"2006 жылға арналған республикалық бюджет туралы" Қазақстан Республикасының 2005 жылғы 22 қарашадағы Заңына , "Қазақстан Республикасы Yкiметiнің және жергiлiктi атқарушы органдардың резервтерiн пайдалану ережесiн бекiту туралы" Қазақстан Республикасы Үкiметiнiң 2004 жылғы 27 желтоқсандағы N 1405 қаулысына сәйкес Қазақстан Республикасының Үкiметi ҚАУЛЫ ЕТЕДI:
1. Қазақстан Республикасы Төтенше жағдайлар министрлiгiне Алматы облысындағы Үлкен Алматы өзенiнiң бассейнiнде iрi ауқымды сел тасқыны өтуiнiң зардабын жою жөнiндегi авариялық қалпына келтіру жұмыстарын жүргiзу үшiн 2006 жылға арналған республикалық бюджетте Қазақстан Республикасының және басқа мемлекеттердiң аумағындағы табиғи және техногендiк сипаттағы төтенше жағдайларды жоюға арналған Қазақстан Республикасы Үкiметiнiң төтенше резервiнен 95000000 (тоқсан бес миллион) теңге бөлiнсiн.
