Қазақстан Республикасы заңнамасының өзгеруіне байланысты Қазақстан Республикасы Жоғарғы Сотының жалпы отырысы қаулы етеді:
1. Қазақстан Республикасы Жоғарғы Соты Пленумының "Соттардың денсаулыққа келтірілген зиянды өтеу жөніндегі Республика заңдарын қолданудың кейбір мәселелері туралы" 1999 жылғы 9 шілдедегі N 9 қаулысына мынадай өзгерістер мен толықтырулар енгізілсін:
1) қаулының атауындағы "Соты Пленумының қаулысы" деген сөздер "Сотының нормативтік қаулысы" деген сөздермен ауыстырылсын;
2) кіріспе мына редакцияда жазылсын:
"Шарттық және өзге де міндеттемелерді орындау кезінде өмірге және денсаулыққа келтірілген зиянды өтеу туралы заңнаманы біркелкі қолдану мақсатында Қазақстан Республикасы Жоғарғы Сотының жалпы отырысы қаулы етеді:";
3) 2-тармақ мына редакцияда жазылсын:
"2. Шарттық және өзге де міндеттемелерді орындауы кезінде жәбірленушінің өмірі мен денсаулығына келтірілген зиянды өтеу туралы талап арыз нысаны мен мазмұны жағынан Азаматтық іс жүргізу кодексінің 150, 151-баптарына сәйкес болуға тиіс.
Қойылған талаптардың сипатына қарай талап арызға мынадай дәлелдемелер: ұйым әкімшілігінің еңбек жарақатын алған қызметкерге келтірілген зиянды өтеу туралы шешімі (бұйрығы, өкімі); жазатайым жағдай немесе қызметкердің еңбек қызметіне байланысты денсаулығына келтірілген өзге де зақым туралы акт (Н-1 нысанындағы акт)"; жазатайым жағдайды арнайы тексеру туралы акт; Мемлекеттік еңбек инспекторының жазатайым жағдайдың себептері туралы қорытындысы; дәрігерлік-әлеуметтік сараптама комиссиясының (ДӘСК) еңбек міндеттерін атқаруына байланысты жарақат алған немесе денсаулығына өзгедей зиян келтірілген қызметкердің кәсіптік еңбек қабілетін жоғалту дәрежесін (пайызбен алғанда) анықтау туралы қорытындысы; сот-медицина сараптама комиссиясының денсаулыққа басқадай зақым келген жағдайда берген қорытындысы; жәбірленушінің басқа адамның күтімін және басқа қосымша шығындардың түрлерін қажетсінетіні туралы қорытынды; Қазақстан Республикасы Азаматтық кодексінің (бұдан әрі - АК) 938-бабына сәйкес есептелетін орташа айлық есептік көрсеткіштің (табыстың) мөлшері туралы мәліметтер, сондай-ақ басқа да қажетті құжаттар қоса тіркелуге тиіс.
Арыздың дұрыс қаралуы үшін қажетті дәлелдемелерді ұсыну мүмкін болмаған жағдайда судья тараптардың өтініші бойынша ұйымнан немесе мүдделі адамдардан осы дәлелдемелерді сұратып алуға міндетті";
4) мына мазмұндағы 2-1-тармақпен толықтырылсын:
"2-1. Соттар өндірістегі жазатайым жағдай немесе қызметкердің денсаулығына өзге де зақым келтірілгені туралы Н-1 нысанындағы актіні еңбек қорғау қызметінің және ұйым құрылымының жетекшілері толтыратынын және қол қоятынын, оны жұмыс беруші бекітіп, ұйымның мөрімен куәландыратынын назарда ұстағандары жөн. Кәсіптік ауруға шалдыққан (уланған) жағдайда Н-1 нысанындағы актіге сондай-ақ Мемлекеттік санитарлық-эпидемиологиялық қызмет органының немесе Кәсіптік патология орталығының өкілдері қол қояды.
