"Мемлекеттік сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. "Қазына" орнықты даму қоры" акционерлік қоғамы (бұдан әрі - қор) акциялар пакетінің (қатысу үлестерінің) жүз пайызы қорға тиісті заңды тұлғаларға (бұдан әрі - еншілес ұйымдар) сатып алудың маңызды стратегиялық мәні бар Астана қаласы, Алматы ауданы, Есіл өзенінің сол жақ жағалауы, N 35 көше, N 6 үй, 10-бөлік (бұдан әрі - ғимарат) мекен-жайында орналасқан ғимаратта офистік үй-жайларды жалға беру жөнінде қызметтер көрсетуші болып белгіленсін.
2. Еншілес ұйымдар (келісім бойынша) заңнамада белгіленген тәртіппен:
1) қормен ғимараттағы офистік үй-жайларды жалға алу жөніндегі 2007 жылға арналған қызметтерді мемлекеттік сатып алу туралы шарт жасасуды;
2) қызметтерді мемлекеттік сатып алу үшін осы қаулыға сәйкес пайдаланылатын ақшаны оңтайлы және тиімді жұмсау қағидатын сақтауды;
3) осы қаулыдан туындайтын өзге де қажетті шараларды қабылдауды қамтамасыз етсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі
