Қазақстан Республикасының Үкiметi қаулы етеді:
"Қазақстан Республикасының Үкiметi мен SOS балалар ауылдарын құру жөнiндегi "SOS KINDERDORF INTERNATIONAL" халықаралық қоғамы арасындағы шартты бекiту туралы" Қазақстан Республикасы Заңының жобасы Қазақстан Республикасының Парламентi Мәжiлiсiнiң қарауына енгізiлсiн.
Қазақстан Республикасының
Премьер-Министрі
Жоба
Қазақстан Республикасының Заңы Қазақстан Республикасының Yкiметi мен SOS балалар ауылдарын
құру жөнiндегі "SOS KINDERDORF INTERNATIONAL" халықаралық
қоғамы арасындағы шартты бекiту туралы
2004 жылғы 8 сәуiрде Астана қаласында жасалған Қазақстан Республикасының Yкіметi мен SOS балалар ауылдарын құру жөнiндегi "SOS KINDERDORF INTERNATIONAL" халықаралық қоғамы арасындағы шарт бекiтiлсiн.
Қазақстан Республикасының
Президентi
Қазақстан Республикасының Yкiметi мен
"SOS KINDERDORF INTERNATIONAL" SOS балалар ауылдарын
құру жөніндегі халықаралық қоғам арасындағы шарт
Бұдан әрi Үкiмет деп аталатын Қазақстан Республикасының Үкiметi бiр тараптан және бұдан әрi - SOS КDI деп аталатын "SOS KINDERDORF INTERNATIONAL" SOS балалар ауылдарын құру жөнiндегi халықаралық қоғамы екiншi тараптан, бұдан әрi бiрлесiп Тараптар деп аталатындар
Қазақстан Республикасында материалдық және тәрбиелiк қолдауға мұқтаж балалар санының көптiгiне байланысты;
осы Шарттың мақсаты мұндай балаларға жаңа отбасын, ана махаббатын, материалдық қамтамасыз етудi, сондай-ақ апат немесе саяси тұрақсыздық жағдайында SOS KDI қызметінің шеңберiнде лайықты тәрбие мен қамқорлық ұсыну болуына байланысты;
SOS KDI-дiң барлық балалар ауылдары профессор Герман Гмайнер әзiрлеген педагогикалық қағидаларға негiзделуiне және осы Шартқа қоса берілiп отырған кiрiспеде баяндалғанындай SOS КDI-ге байланысты;
Қазақстан Республикасында салынуы жоспарланып отырған SOS КDI балалар ауылдарының осы қағидаттарға сәйкес жұмыс iстейтiндігіне байланысты;
төмендегiлер туралы уағдаласты:
1. SOS КDI тарапынан
1.1. SOS КDI Қазақстан Республикасының аумағында бiрiншi SOS-балалар ауылын және басқа кейiнгi ұқсас SOS-балалар ауылдарын, сондай-ақ SOS-балалар бақшаларын, мектептерiн, әлеуметтік орталықтарын, фермалары, оқыту орталықтары, емханалары және т.б. сияқты "жолай жобаларды" (бұдан әрi - SOS-жобалар) құруда SOS KDI-дiң педагогикалық және ұйымдастырушылық қағидаттарына, сондай-ақ Қазақстан Республикасының заңнамасына сәйкес жетiм балаларға және ата-анасының қамқорлығынсыз қалған балаларға және ата-анасының қамқорлығынсыз қалған көмек көрсетуде Үкiметпен тығыз ынтымақтастықты қолдайтын болады.
1.2. SOS KDI Үкiметпен ынтымақтастықта Қазақстан Республикасының заңнамасына сәйкес "Қазақстанның SOS-балалар ауылдары" атты Қорына (бұдан әрi - Қор) құрылтайшы болуға мiндеттенедi.
Қор Жарғысы осы Шарттың екi Тарабы арасында келiсiлуi тиiс, сондай-ақ SOS KDI-дің педагогикалық және ұйымдастырушылық қағидаттарына және Қазақстан Республикасының қолданыстағы заңдарына сәйкес болуы тиiс.
