Иран Ислам Республикасында 2003 жылғы 26 желтоқсанда болған жер сiлкiнiсiнен зардап шеккен адамдарға ізгiлiк көмегiн көрсету мақсатында Қазақстан Республикасының Үкiметi қаулы етеді:
1. Қазақстан Республикасының Мемлекеттiк материалдық резервтер жөніндегi агенттiгi iзгiлiк көмегiн көрсету үшiн мемлекеттiк материалдық резервтен 1-қосымшаға сәйкес материалдық құндылықтарды шығарсын. <*>
Ескерту. 1-тармаққа өзгеріс енгізілді - ҚР Үкіметінің 2004.10.04. N 1021 қаулысымен .
1-1. Қазақстан Республикасының Денсаулық сақтау министрлiгi iзгілік көмек көрсету үшiн 2-қосымшаға сәйкес дәрi-дәрмектер мен таңу құралдарын шығарсын. <*>
Ескерту. 1-1-тармақпен толықтырылды - ҚР Үкіметінің 2004.10.04. N 1021 қаулысымен .
1-2. Қазақстан Республикасының Қорғаныс министрлiгi iзгілік көмек көрсету үшін 3-қосымшаға сәйкес шатырлар бөлсiн. <*>
Ескерту. 1-2-тармақпен толықтырылды - ҚР Үкіметінің 2004.10.04. N 1021 қаулысымен .
2. Қазақстан Республикасының Төтенше жағдайлар жөнiндегi агенттiгi iзгiлiк көмек жүгiнiң Алматы қаласынан Иран Ислам Республикасының Керман әуежайына жедел жеткiзiлуiн қамтамасыз етсін.
3. 2003 жылға арналған республикалық бюджетте табиғи және техногендiк сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Үкiметiнiң резервiнен Қазақстан Республикасының Төтенше жағдайлар жөнiндегi агенттігіне ізгiлiк жүгiн Иран Ислам Республикасына тасымалдаумен байланысты шығыстарды өтеу үшiн 6940000 (алты миллион тоғыз жүз қырық мың) теңге сомасында ақшалай қаражат бөлiнсiн.
4. "Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес бөлiнетiн қаражат шегiнде iзгілiк көмек көрсету үшiн сатып алудың маңызды стратегиялық мәнi бар Алматы қаласы - Иран Ислам Республикасының Керман әуежайы бағыты бойынша материалдық құндылықтарды авиациялық тасымалдау жөнiндегi қызметтер көрсетушi болып "Эйр Қазақстан" жабық акционерлiк қоғамы белгiленсiн.
5. Қазақстан Республикасының Төтенше жағдайлар жөнiндегi агенттiгi 2004 жылға арналған республикалық бюджетте табиғи және техногендiк сипаттағы төтенше жағдайларды жоюға және өзге де күтпеген шығыстарға көзделген Қазақстан Республикасы Yкiметiнiң резервінен Иран Ислам Республикасына iзгiлiк көмек көрсетумен байланысты материалдық құндылықтардың құнын өтеу үшiн қаражат бөлу туралы шешiмнiң жобасын енгiзсiн.
6. Қазақстан Республикасының Сыртқы iстер министрлiгi өз құзыретi шегiнде осы қаулыны орындау жөнiнде қажеттi шаралар қабылдасын.
7. Қазақстан Республикасының Қаржы министрлiгi бөлiнетiн қаражаттың мақсатты пайдаланылуын бақылауды қамтамасыз етсiн.
8. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрi
Қазақстан Республикасы
Үкіметінің
2003 жылғы 30 желтоқсандағы
N 1353 қаулысына
1-қосымша
Материалдық құндылықтардың тізбесі
1. Арнайы жылы киім - 500 дана мақтадан тігілген күрте.
2. Арнайы жылы киім - 500 дана мақтадан тігілген шалбар.
3. Арнайы жылы киім - 500 жұп жүн қолғап.
4. Керзі етік - 500 жұп.
5. Жылытқыш пеш - 200 дана.
6. Палатка - 17 дана.
Қазақстан Республикасы
Үкiметiнің
2003 жылғы 30 желтоқсандағы
N 1353 қаулысына
2-қосымша
Ескерту. 2-қосымшамен толықтырылды - ҚР Үкіметінің 2004.10.04. N 1021 қаулысымен .
Iзгілік көмек көрсетуге арналған дәрі-дәрмектер мен таңу құралдарының тізбесі
1. Глюкозалар 40 % е-дi 5 мл N 10 - 5802 орама.
2. Глюкозалар 40 % е-дi 10 мл N 10 - 36 орама.
3. Кофеин - натрий бензоаты 10 % e-дi 1 мл N 10 - 1080 орама.
4. Кофеин - натрий бензоаты 20 % е-дi 1 мл N 10 - 540 орама.
5. Лидокаин 2 % e-дi 2 мл-ден N 10 - 500 орама.
6. Новакаин 0,5 % e-дi 5 мл-ден N 10 - 10885 орама.
7. Супрастин 20 мг 1 мл-лiк N 5 - 563 орама.
8. Стрептоцид (ұнтақ) - 12 килограмм.
9. Эуфиллин 2,4 % e-дi 10 мл-ден - 300 орама.
10. Ампициллин натрий тұзы 500 мың бiрлiк - 650 флакон.
11. Бензилпенициллин натрий тұзы 1 млн. бiрлiк - 12000 флакон.
12. Бензатин пенициллинi 2,4 млн. бiрлiк - 27021 флакон.
13. Левомицетин 0,25 N 10 - 3000 орама.
14. Эритромицин 250 мың бiрлiк N 10 - 2000 конверт.
15. Полиглюкин 200 мл, 400 мл - 639,6 лит.
16. Дәкелiк бинт стерилденбеген 7м x 14 см - 11295 дана.
17. Дәкелiк бинт стерилденбеген 10 см x 14 см - 1963 дана.
18. Медициналық гигроскопиялық ағартылған дәке - 12000 метр.
19. Медициналық хирургиялық мақта, көзге арналған - 800 килограмм.
20. Хирургиялық стерилденген жiбек жiптің ұзындығы 1,25 N 7 - 2000 ампула.
21. Хирургиялық стерилденген жiбек жіптiң ұзындығы 1,25 N 6 - 3000 ампула.
22. Хирургиялық стерилденген жiбек жіптiң ұзындығы 1,25 N 4 - 3200 ампула.
23. Өңделген стерилденген кетгут жiптiң ұзындығы 1,5 м N 4 - 800 ампула.
24. Өңделген стерилденген кетгут жiптiң ұзындығы 1,5 м N 4 - 2800 ампула.
25. Өңделген стерилденген кетгут жiптің ұзындығы 1,5 м N 4 - 1400 ампула.
26. Қан құюға арналған системалар ПК-21-02 - 8470 дана.
27. Бiр жолғы шприцтер 20 мл. - 2500 дана.
Қазақстан Республикасы
Үкiметiнің
2003 жылғы 30 желтоқсандағы
N 1353 қаулысына
3-қосымша
Ескерту. 3-қосымшамен толықтырылды - ҚР Үкіметінің 2004.10.04. N 1021 қаулысымен .
Материалдық құндылықтардың (шатырлар) тiзбесi
1. Шатырлар БСБ - 56 (бiрегей санитарлық-барактық - 1956 жылғы үлгiдегi) - 10 дана.
2. Шатырлар БСБ - 56 (бiрегей санитарлық-барактық - 1956 жылғы үлгiдегi) - 10 дана.
