Қазақстан Республикасының Yкiметi мен Украина Министрлер Кабинетi арасындағы Еркiн сауда режимiнен алулардың күшiн кезең-кезеңiмен жою туралы хаттамаға қол қою туралы

Қазақстан Республикасы Үкіметінің 2006 жылғы 30 наурыздағы N 218 Қаулысы

Қазақстан Республикасының Үкiметi ҚАУЛЫ ЕТЕДI:
1. Қоса берiлiп отырған Қазақстан Республикасының Үкiметi мен Украина Министрлер Кабинетi арасындағы Еркiн сауда режимiнен алулардың күшiн кезең-кезеңiмен жою туралы хаттаманың жобасы мақұлдансын.
2. Қазақстан Республикасының Индустрия және сауда министрi Ғалым Iзбасарұлы Оразбақовқа Қазақстан Республикасы Үкiметiнiң атынан қағидаттық сипаты жоқ өзгерiстер мен толықтырулар енгiзуге рұқсат бере отырып, Қазақстан Республикасының Үкiметi мен Украина Министрлер Кабинетi арасындағы Еркiн сауда режимiнен алулардың күшiн кезең-кезеңiмен жою туралы хаттамаға қол қоюға өкiлеттiк берiлсiн.
Ескерту. 2-тармаққа өзгерту енгізілді - ҚР Үкіметінің 2007.01.29. N 66 қаулысымен.
3. Осы қаулы қол қойылған күнiнен бастап қолданысқа енгiзiледi.

Қазақстан Республикасының
Премьер-Министрi

Жоба

Қазақстан Республикасының Yкiметi мен Украина
Министрлер Кабинетi арасындағы еркiн сауда режимiнен алулардың
күшiн кезең-кезеңiмен жою туралы
ХАТТАМА

Бұдан әрi Тараптар деп аталатын Қазақстан Республикасының Үкiметi мен Украина Министрлер Кабинетi,
1994 жылғы 17 қыркүйектегi Қазақстан Республикасының Yкiметi мен Украина Үкiметi арасындағы Еркiн сауда туралы келiсiмнiң, 1997 жылғы 29 желтоқсанда қол қойылған 1994 жылғы 17 қыркүйектегі Қазақстан Республикасының Үкiметi мен Украина Yкiметi арасындағы Еркiн сауда туралы келiсiмге Еркiн сауда режимiнен алулар туралы хаттаманың, 1994 жылғы 15 сәуiрдегi Еркiн сауда аймағын құру туралы келiсiмнiң және 1999 жылғы 2 сәуiрде қол қойылған 1994 жылғы 15 сәуiрдегi Еркiн сауда аймағын құру туралы келiсiмге өзгерiстер мен толықтырулар енгiзу туралы хаттаманың ережелерiн негiзге ала отырып, төмендегілер туралы уағдаласты:

1-бап

Осы Хаттаманың ажырамас бөлiгi болып табылатын қосымшаға сәйкес Қазақстан Республикасының Үкiметi мен Украина арасындағы еркін сауда режимiнен алулардың күшiн кезең-кезеңiмен жою кестесi бекiтiлсiн.

2-бап

Осы Хаттамаға Тараптардың өзара жазбаша келiсiмi бойынша осы Хаттаманың ажырамас бөлiгi болып табылатын тиiстi хаттамалармен ресiмделетiн және осы Хаттаманың 3-бабына сәйкес күшіне енетiн өзгерiстер мен толықтырулар енгiзiлуi мүмкiн.

3-бап

Осы Хаттама Тараптар оның күшiне енуiне қажетті мемлекетішілiк рәсiмдердi орындағандығы туралы жазбаша хабарламаны соңғысы алған күннен бастап күшiне енедi.

2006 жылғы____ ______________ ______________________қаласында
әрқайсысы қазақ, украин және орыс тiлдерiнде екi данада жасалды, әрi барлық мәтiннiң күшi бiрдей. Осы Хаттаманың ережелерiн түсiндiру кезiнде Тараптардың келiспеушiлiктерi туындаған жағдайда орыс тiлiндегi мәтiннiң күшi басым болады.

Қазақстан Республикасының Украина Министрлер
Үкiметi үшiн Кабинетi үшiн

200_ жылғы___ _______________
Қазақстан Республикасының Yкiметi
мен Украина Министрлер Кабинетi
арасындағы Еркiн сауда режимiнен
алулардың күшiн кезең-кезеңiмен
жою туралы хаттамаға қосымша

Қазақстан Республикасының Yкiметi мен Украина
Министрлер Кабинетi арасындағы еркiн сауда режимінен
алулардың күшiн кезең-кезеңiмен жою кестесi

СЭҚ ТН коды	Атауы	Алулардың күшiн жою мерзiмдерi
Қазақстан Республикасына экспорттаған кезде Украинаның еркiн сауда режимiнен алынуға тиiс тауарларға қатысты
0102 90	Тiрi iрi қара мал	2008 жылғы 1 қаңтар
0104 10	Тiрi қойлар	2008 жылғы 1 қаңтар
4101	Ірі өзара малдың өңделмеген терісі	2007 жылғы 1 қаңтар
4102	Қойлардың өңделмеген терісі немесе қозылардың терісі	2007 жылғы 1 қаңтар
4103 30	Шошқаның өңделмеген терісі	2007 жылғы 1 қаңтар
Украинадан импорттаған кезде Қазақстан Республикасының еркiн сауда аймағы режимiнен алынуға тиiс тауарларға қатысты
2203	Ашытылған сыра	2007 жылғы 1 қаңтар
2204	Күшейтiлгендерiн қоса алғанда, табиғи жүзiм шараптары, 2009-тауар позициясында көрсетiлгеннен басқа жүзiм ашытқысы	2007 жылғы 1 қаңтар
2205	Өсiмдiктер немесе хош иiстi заттар қосылған вермуттар және өзге де табиғи жүзiм шараптары	2007 жылғы 1 қаңтар
2206	Ашытылған өзге де сусындар (мысалы, сидр, перри немесе алмұрт сидрi, балды сусын); басқа жерде аталмаған немесе енгiзiлмеген ашытылған сусындардан жасалған қоспалар және ашытылған сусындар мен алкогольсiз сусындардан жасалған қоспалар	2007 жылғы 1 қаңтар
2207	Спирттiң қоспасы 80 айн. % немесе одан астам ұйытылмаған этил спиртi; этил спиртi және ұйытылмаған, кез келген қоспадағы өзге де спирттер	2009 жылғы 1 шiлде
2208	Спирттiң қоспасы 80 айн. %-дан кем ұйытылмаған этил спиртi; спирттi тұнбалар, ликерлер және өзге де спиртті сусындар	2009 жылғы 1 шiлде
	мыналардан басқа:
2208 60	Арақ	2008 жылғы 1 қаңтар
24	Темекі және темекінің өнеркәсіптік алмастырғыштары	2007 жылғы 1 қаңтар