1.3. SOS KDI-гe мүше ұйымдар арасындағы делдал ретiнде SOS КDI Қазақстан Республикасының аумағында SOS-жобаларды салу мен толық жабдықтауды қамтамасыз етедi, олар сонымен қатар айналадағы қауымдастыққа да қызмет көрсетедi және балаларды белгiлi бiр бейiн, бейiмділік немесе кәсiп бойынша еңбекке дағдыландыруға көмектеседi, сондай-ақ Қорға өз қызметiн жүзеге асыру үшiн қажеттi шығыстарды жабу үшін қосымша кiрiс алуға жәрдемдеседi.
1.4. SOS КDI ресми ашылуын қоса Қазақстан Республикасында бiрiншi SOS-балалар ауылын толық ұйымдастыру мен жарақтандыру үшiн бүкiл жауапкершiлiктi өз мойнына алады және осы Шарттың шеңберiнде Қазақстан Республикасының аумағында басқа SOS-жобалар ұйымдастыруға құқылы.
Қазақстан Республикасында бiрiншi SOS-балалар ауылын ұйымдастырғаннан және жарақтандырғаннан кейiн Қор өз қызметiнiң шеңберiнде SOS-жобаларды ұстауға SOS KDI бөлетiн қаражаттың тиесiлі мақсатты жұмсалуына толық қаржылық және өзге де бақылауды өз мойнына алады.
SOS KDI өзiнiң демеушілік бағдарламасы арқылы Қор шығындарын қолдау мен өтеуге жеткілікті барлық қажеттi шараларды қолданатын болады. SOS KDI-дiң қосымша субсидиясына өтiнiштердi Қор жыл сайын Қордың Директорлар кеңесi мен SOS KDI-дiң өзi қажеттi түрде бекiткен бюджетке сәйкес жасай алады.
Қор өз қызметiн жүзеге асыру үшін тиiстi қаражат пен жарналар жинауды ұйымдастыру үшiн (Қор қаражатын жинау) барлық мүмкiндiкті жасайды.
Аса қажет болған жағдайда SOS KDI, SOS балалар ауылдарында, SOS аналар тәрбиелеп жатқан балалардың пайдасына SOS-жобаларды ұстауды толықтай қолдауға міндеттенеді.
1.5. SOS KDI Қазақстан Республикасының аумағында заңнамамен қабылданған тәрбиелiк, дiни және басқа дәстүрлi қағидаттарды, сондай-ақ Қазақстан Республикасының аумағында қолданылатын заңнамаларды құрметтеуге міндеттенедi.
2. Yкімет тарапынан
Yкiмет мыналарға қол жеткiзу үшiн барлық мүмкiндiктi жасауға мiндеттенедi:
2.1. Тиiсті жарна ретінде SOS-жобаларды және олармен қатар салынатын құрылыс объектілерiн салу үшін лайықты жер учаскелерін таңдау.
2.2. SOS-жобаларды салуға, сондай-ақ Қазақстан Республикасының бюджетiне төленетін барлық салықтарды және міндеттi төлемдердi төлеуден босатуға қажеттi рұқсат алу кепілдігін қамтамасыз ету.
2.3. SOS-жобаларды салу үшiн су құбырларын, кәрiз желiсiн, электр энергиясын беру желiлерiн (егер олар бар болса) жүргiзудi, тиiстi жолдар салуды қамтамасыз ету, SOS-жобаларды салу жөніндегi жоспарлар тиiстi түрде мақұлданып, құрылыс басталғаннан кейiн жедел түрде телефон байланысын және басқа да қажеттi қызмет көрсетудi қамтамасыз ету.
2.4. SOS-жобаларының құрылысын бақылауды қамтамасыз ету және/немесе тиiстi оқытуды қоса алғанда, жергіліктi персоналға көмек көрсету мен консультациялар беру үшiн SOS KDI тартылатын мамандар үшiн тиiстi визалар, оның iшiнде көп дүркiн визалар, тұруға, жұмыс iстеуге рұқсаттарды тегiн беру.
2.5. SOS KDI және Қазақстанның SOS балалар ауылдары, олардың активтерi, кiрiстерi мен басқа меншiгi, сонымен қоса төлемдерден, оның ішінде жеке табыс салығынан, Қазақстан Республикасының заңнамасында көзделген барлық салықтардан және бюджетке төленетін басқа мiндеттi төлемдерден босатылады.
