"Банкроттық туралы" Қазақстан Республикасының 1997 жылғы 21 қаңтардағы Заңының 2-бабының 4-тармағына сәйкес, Маңғыстау облысының "AKTAL Ltd" жауапкершілiгi шектеулi серiктестігiн банкрот деп тануға байланысты Қазақстан Республикасының Үкiметi ҚАУЛЫ ЕТЕДI:
1. Мыналарды:
1) өндiрiстің бiртұтас өндiрiстік-технологиялық циклін қамтамасыз ететін мүлiктi бiрыңғай лотпен сатуды;
2) бiрыңғай лотты сатудың бiрiншi және екiншi кезектегi кредиторлар талаптарының сомаларынан төмен емес ең төменгi бағасын, сондай-ақ әкiмшiлiк шығыстарды белгiлеудi көздейтiн "AKTAL Ltd" жауапкершілігі шектеулi серiктестiгiнiң конкурстық массасын сатудың ерекше шарттары мен тәртiбi белгіленсiн.
2. Бiрыңғай лотты сатып алушыларға мынадай:
1) өндiрiстiк-технологиялық циклдің тұтастығын қамтамасыз ету жөнiндегi;
2) бiрыңғай лотты сатып алу-сату шартын жасасқан сәттен бастап алты ай iшiнде өндiрiсті қайта жаңарту жөнiндегi;
3) "AKTAL Ltd" жауапкершілігi шектеулi серiктестігiнiң қызметкерлерiмен еңбек шарттарының үздiксiздiгін қамтамасыз ету және осы шарттар бойынша мiндеттемелер қабылдау жөнiндегi;
4) радиоактивтi қалдықтарды кейіннен кәдеге жарата отырып, оларды қауiпсiз сақтауды қамтамасыз ету жөніндегi мiндеттемелердi қабылдауды көздейтiн қосымша талаптар белгіленсін.
3. Осы қаулы қол қойылған күнінен бастап қолданысқа енгiзiледi.
Қазақстан Республикасының
Премьер-Министрі
