Қазақстан Республикасы Yкiметiнiң 2003 жылғы 8 мамырдағы N 436 қаулысына толықтырулар енгiзу туралы

Күшін жойған

Қазақстан Республикасы Үкіметінің 2007 жылғы 6 қаңтардағы N 5 Қаулысы. Күші жойылды - Қазақстан Республикасы Үкіметінің 2016 жылғы 14 қаңтардағы № 13 қаулысымен

Ескерту. Күші жойылды - ҚР Үкіметінің 14.01.2016 № 13 (алғашқы ресми жарияланған күнінен бастап қолданысқа енгізіледі) қаулысымен.

Қазақстан Республикасының Үкiметi ҚАУЛЫ ЕТЕДI :
1. "Инвестициялар туралы" Қазақстан Республикасының Заңын iске асырудың кейбiр мәселелерi туралы" Қазақстан Республикасы Yкiметiнiң 2003 жылғы 8 мамырдағы N 436 қаулысына (Қазақстан Республикасының ПҮКЖ-ы, 2003 ж., N 19, 192-құжат) мынадай толықтырулар енгiзiлсiн:
1) көрсетiлген қаулымен бекiтiлген инвестициялық преференциялар берiлетiн экономикалық қызмет түрлерiнiң жалпы сыныптауыш сыныптары деңгейiндегi қызметтiң басым түрлерiнiң тiзбесiнде:
23-бөлiм мынадай мазмұндағы жолдармен толықтырылсын:
"

		23.3	Ядролық материалдар өндiрiсi
		23.30	Ядролық материалдар өндiрiсi

";
2) көрсетiлген қаулымен бекiтiлген инвестициялық преференцияларды уәкiлеттi орган беретiн инвестициялардың ең жоғары көлемi және инвестициялық салық преференцияларының қолданылу мерзiмiнде:
"Кокс, мұнай өнiмдерi мен ядролық материалдар өндiру" деген бөлiм мынадай мазмұндағы үшiншi жолмен толықтырылсын:
"

Ядролық материалдар өндiрiсi

".

2. Осы қаулы алғаш рет ресми жарияланғаннан кейiн он күнтiзбелiк күн өткен соң қолданысқа eнгізіледi.

Қазақстан Республикасы
Премьер-Министрінің
мiндетiн атқарушы