2.6. Егер осы қажет болса SOS-балалар ауылдарындағы балаларға құқықтық қолдауды қамтамасыз ету.
2.7. Көмек көрсету жөніндегі халықаралық ұйым ретiнде SOS KDI шұғыл жағдайда құрылыс объектілеріне және адамдарға, оның iшiнде көрсетілген объектiлердегі балаларға материалдық, медициналық және өзге де көмек көрсету мақсатында қол жеткiзу құқығына кепiлдiктi қамтамасыз ету.
2.8. Көмек көрсету жөнiндегi халықаралық бейтарап ұйым ретiнде SOS KDI-дiң лайықты құрмет көрсету кепілдігін қамтамасыз ету.
2.9. "SOS-балалар ауылы" атауы мен эмблемасы Қазақстан Республикасының тарапынан тиiстi құқықтық қорғалуға және тек SOS KDI-ге мүше ұйымдар және тиiстi жазбаша санкциялары барлары ғана осы атау мен эмблеманы пайдалану құқығына кепiлдiктi қамтамасыз ету.
3. Ескерту
Yкiмет осы Шарттың шеңберiнде Қазақстан Республикасының аумағында заңды түрде қолданылатын негiз құраушы қағидаттармен, қоғами адамгершілікпен, тәрбиелік және өзге де дәстүрлермен үйлеспейдi, сондай-ақ Қазақстан Республикасының заңнамасын бұзады деп есептейтiн барлығына қатысты тыйым салу немесе шектеулер белгiлеу құқығын өзiне қалдырады.
4. Жалпы ережелер
4.1. Қазақстан Республикасының аумағында SOS-жобалар құрылысын салуды Қазақстан Республикасы Үкiметінің қамқорлығымен SOS KDI жүзеге асырады.
4.2. Қазақстан Республикасының аумағында SOS KDI немесе SOS KDI-ға мүше ұйымдар құрған барлық SOS-балалар ауылдары "SOS-балалар ауылы" деп аталуға тиiс.
Алайда, әртүрлi қосымша немесе түсiндiрушi атауларды қарастыру терiске шығарылмайды.
4.3. SOS KDI немесе SOS KDI-ға мүше ұйымдар Қазақстан Республикасының аумағында құрған барлық мектептер, SOS қозғалысының негiзiн қалаған Герман Гмайнердiң атында болуға тиiс.
4.4. SOS KDI және/немесе Қор Қазақстан Республикасының мемлекеттік органдары мен ұйымдарының тарапынан түскен тиiстi ұсыныстарды қарау мүмкiндiгiн терiске шығармайтын, бiрақ сонымен бiрге SOS-балалар ауылына балаларды қабылдау немесе одан шығаруды белгiлейтiн шешушi инстанция болып табылады деген фактіні мойындау. Балаларды SOS-балалар ауылына қабылдау SOS KDI-дiң өзi белгiлеген өлшемдер мен қағидаттарға сәйкес жүзеге асырылады.
4.5. SOS KDI-ге жеке жұмыс берушi ретiнде SOS KDI-дiң қағидаттары мен мақсаттарына сәйкес iрiктелетiн және Қазақстан Республикасында жұмыс iстеуге тиiстi өз персоналын еркiн пайдалану құқығын бepу.
4.6. Осы Шартқа қоса берiліп отырған кiрiспе оның ажырамас бөлiгi болып табылады.
4.7. Осы Шарттың ережелерiн iске асыру барысында қандай да бiр-келіспеушілiк немесе пікір алшақтығы пайда болған жағдайда Тараптар Қазақстан Республикасының аумағында SOS-балалар ауылдарын құру жөнiндегi жұмыс та, жобалардың өздерi де балалардың мүддесi үшін жүзеге асырылатынын ескере отырып, туындаған даулы мәселелердi ынтымақтастық рухында шешу үшiн Yкiмет пен SOS KDI құрамынан мүшелер комитетiн құруға тиiс.
5. Шарттың бекітілуi, күшiне енуi және
қолданылуының тоқтатылуы
5.1. Осы Шарт Қазақстан Республикасының бекiтуiне жатады.
5.2. Осы Шарт Тараптар арасында оны Қазақстан Республикасының бекiткенi туралы куәландыратын құжатпен және оның SOS KDI тарапынан ресми, расталу актiсi туралы куәландыратын құжатпен алмасқан күнiнен бастап күшiне енедi.
