Қазақстан Республикасының Үкiметi ҚАУЛЫ ЕТЕДI :
1. Қазақстан Республикасы Ауыл шаруашылығы министрлiгi Су ресурстары комитетiнiң "Батыссушар" шаруашылық жүргiзу құқығындағы Батыс Қазақстан су шаруашылығы жөнiндегi республикалық мемлекеттiк кәсiпорны оған "Орда су құбырлары басқармасы" мемлекеттiк кәсiпорнын қосу жолымен қайта ұйымдастырылсын.
2. Қазақстан Республикасы Ауыл шаруашылығы министрлiгi Су ресурстары комитетiнiң "Батыссушар" шаруашылық жүргiзу құқығындағы Батыс Қазақстан су шаруашылығы жөнiндегi республикалық мемлекеттiк кәсiпорнына заңнамада белгiленген тәртiппен "Бөкейорда су құбыры" еншiлес мемлекеттiк кәсiпорнын құруға рұқсат берiлсiн.
3. Қазақстан Республикасы Ауыл шаруашылығы министрлiгi заңнамада белгiленген тәртiппен осы қаулыдан туындайтын қажеттi шараларды қабылдасын.
4. Осы қаулы қол қойылған күнiнен бастап қолданысқа енгiзiледi.
Қазақстан Республикасының
Премьер-Министрі
