"Мемлекеттік сатып алу туралы" Қазақстан Республикасының 2002 жылғы 16 мамырдағы Заңының 21-бабы 1-тармағының 5) тармақшасына сәйкес Қазақстан Республикасының Үкіметі ҚАУЛЫ ЕТЕДІ :
1. Қытай Халықаралық Су шаруашылығы және энергетика корпорациясы сатып алудың маңызды стратегиялық мәні бар Шарын өзеніндегі Мойнақ су электр станциясының негізгі объектілерін жобалау және толық аяқтау жөніндегі жұмыстарды беруші болып белгіленсін.
2. "Самұрық" мемлекеттік активтерді басқару жөніндегі қазақстандық холдингі" акционерлік қоғамына заңнамада белгіленген тәртіппен:
1) "Мойнақ СЭС-і" акционерлік қоғамымен осы қаулының 1-тармағында көрсетілген заңды тұлғамен қызмет көрсетулерді мемлекеттік сатып алу туралы шарт жасасуды;
2) осы қаулыға сәйкес пайдаланылатын қаражатты оңтайлы және тиімді жұмсау қағидатын сақтауды, сондай-ақ»"Мемлекеттік сатып алу туралы" Қазақстан Республикасы Заңының 21-бабының 3 және 4-тармақтарын орындауды;
3) осы қаулыдан туындайтын өзге де шараларды қабылдауды қамтамасыз ету ұсынылсын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі
