Қазақстан Республикасының Үкіметі ҚАУЛЫ ЕТЕДІ:
1. "Заттай нысанда роялти төлеу туралы" Қазақстан Республикасы Үкіметінің 2003 жылғы 25 ақпандағы N 198 қаулысына мынадай өзгерістер мен толықтырулар енгізілсін:
1) мәтінде "ҚазМұнайГаз" сауда үйi" ЖШС" деген сөздер "ҚазМұнайГаз" сауда үйi" АҚ" деген сөздермен ауыстырылсын;
2) 1-тармақта:
1) тармақшаның екінші абзацындағы "жауапкершiлiгi шектеулi серiктестiгiнiң" деген сөздер "акционерлік қоғамының" деген сөздермен ауыстырылсын;
мынадай мазмұндағы 1-1) тармақшамен толықтырылсын:
"1-1) "ҚазМұнайГаз" сауда үйi" АҚ-пен Қазақстан Республикасының азаматтық заңнамасына сәйкес көмірсутегі шикізатының осы көлемін кейіннен тасымалдау және сату үшін жер қойнауын пайдаланушылардан Қазақстан Республикасының заңнамасына және жасалған жер қойнауын пайдалануға арналған келісім-шарттарға сәйкес роялтимен есеп айырысу кезінде жер қойнауын пайдаланушылар қолданатын бағалар бойынша заттай түрде роялти төлеу есебіне шикі мұнай түрінде көмірсутегі шикізатының көлемін алу жөнінде тапсырма шарты жазылсын;";
3) 2-тармақтың 1) тармақшасы "және осы тапсырмаға сәйкес құжаттарды ресімдесін;" деген сөздермен толықтырылсын;
4) 3-тармақ мынадай редакцияда жазылсын:
"3. Осы қаулының орындалуын бақылау Қазақстан Республикасы Премьер-Министрінің орынбасары А.С.Есімовке жүктелсін.";
5) 4-тармақтағы "2005" деген сандар "2008" деген сандармен ауыстырылсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі
