Заңы";
мәтінде "Жарлық", "Жарлықтың", "Жарлығымен" деген сөздер "Заң", "Заңының", "Заңымен" деген сөздермен ауыстырылсын;
18-бапта:
9) тармақшада "мәдениет" деген сөзден кейін ", туризм" деген сөзбен толықтырылсын;
12) тармақша "кадастрларын" деген сөзден кейін ", Қазақстан Республикасы нормативтік құқықтық актілерінің мемлекеттік тізілімін" деген сөздермен толықтырылсын;
екінші бөлік мынадай редакцияда жазылсын:
"Мемлекеттік органдардың қызметтік ғимараттарын пайдалануды, оларға көліктік қызмет көрсету мен жабдықтау функцияларын орындауды жүзеге асыру мақсатында шаруашылық жүргізу құқығындағы мемлекеттік кәсіпорындар құруға тыйым салынады.";
32-бапта:
5) тармақша "мәдениет" деген сөзден кейін ", туризм" деген сөзбен толықтырылсын;
6) тармақша мынадай редакцияда жазылсын:
"6) мемлекеттік органдардың қызметтік ғимараттарын пайдалануды, оларға көліктік қызмет көрсету мен жабдықтау функцияларын орындауды жүзеге асыру;".
2-бап. Осы Заң қолданысқа енгізілгенге дейін құрылған мемлекеттік кәсіпорындардың құрылтай құжаттары осы Заң қолданысқа енгізілген күннен бастап алты ай ішінде осы Заңға сәйкес келтірілуге тиіс.
Қазақстан Республикасының
Президенті