5.3. Осы Шарт күшiне енген күннен бастап Қазақстан Республикасының Үкiметi мен "SOS KINDERDORF INTERNATIONAL" SOS балалар ауылдарын құру жөнiндегi халықаралық қоғам арасындағы 1993 жылғы 22 қарашадағы SOS балалар ауылдарын құру, құрылысын салу, жабдықтау және олардың жұмыс iстеуi туралы Шарт пен олармен байланысты жобалардың Қазақстан Республикасында қолданылуы тоқтатылады.
5.4. Осы Шарт өзiнiң қолданысын Тараптардың кез келгенi басқа Тарапты Шарттың қолданылуын тоқтатуға өз шешiмi туралы жазбаша түрде хабардар еткеннен кейiн алты ай өткен соң тоқтатады.
2004 жылғы 08 сәуірде Астана қаласында әрқайсысы қазақ, ағылшын және орыс тiлдерiндегі екi түпнұсқа данада жасалды, әрi барлық мәтіндердің күшi бiрдей.
Осы Шарттың ережелерiн түсiндiруде келiспеушілiктер туындаған жағдайда Тараптар орыс тiлiндегi мәтiндi басшылыққа алады.
Қазақстан Республикасының Астана. 2004 ж. 08.04.
Үкіметі орны, күнi
Қазақстан Республикасының Бiлiм
және ғылым министрi
Жақсыбек Құлекеев
_________________________
SOS KINDERDORF INTERNATIONAL Алматы, 2004 ж. 08.04.
үшін орны, күні
Өңiрлiк директор
Райнер Тойх
Кіріспе SOS ауылдар тұжырымдамасы
Ең алғашқы SOS ауылын негiзiн 1949 жылы Тирольдағы Имста қаласында Герман Гмайнер қалады. Бүгiнгi таңда бұл ауылды Герман Гмайнердiң SOS балалар ауылдары туралы идеясын халықаралық деңгейде iске асыру үшiн үлгi болып отыр.
SOS-балалар ауылдары ата-аналарынан айрылған немесе ата-аналары тастап кеткен балаларға немесе қалыпты отбасының жылуына мұқтаж балаларға көмектеседi. SOS-балалар ауылдарындағы отбасылар баланың өз отбасының орнына дәл осындай отбасының жылуын қамтамасыз етедi.
SOS-балалар ауылының негізгі төрт құрамдас бөлігі
Балаларды SOS-балалар ауылында тәрбиелеу негiзгi төрт қағидатты құрамдас бөлiкке негізделген:
Ана
Әрбiр тастанды бала жаңа анасын табады. SOS-балалар ауылында тұратын аналар-өздерiне сенiп тапсырылған балаларға өз өмiрiн толығымен арнайтын әйелдер. SOS-балалар ауылындағы ана балаға өз махаббаты мен мейiрiмiн бередi, әрбiр баланы оның салауатты дамуына қажеттi барлық нәрсемен қамтамасыз етедi. Мұндай ауылдағы ана отбасының басшысы болып табылады. Ол үй шаруасын өз бетiнше жүргiзедi.
Aға-інілер мен апа-сіңлілер
SOS-балалар ауылындағы әрбiр отбасы әдетте 6-10 баладан туады, олар шын мәніндегi отбасындағыдай өз "аналарымен" аға-інілi, апа-сiңлісi болып бiрге өмiр сүретiн әртүрлi жастағы ұлдар мен қыздар. Бiр ата-анадан туған ұл-қыздар бір отбасында тәрбиеленедi.
SOS-балалар ауылына балалар нәресте кезiнен бастап сегiз жасқа дейiн қабылданады, бұл ретте олардың отбасында қалыпты тәрбиеленуге лайық болуы шарт. Неғұрлым ересек жастағы балалар қаны бiр ағалы-қарындасты болып келетiн топтың бiр бөлiгi болған жағдайда ғана қабылданады.
Yй
SOS-балалар ауылындағы үйдiң нағыз жүрегi - қонақ үй болып табылады. Балалар өз анасының ас даярлауын, үй шаруасын жүргізуiн қадағалайды және олармен отбасы өмiрінің бүкiл қуанышы мен қайғысын бөлiседi. SOS-балалар ауылындағы үй балалардың тұрақты үйi болып табылады. Мұндай отбасылық үйдегi өмiр баланың сенiмдiлiгi мен қорғалғандық сезімін қамтамасыз етедi.
