"Мемлекеттік сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкiметi ҚАУЛЫ ЕТЕДI:
1. "ЗАМАН-ТУ" акционерлiк қоғамы сатып алудың маңызды стратегиялық мәнi бар дизайнерлiк әзiрлемелердi көрсету, мұражай жабдықтарын жасау, мұражай экспозицияларын құру жөнiндегi қызметтердi және Қазақстан Республикасы Тұңғыш Президентi мұражайының үй-жайлары мен ғимаратын безендiру жөнiндегі басқа да қызметтердi көрсетушi болып белгiленсiн.
2. "Қазақстан Республикасы Тұңғыш Президентiнiң мұражайы" мемлекеттік мекемесi (келiсiм бойынша) заңнамада белгiленген тәртiппен:
осы қаулының 1-тармағында көрсетілген заңды тұлғамен қызметтердi мемлекеттік сатып алу туралы шарт жасасуды;
2005 жылға арналған республикалық бюджетте 004 "Тарихи-мәдени құндылықтарды сақтау" бюджеттік бағдарламасы бойынша көзделген қаражат шегінде жасалатын шартты қаржыландыруды;
қызметтердi мемлекеттiк сатып алу үшiн осы қаулыға сәйкес пайдаланылатын ақшаны оңтайлы және тиiмдi жұмсау қағидатын сақтауды, сондай-ақ "Мемлекеттік сатып алу туралы" Қазақстан Республикасы Заңының 21-бабының 3, 4-тармақтарын орындауды;
осы қаулыдан туындайтын өзге де шараларды қабылдауды қамтамасыз етсін.
3. Осы қаулы қол қойылған күнiнен бастап күшіне енеді.
Қазақстан Республикасының
Премьер-Министрi
