Қазақстан Республикасының Yкiметi ҚАУЛЫ ЕТЕДI:
1. Қоса берiліп отырған Бiртұтас экономикалық кеңiстiк құру туралы келiсiмге қатысушы мемлекеттердiң негiзгi макроэкономикалық көрсеткіштерінің тiзбесi туралы келiсiмнiң жобасы мақұлдансын.
2. Бiртұтас экономикалық кеңiстiк құру туралы келiсiмге қатысушы мемлекеттердiң негiзгi макроэкономикалық көрсеткiштерiнiң тiзбесi туралы келiсiм жасалсын.
3. Осы қаулы қол қойылған күнінен бастап қолданысқа енгiзiледi.
Қазақстан Республикасының
Премьер-Министрі
Жоба
Бiртұтас экономикалық кеңiстiк құру туралы келiсiмге
қатысушы мемлекеттердiң негiзгi макроэкономикалық
көрсеткiштерiнiң тiзбесi туралы
келiсiм
Бұдан әрi Тараптар деп аталатын 2003 жылғы 19 қыркүйектегi Бiртұтас экономикалық кеңiстiк (бұдан әрi - БЭК) құру туралы келiсiмге қатысушы мемлекеттердiң үкiметтерi,
экономикалық ықпалдастықты тереңдетуге, өзара сауда-экономикалық қатынастарды дамытуға ұмтыла отырып,
Тараптар мемлекеттерiнiң аумағында тауарлардың, қызметтердiң, капитал мен жұмыс күшiнiң еркiн қозғалуын қамтамасыз етуге жәрдемдесу мақсатында,
БЭК құру жөнiндегi үйлестiрiлген iс-шараларды жүзеге асыру қажеттiгiн растай отырып,
төмендегiлер туралы келiстi:
1-бап
Осы Келiсiм Тараптар мемлекеттерiнiң макроэкономикалық көрсеткiштерiнiң тiзбесiн және Тараптар мемлекеттерiнiң экономикаларын жақындастыру өлшемiн сипаттайтын жекелеген индикаторлардың сандық мәндерiн белгiлейдi.
2-бап
Макроэкономикалық көрсеткiштердің тiзбесi Тараптар мемлекеттерiнiң әлеуметтiк-экономикалық даму деңгейiн көрсететiн негiзгi көрсеткiштердi қамтиды.
Тараптар мемлекеттерiнiң экономикалық даму деңгейiн жақындастыру үшiн, сондай-ақ БЭК құру жөнiндегi үйлестiрiлген iс-шараларды жүзеге асыру мақсатында Тараптар макроэкономикалық көрсеткiштер тiзбесiн қолдануға мiндеттенедi.
3-бап
Макроэкономикалық көрсеткiштер тiзбесi мынадай топтар бойынша қалыптастырылады:
Тараптар мемлекеттерiнiң экономикалық даму деңгейiнiң көрсеткiштерi;
Тараптар мемлекеттерiнiң экономикалық даму серпiнiнiң көрсеткiштерi;
Тараптар мемлекеттерiнiң экономикалық ықпалдасу көрсеткiштерi.
4-бап
Егер осы Келiсiмге қол қойылған сәтте БЭК құру туралы келiсiмге қатысушы мемлекет осы Келiсiмде аталған қандай да бiр макроэкономикалық көрсеткiштердi пайдаланбайтын болса, Тарап мемлекетiнiң уәкiлеттi органдары мiндеттi түрде оның мәнiн есептейдi және басқа Тараптар мемлекеттерiнiң уәкiлеттi органдарына аталған көрсеткiштiң өлшемiне қатысты анықтамалық ақпарат бередi.
5-бап
Тараптар мемлекеттерi экономикалық даму деңгейiн мынадай көрсеткiштер негiзiнде бағалайды:
жан басына шаққандағы жалпы iшкi өнiм (ЖIӨ) (АҚШ доллары, орташа жылдық бағам бойынша);
ЖIӨ-дегi негiзгi капиталды жалпы жинақтау үлесi (%);
жұмыспен қамту қызметi органдарында тiркелген жұмыссыздар саны бойынша есептелген немесе Халықаралық еңбек ұйымының әдiснамасы бойынша есептелген (экономикалық белсендi халықтың %-ы) жұмыссыздық деңгейi;
банк секторының жиынтық активтерiнiң ЖIӨ-ге қатысы (%);
мемлекеттiк бюджет профицитi (тапшылығы "-") (ЖIӨ-ге %-бен);
мемлекеттік борыш, оның iшiнде iшкi және сыртқы борыш (АҚШ долларымен және ЖIӨ-ге %-бен).