Ауыл
Әдеттегi SOS-балалар ауылы жеке-жеке отбасына арналған 10-20 үйден тұрады. Балалар мектепке барады, және сөйтiп ауыл ұжымдық тәрбиенi қамтамасыз ететiн үлкен бiр отбасына айналады. Шын мәнiнде SOS-балалар ауылы балалар мен сыртқы дүниенiң арасындағы көпiр қызметiн атқаруға есептелген. Сондықтан, оның орналасуы, жоспарлануы орнын анықтау кезiнде және барлық қалған аспектілерде SOS-балалар ауылы қоршаған ортаның ажырамас бөлiгi болуға тиiстi. SOS-балалар ауылындағы әке бейнесi әртүрлi қызметкерлер мен қызметшілер, ең алдымен ауыл директорының бейнесiнде қабылданады.
SOS-балалар ауылының миссиясы барлық ұлттағы, мәдениет пен дiни сенiмдегi жетiм және тастанды балаларды қоғамға бiрiктiруден, олар үшiн болашаққа сенiмдi жол ашудан тұрады.
SOS-Балалар ауылындағы жастар
SOS-балалар ауылдары қамтамасыз ететiн бастапқы қолдауға қосымша жақын қауымдастықтағы балаларды өздерiнiң толыққанды дербес еңбек өмiрiн бастауы үшiн зәру болып отырған қажетті дағдымен, ақыл-кеңеспен, консультациялармен, моральдық қолдаумен қамтамасыз ету үшiн айтарлықтай күш-жiгер жұмсалады.
Сондықтан SOS-балалар ауылдары барлық сенiп тапсырылған балалардың мiндетті мектеп бағдарламасының шеңберiнде өз қабiлетiн барынша дамытуына кепілдік берудi қамтамасыз етедi және егер қабiлеттерi лайықты болса олар бiлiм алуын кәсiби-техникалық училищелерде, колледждерде немесе институттарда жалғастырады.
Балалық жастан асқан, бiрақ жеке өмiрiн бастауға түпкiлiктi даяр емес жасөспiрiмдерге SOS ауылы кең мүмкіндiктер және жастарға арналған құралдармен қамтамасыз етедi, олардың қарауына оқу орталықтарын ұсынады, мұнда жасөспiрiмдер дербестіктiң, басқалармен ынтымақтастықтың және араласудың құндылығын, айналадағы қоғам өмiрiне өз шамасы келгенше үлес қосудың маңыздылығын алғаш ұғына бастайды.
SOS-балалар ауылы қауымдастығының көмегі
Балалардың шағын тобына қарқынды көмектi қамтамасыз ететiн көптеген елдерде, егер SOS-балалар ауылдары қоршаған қауымдастықтардағы көптеген балалар мен отбасылар өмiр сүру деңгейiн жақсарту жөнiнде қосымша жұмыс жүргiзiлмесе, мұндай көмектің қаншалықты маңызды болғанына қарамастан, әсер етуi шектеулі болады. Сондықтан SOS жобасы, сонымен қатар, басқа жағдайда бұл ауылдың көршiлерi мүлде қол жеткiзе алмайтын қажеттi қолдауды қамтамасыз етудi мақсат ететiн жобалар мен бағдарламаларды ұйымдастыру мен iске асыруға қатысады. Мұндай жобалар күндiзгi күтiмдi қамтамасыз ету жөнiндегi орталықтарды, балалар бақшаларын, мектептердi, аналар мен балалар орталықтарын, емханаларды және т.с.с. қамтиды.
Мұнымен қатар SOS бағдарламалары бойынша жұмыс басқадай жағдайда отбасы мен бүтіндей алғанда қауымдастық қамтамасыз етуге тиістi қолдаусыз және мейiрiмсiз қалуы мүмкiн әлемнің барлық балалары үшін тамаша әлем құруға ұмтылады.
Осы кiрiспе Жарғының ажырамас бөлiгi болып табылады.
РҚАО-ның ескертуі: Әрі қарай ағылшын тілінде мәтіні бар
