Ескерту. Күші жойылды – ҚР Үкіметінің 06.10.2016 № 568 қаулысымен.
Қазақстан Республикасының Үкіметі ҚАУЛЫ ЕТЕДІ:
1. "Нормативтік құқықтық кесімдерді мемлекеттік тіркеу ережесін бекіту туралы" Қазақстан Республикасы Үкіметінің 2006 жылғы 7 тамыздағы N 778 қаулысына (Қазақстан Республикасының ПҮАЖ-ы, 2006 ж., N 30, 330-құжат) мынадай өзгерістер мен толықтырулар енгізілсін:
көрсетілген қаулымен бекітілген Нормативтік құқықтық кесімдерді мемлекеттік тіркеу ережесінде:
2-тармақта "орталық мемлекеттік органдар ведомстволарының," деген сөздер алынып тасталсын;
3-тармақ мынадай редакцияда жазылсын:
"3. Нормативтік құқықтық кесімнің Ереженің 2-тармағында белгіленген өлшемдерге сәйкестігін Әділет министрлігі мен оның аумақтық органдары айқындайды.";
8-тармақ мынадай мазмұндағы екінші абзацпен толықтырылсын:
"Нормативтік құқықтық кесім бірнеше мүдделі мемлекеттік органмен келісілген (қол қойылған) жағдайда, нормативтік құқықтық кесім мүдделі мемлекеттік органдардың соңғысы келіскен (қол қойған) күннен бастап екі апта ішінде мемлекеттік тіркеуге ұсынылады.";
9-тармақ мынадай мазмұндағы он бірінші абзацпен толықтырылсын:
"Нормативтік құқықтық кесімді қабылдаған орган сараптамалық қорытындымен келіспеген жағдайда ілеспе хатта сараптамалық қорытындымен келіспеу себептеріне дәлелді негіздеме келтіруге тиіс.";
15-тармақтың бірінші абзацы "осы Ережеде" деген сөздерден кейін ", сондай-ақ Нормативтік құқықтық кесімдердің жобаларын ресімдеу және келісу ережесінде" деген сөздермен толықтырылсын;
16-тармақта "3)" деген сан "4)" деген санмен ауыстырылсын.
2. Осы қаулы қол қойылған күнінен бастап қолданысқа енгізіледі.
Қазақстан Республикасының | |
Премьер-Министрі |
