Ескерту. Күші жойылды - ҚР Үкіметінің 2011.09.13 № 1045 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.
"Акционерлiк қоғамдар турады" Қазақстан Республикасының 2003 жылғы 13 мамырдағы Заңына сәйкес Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған Жекешелендiруге жатпайтын мүлiктi ұлттық компанияларға беру ережесi бекiтiлсiн.
2. Осы қаулы қол қойылған күнiнен бастап күшiне енедi.
Қазақстан Республикасы
Премьер-Министрінің
міндетін атқарушы
Қазақстан Республикасы
Үкiметiнің
2004 жылғы 31 желтоқсандағы
N 1454 қаулысымен
бекітілді
Жекешелендiруге жатпайтын мүлiкті
ұлттық компанияларға
беру ережесi
1. Жалпы ережелер
1. Осы Жекешелендiруге жатпайтын мүлiктi ұлттық компанияларға беру ережесi (бұдан әрi - Ереже) Қазақстан Республикасының Азаматтық кодексiне , "Акционерлiк қоғамдар туралы" Қазақстан Республикасының 2003 жылғы 13 мамырдағы Заңына Қазақстан Республикасының басқа да нормативтiк құқықтық кесiмдерiне сәйкес әзiрлендi және жекешелендiруге жатпайтын мүлiктi (бұдан әрi - Мүлiк) ұлттық компанияларға берудiң тәртiбi мен шарттарын реттейдi.
2. Мүлiктiң тiзбесi Қазақстан Республикасының заңнамасына сәйкес Қазақстан Республикасы Президентiнiң және (немесе) Қазақстан Республикасы Үкiметiнiң шешiмдерiмен бекiтіледі.
3. Қазақстан Республикасының Үкіметі (бұдан әрі - Үкімет), республикалық немесе коммуналдық мемлекеттік меншiкке билiк етуге уәкілетті мемлекеттiк opган (бұдан әрі - Уәкілетті орган), ұлттық компания акцияларының мемлекеттік пакетін иелену және пайдалану құқықтарын жүзеге асыратын мемлекеттiк орган (бұдан әрі - Мемлекеттік басқару органы) және ұлттық компания (бұдан әрі - Алушы) осы Ережемен реттелетiн қатынастардың субъектілерi болып табылады.
4. Мүлiкті Алушыға беру туралы шешімді Үкімет қабылдайды.
5. Беруге жататын Мүлiктiң тізбесін, оны берудiң шарттарын белгiлеудi, сондай-ақ Үкiметтің тиiстi шешiмiнiң жобасын дайындауды Уәкiлетті органмен келiсiм бойынша Мемлекеттiк басқару органы жүзеге асырады.
2. Жекешелендiруге жатпайтын мүлiктi
ұлттық компанияларға беру тәртiбi
мен шарттары
6. Алушыға:
Мүлiк жалға (мүлiктiк жалға) немесе иелiктен шығару құқығынсыз сенiмгерлiк басқаруға;
Мүлiк меншiкке:
жарғылық капиталын төлеуге Мүлiктi иелену мен пайдалану құқықтары берiлуi мүмкiн.
Мүлiктi Алушыға өзге шарттарда беру Алушының шаруашылық жүргiзушi субъектi ретiнде одан әрi жұмыс iстеуiнiң, Мүлiктiң бухгалтерлiк есебiн тиiсiнше жүзеге асырудың, Мүлiкке одан әрi билiк ету қажеттілігімен байланысты iрi инвестициялық жобаларды жүзеге асырудың, сондай-ақ мемлекет үшiн ерекше әлеуметтiк, экономикалық маңызы бар өзге де жобаларды жүзеге асырудың мүмкiн болмауына әкеп соқтыратын айрықша жағдайларда Мүлiк Алушының меншiгiне берiледi.
Мүлiк Алушының меншiгiне:
Қазақстан Республикасының меншігіне жаңа эмиссияның акцияларын кейiннен бере отырып Алушының жарғылық капиталын берiлетiн Мүлiк құнының сомасына көбейту;
Алушы акцияларының мемлекеттiк пакетiн Жекешелендiруге жатпайтын объектiлердiң тiзбесiне енгiзу шарттарында берiледi.
7. Мүлiкті жалдау немесе сенiмгерлiк басқару мерзiмiн, сондай-ақ өтеу шарттарын Үкiмет айқындайды.
8. Мүлiктi беру Уәкiлеттi орган мен Алушының арасында тиiстi шарт жасасу арқылы жүзеге асырылады.
Мүлiктi жалға алу (мүлiктiк жалдау) шарты мен Мүлiктi сенiмгерлiк басқару шарты Қазақстан Республикасының заңнамасына сәйкес жасалады.
9. Мүлiктi не Мүлiкке берiлетiн құқықтарды бағалау жөнiндегi жұмыстарды ұйымдастыруды заңнамада белгіленген тәртiппен Уәкiлеттi орган жүзеге асырады.
10. Мүлiктi Алушыға беру туралы шарт (осында және бұдан әрi - жалға алу және сенiмгерлiк басқару шарттарын қоса алғанда):
1) Мүлiкке билiк ету жөнiндегi құқықтық өкiлеттiктердiң толық тiзбесiн қоса алғанда Алушының құқықтарын;
2) Алушының:
Мүлiктiң сақталуын қамтамасыз ету;
Мүлiктi мақсаты бойынша пайдалану;
Мүлiкке билiк етудi тек Үкiметтiң жазбаша келiсiмiмен жүзеге асыру;
шартта белгiленген тәртiппен және мерзiмде Мүлiктiң қаржылық және материалдық-техникалық жай-күйi туралы Уәкiлеттi орган алдындағы мерзiмдi есептілігі жөнiндегi мiндеттерiн қамтуы тиiс.
Мүлiктi беру туралы шарт, сондай-ақ Қазақстан Республикасының заңнамасына қайшы келмейтiн өзге де ережелердi қамтуы мүмкiн.
11. Мүлiкті Алушыға беру туралы шарттың тиiстi дәрежеде орындалуына бақылауды Уәкiлетті орган жүзеге асырады.
12. Алушыға берiлген Мүлiкке арналған құқықтарды мерзiмiнен бұрын қайтарып алу туралы шешiмдi, не осындай құқықтар берiлген мерзiмдi ұзарту туралы шешiмдi Үкiмет қабылдайды.
13. Мүлiкке арналған құқықтарды Алушыға беру туралы шарт, оның қолданысы мерзiмiнен бұрын тоқтатылған жағдайда, осы шартты iске асырумен байланысты шығындарды, Уәкілеттi органға қолданылатын айыппұлдық немесе өзге де санкцияларды өтеу шарттарын қамтымайды.
14. Мүлiкке арналған құқықтарды Алушыға беру туралы шарттың қолданысын тоқтату үшін негiздеме:
оның белгіленген қолданылу мерзiмiнiң аяқталуы;
Алушы беру шарттарын орындамаған жағдайда Уәкілеттi органның бiр жақты тәртiппен шартты бұзуы;
Yкiметтiң Мүлiкке арналған құқықтарды қайтарып алу туралы шешiмi;
соттың шешiмi;
Алушының өзiне берілген Мүлiкке арналған құқықтарды iске асырудан негiздемелi түрде бас тартуы;
Қазақстан Республикасының заңнамасында көзделген өзге де негіздемелер болуы мүмкiн.
