Қазақстан Республикасының Yкiметi ҚАУЛЫ ЕТЕДI :
Қазақстан Республикасы Президентiнiң "Адамның және азаматтың конституциялық құқықтары мен бостандықтарын қорғау жүйесiн одан әрi жетiлдiру туралы" Жарлығының жобасы Қазақстан Республикасы Президентiнiң қарауына енгізiлсiн.
Қазақстан Республикасының
Премьер-Министрі
Қазақстан Республикасы Президентінің
Жарлығы Адамның және азаматтың конституциялық құқықтары
мен бостандықтарын қорғау жүйесін одан әрі
жетiлдiру туралы
ҚАУЛЫ ЕТЕМIН:
1. Қазақстан Республикасы Президентiнiң жанындағы Адам құқықтары жөнiндегi комиссия таратылсын.
2. Қазақстан Республикасы Президентiнiң мынадай актiлерiне толықтырулар мен өзгерiстер енгізiлсiн:
1) Қазақстан Республикасы Президентiнiң "Адам құқықтары жөнiндегi уәкiл қызметiн белгiлеу туралы" 2002 жылғы 19 қыркүйектегі N 947 Жарлығына (Қазақстан Республикасының ПYАЖ-ы, 2002 ж., N 30, 328-құжат):
аталған Жарлықпен бекiтiлген Адам құқықтары жөнiндегі уәкiл туралы ережеде:
"Уәкiлдiң құзыреті және оны iске асыру тәртібi" деген 3-бөлімнiң 15-тармағында:
мынадай мазмұндағы 2-1), 2-2), 2-3) және 2-4) тармақшалармен толықтырылсын:
"2-1) адамның және азаматтың бұзылған құқықтары мен бостандықтарын қорғау мақсатында Қазақстан Республикасының заңнамасында белгiленген тәртiппен iстi сотта қарауда қатысуға;
2-2) Қазақстан Республикасының заңнамасында белгіленген тәртіппен сотқа немесе прокуратураға заңды күшіне енген сот шешiмiн, үкiмiн, ұйғарымын немесе қаулысын тексеру туралы өтінiшпен жүгінуге;
2-3) Қазақстан Республикасы азаматтарының, шетел азаматтарының және азаматтығы жоқ адамдардың шағымдарын қарау нәтижелерi бойынша, сондай-ақ құқықтар мен бостандықтарды бұзу туралы ақпаратты өзге де жолмен алған кезде осы мәселелер бойынша парламенттік тыңдаулар өткізу ұсынысымен Парламент Палаталарына жүгiнуге;
2-4) адам құқықтары жөнiндегi халықаралық ұйымдардың, басқа да үкiметтік емес құқық қорғау ұйымдарының жұмысына қатысуға;";
6) тармақша мынадай редакцияда жазылсын:
"6) адамның және азаматтың құқықтары мен бостандықтарын бұзған лауазымды адамға қатысты тәртіптiк немесе әкiмшілік іс жүргiзудi не қылмыстық іс қозғау туралы, сондай-ақ материалдық немесе моральдық залалды өтеу шараларын қабылдау туралы өтiнiшпен уәкiлетті мемлекеттік органдарға немесе лауазымды адамдарға жүгінуге;";
2) Қазақстан Республикасы Президентінің "Қазақстан Республикасы Мемлекеттiк хатшысының мәртебесi мен өкiлеттігі туралы" 2003 жылғы 10 шiлдедегi N 1148 Жарлығына (Қазақстан Республикасының ПYАЖ-ы 2003 ж., N 28, 263-құжат):
4-тармақтың 3) тармақшасындағы "Адам құқықтары жөнiндегі комиссия," деген сөздер алынып тасталсын.
3. Қазақстан Республикасы Президентінің "Қазақстан Республикасы Президентiнің жанындағы Адам құқықтары жөніндегі комиссия туралы" 2003 жылғы 19 наурыздағы N 1042 Жарлығының (Қазақстан Республикасының ПҮАЖ-ы, 2003 ж., N 11, 125-құжат; 2004 ж., N 15, 183-құжат) күші жойылды деп танылсын.
4. Осы Жарлық қол қойылған күнінен бастап күшіне енедi.
Қазақстан Республикасының
Президентi