Егер жұмыс беруші заңды тұлғаны құрмаған адам болса, онда Н-1 нысанындағы актіні жұмыс беруші толтырып, қолын қояды және нотариат арқылы куаландырады.";
5) 4-тармақтың бірінші абзацындағы екінші сөйлем алынып тасталсын;
6) 8-тармақ мына мазмұндағы сөйлеммен толықтырылсын:
"Жоғары қауіп көздерінің бір-бірімен соқтығысуының салдарынан үшінші адамның өмірі мен денсаулығына зиян келтірілген жағдайда жоғары қауіп көздерінің иелері бірлесе жауапкершілік көтереді.";
7) 10-тармақтың бірінші абзацы мына редакцияда жазылсын:
"Жәбірленуші жарақат алған немесе оның денсаулығына өзгедей зақым келтірілген жағдайда оның алатын немесе алуы мүмкін жоғалтқан еңбекақысы (табысы), сондай-ақ денсаулыққа зақым келтірілуіне байланысты жұмсалатын шығындар (емделу, дәрі-дәрмек сатып алу, қосымша тамақтану, протез салғызу, санаторлық-курорттық ем алу және т.б. үшін), егер дәрігерлік-әлеуметтік сараптама комиссиясы жәбірленуші көмек пен күтімнің осы түрлерін қажетсінеді және оларды тегін алмайды деп тапса, өтелуге жатады.";
8) 11-тармақ алынып тасталсын;
9) 12-тармақтың екінші абзацы мына редакцияда жазылсын:
"Ас беруге байланысты шығындарды өтеу кезінде спирт ішімдіктерін сатып алу үшін жұмсалған шығындар өтелуге жатпайды";
10) 16-тармақтағы "бұрынғы айлық орта еңбекақысынан айырылған" деген сөздер "жалақысын (табысын) жоғалтқан" деген сөздермен ауыстырылсын;
"АҚ-тің 187-бабына" деген сөздер "АК-нің 187-бабының 3) тармақшасына" деген сөздермен ауыстырылсын;
11) 17-тармақта:
бірінші абзац мына мазмұндағы сөйлеммен толықтырылсын:
"Денсаулығына зақым келген кәмелетке толмаған жәбірленуші еңбек қызметі басталған жағдайда зақым көлемінің дендегені туралы арызбен жүгінуге құқылы.";
екінші абзацта "АҚ-тің 283-бабының" деген сөздер "АК-нің 283-бабының" деген сөздермен ауыстырылсын;
12) 18-тармақта:
"Қазақстан Республикасы Министрлер Кабинетінің 1994 жылғы 15 желтоқсандағы N 1414 қаулысымен бекітілген Еңбеккерлердің өндірісте денсаулығы зақымдануын және басқа жазатайым жағдайларды есепке алу мен зерттеп-тексеру жөніндегі ережемен" деген сөздер "Үкіметтің 2001 жылғы 4 шілдедегі N 916 қаулысымен енгізілген өзгерістерімен бірге Қазақстан Республикасы Үкіметінің 2001 жылғы 3 наурыздағы N 326 қаулысымен бекітілген "Еңбек қызметімен байланысты жазатайым оқиғалар мен қызметкерлер денсаулығының өзге де зақымдануларын тексеру және есепке алу ережесімен" деген сөздермен ауыстырылсын";
екінші абзац алынып тасталсын;
үшінші абзац мына редакцияда жазылсын:
"Жазатайым оқиғаларды тексеру жөніндегі комиссияның шешімі (Н-1 нысанындағы акт), сондай-ақ Қазақстан Республикасы Мемлекеттік еңбек инспекторының жазатайым оқиғаларды тексеру мәселелері бойынша жәбірленушінің кінәсінің дәрежесі туралы қорытындысы іс материалдарының барлық жиынтығы бойынша бағалауға жататын дәлелдемелердің бірі болып табылады.";
13) 21-тармақта "АК-тің 22-бабының 4-тармағына" деген сөздер "АК-нің 22-бабының 4-тармағына" деген сөздермен ауыстырылсын;
14) 22-тармақ алынып тасталсын.
2. Қазақстан Республикасы Конституциясының 4-бабына сәйкес осы нормативтік қаулы қолданыстағы құқық құрамына қосылады, сондай-ақ жалпыға бірдей міндетті болып табылады әрі ресми жарияланған күннен бастап қолданысқа енгізіледі.
Қазақстан Республикасы |
Жоғарғы Сотының Төрағасы |
Қазақстан Республикасы |
Жоғарғы Сотының судьясы, |
жалпы отырыс хатшысы |
