"Мемлекеттiк сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкiметi ҚАУЛЫ ЕТЕДI:
1. "MAN TURBO АG" компаниясы (Германия) сатып алудың маңызды стратегиялық мәнi бар Маңғыстау облысында орналасқан "Орталық Азия - Орталық" магистральды газ құбырының "Опорная" компрессорлық станциясында турбокомпрессор цехын салу жөнiндегi тауарларды, жұмыстар мен қызметтердi берушi болып белгiленсiн.
2. "ҚазТрансГаз" акционерлiк қоғамына осы қаулының 1-тармағында көрсетiлген заңды тұлғамен тауарларды, жұмыстар мен қызметтердi мемлекеттік сатып алу туралы шарт жасасу ұсынылсын.
3. Осы қаулы қол қойылған күнінен бастап қолданысқа енгiзiледi.
Қазақстан Peспубликасының
Премьер-Министрі
