Қазақстан Республикасының 2001 жылғы 30 қаңтардағы Әкімшілік құқық бұзушылық туралы кодексіне сәйкес келтіру мақсатында Қазақстан Республикасының Үкіметі ҚАУЛЫ ЕТЕДІ:
1. «Кәмелетке толмағандардың істері және олардың құқықтарын қорғау жөніндегі комиссия туралы үлгі ережені бекіту туралы» Қазақстан Республикасы Үкіметінің 2001 жылғы 11 маусымдағы № 789 қаулысына (Қазақстан Республикасының ПҮАЖ-ы, 2001 ж., № 12, 267-құжат) мынадай өзгерістер мен толықтыру енгізілсін:
көрсетілген қаулымен бекітілген Кәмелетке толмағандардың істері және олардың құқықтарын қорғау жөніндегі комиссия туралы үлгі ережеде:
8-тармақта:
9) тармақшадағы «мүдделі органдардың қызметін үйлестіреді» деген сөздер «мүдделі органдарға жәрдем көрсетеді» деген сөздермен ауыстырылсын;
10) тармақша алынып тасталсын;
9-тармақта:
9) және 10) тармақшалар алынып тасталсын;
11-тармақтың екінші абзацындағы «қарау кезінде» деген сөздер «сот қараған кезде» деген сөздермен ауыстырылсын;
13-тармақ алынып тасталсын;
16-тармақта:
төртінші абзацтағы «, он төрт жасқа шыққан кәмелетке толмағандар» деген сөздер алынып тасталсын;
бесінші абзац алынып тасталсын;
алтыншы абзацтағы «және әкімшілік құқық бұзушылық» деген сөздер алынып тасталсын;
18-тармақтың үшінші, он тоғызыншы, жиырма бірінші, жиырма екінші, жиырма үшінші, жиырма төртінші, жиырма бесінші абзацтары алынып тасталсын.
2. Осы қаулы ресми жарияланған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