6-бап
Тараптар мемлекеттерiнiң экономикалық даму серпiнi мынадай көрсеткiштер негiзiнде бағаланады:
ЖIӨ-нiң нақты көлемiнiң индексi (өткен жылға және базалық жылға %-бен);
негiзгi капиталға инвестициялардың өсу қарқыны (өткен жылға %-бен, салыстырмалы бағалармен);
халық иелiгiндегi нақты кiрiстер индексi (жылына %);
тұтыну бағаларының индексi (%, орташа жылдық және желтоқсан өткен жылғы желтоқсанға);
өндiрушiлер бағаларының индексi (%, орташа жылдық және желтоқсан өткен жылғы желтоқсанға);
ұлттық валютаның шетелдiк валюталарға нақты тиiмдi айырбас бағамының индексi (жылына %);
ағымдағы операциялар шотының сальдосы (АҚШ долларымен).
7-бап
Тараптар мемлекеттерiнiң экономикалық ықпалдасу деңгейi мынадай көрсеткiштер негiзiнде бағаланады:
Тараптар мемлекеттерiнiң әрқайсысының елдің жалпы экспортындағы үлесi (%-бен);
Тараптар мемлекеттерiнiң әрқайсысының елдің жалпы импортындағы үлесi (%-бен);
елдiң Тараптар мемлекеттерiнiң әрқайсысымен сауда балансы теңгерімі (АҚШ долларымен);
Тараптар мемлекеттерiнiң әрқайсысының экономикасына бағытталған ұлттық инвестициялардың, оның iшiнде тiкелей инвестициялардың көлемi (АҚШ долларымен);
Тараптар мемлекеттерiнiң әрқайсысынан ұлттық экономикаға түскен инвестициялардың, оның iшiнде тiкелей инвестициялардың көлемi (АҚШ долларымен).
8-бап
Тараптар мемлекеттерiнiң экономикалық көрсеткiштерiн жақындастыру бiрнеше кезеңде жүзеге асырылады. Бiрiншi кезеңде Тараптар экономикалық өсу серпiнiн, бағалар тұрақтылығын, мемлекеттiк қаржы мен қаржы рыноктарының орнықтылығын сипаттайтын Тараптар мемлекеттерiнiң экономикалық дамуын жақындастыру өлшемiн айқындайды.
Тараптар жақындастыру өлшемiн сипаттайтын макроэкономикалық көрсеткiштердiң мынадай сандық мәндерiн белгiлейдi:
нақты ЖIӨ-нiң өсуi жылына кемiнде 5%;
мемлекеттік бюджеттiң жылдық тапшылығы ЖIӨ-нiң 3%-ынан аспайды;
мемлекеттiк сыртқы және iшкi борыш ЖIӨ-нiң 60%-ынан аспайды;
инфляция деңгейi (тұтыну бағаларының индексi) екi Тарап мемлекетi үшiн бағалардың ең аз өсуiмен орташа көрсеткiштiң 5 пайыздық пунктiнен аспайды;
экономикаға ұзақ мерзiмдi кредиттер бойынша орташа өлшенген ставка екi Тарап мемлекетi үшiн бағалардың ең аз өсуiмен орташа жылдық көрсеткiштiң 3 пайыздық пунктiнен аспайды.
Тараптар үшiн бұл көрсеткiштердiң мәндерiн сақтаудың ұсынымдық сипаты бар.
Экономикалар серпiндiлiгiнiң еларалық салыстырмалығын қамтамасыз ету үшiн Тараптар макроэкономикалық көрсеткiштердi жақындастыру өлшемi ретiнде белгiленген қалыптастыру әдiстемесiн келiседi.
9-бап
Кейiнгi кезеңдерде жақындастыру өлшемiн сипаттайтын макроэкономикалық көрсеткiштердiң келiсiлген мәндерi тиiстi халықаралық акт қабылданған жағдайда Тараптар мемлекеттерiнiң орындауы үшiн мiндеттi болуы мүмкiн.
10-бап
Келiсiлген макроэкономикалық көрсеткiштер, сондай-ақ олардың жақындастыру өлшемiн сипаттайтын мәндерi сыртқы және iшкi факторлардың әсерiн есепке ала отырып, Тараптардың ұсынысы бойынша түзетiлуi мүмкiн.
11-бап
Тараптар мемлекеттерiнiң макроэкономикалық көрсеткiштердi жақындастырудың осы Келiсiмнiң 8-бабында белгiленген өлшемiне қол жеткiзу жөнiндегi қызметiн келiсу үшiн Тараптар iс-шаралар жоспарын әзiрлеуге уағдаласты.
Жақындастыру өлшемiнiң белгiленген мәндерiне қол жеткiзудi бақылау тәртiбi БЭК құру туралы келiсiмге қатысушы мемлекеттердiң макроэкономикалық көрсеткiштерiн жақындастыру жөнiндегi шаралардың iске асырылуын бақылау туралы келiсiмде айқындалған.
12-бап
Осы Келiсiмде Тараптардың мемлекеттерi қатысушы болып табылатын үшiншi елдермен жасалған басқа халықаралық шарттардың ережелерi қозғалмайды.
13-бап
2003 жылғы 19 қыркүйектегi Бiртұтас экономикалық кеңiстiк құру туралы келiсiмнiң мақсаттары мен қағидаттарын бөлiсетiн кез келген мемлекет осы Келiсiмге қатысушы бола алады. Осы Келiсiмге қосылу шарттары Тараптар мен қосылатын мемлекет арасында жасалатын келiсiмде айқындалады.
14-бап
Тараптардың өзара келiсiмi бойынша осы Келiсiмге оның ажырамас бөлiгi болып табылатын жекелеген хаттамалармен ресiмделетiн өзгерiстер енгiзiлуi мүмкiн.
15-бап
Осы Келiсiмнiң ережелерiн түсiндiруге және/немесе қолдануға қатысты Тараптар арасындағы даулар мен келiспеушiлiктер Тараптар арасында консультациялар мен келiссөздер жүргiзу жолымен шешiледi.
Келiсiмге қол жеткiзiлмеген жағдайда кез келген Тарап дауды БЭК шеңберiндегi дауларды шешу жөнiндегi органға шешуге жiбере алады.
16-бап
Осы Келiсiм қажеттi мемлекетiшiлiк рәсiмдер жүргiзiлгеннен кейiн, 2005 жылғы "__"______ ________ қаласында қол қойылған Бiртұтас экономикалық кеңiстiк құру туралы халықаралық шарттардың күшiне ену тәртiбi туралы хаттамада көзделген тәртiппен күшiне енедi.
Осы Келiсiм белгiленбеген мерзiмге жасалады. Кез келген Тарап депозитарийге жазбаша түрде тиiстi хабарлама жiбере отырып, өзiнiң осы Келiсiмге қатысуын тоқтата алады. Мұндай Тарап үшiн осы Келiсiмнiң қолданылуы депозитарий жазбаша хабарлама алған күннен бастап 12 ай өткен соң тоқтатылады.
Тараптардың бiрi осы Келiсiмнен шыққан жағдайда, егер Тараптар өзгеше туралы уағдаласпаса, оның қолданылуы аталған Тарап осы Келiсiмнің қолданылу кезеңiнде осы Тарап үшiн туындаған қаржылық және өзге де мiндеттемелердi толық реттегенге дейiн жалғасады.
200__жылғы "___"__________ _________ қаласында орыс тiлiнде бiр түпнұсқа данада жасалды. Түпнұсқа данасы депозитарийде сақталады. 2003 жылғы 19 қыркүйектегi Бiртұтас экономикалық кеңiстiк құру туралы келiсiмнiң 4-бабына сәйкес Бiртұтас экономикалық кеңiстiктiң Комиссиясы құрылған және оған өкiлеттiк берiлген сәтке дейiн Қазақстан Республикасы Бiртұтас экономикалық кеңiстiк құру жөнiндегi халықаралық-құқықтық құжаттардың депозитарийi болып табылады.
Депозитарий Тараптардың әрқайсысына оның куәландырылған көшiрмесiн жiбередi.
Беларусь Республикасының Қазақстан Республикасының
Yкіметi үшiн Yкiметi үшiн
Ресей Федерациясының Украина
Үкіметi үшiн Yкiметi үшiн
