Теңiзде жүзу кiтапшасының, дипломдарды растаудың үлгiсiн, оларды ресiмдеу, беру, мерзiмiн ұзарту, сондай-ақ алып қою қағидасын бекіту туралы

Күшін жойған

Қазақстан Республикасы Үкіметінің 2011 жылғы 14 шілдедегі № 797 Қаулысы. Күші жойылды – Қазақстан Республикасы Үкіметінің 2016 жылғы 29 желтоқсандағы № 901 қаулысымен.

Ескерту. Күші жойылды – ҚР Үкіметінің 29.12.2016 № 901 (алғашқы ресми жарияланған күнінен бастап қолданысқа енгізіледi) қаулысымен.
РҚАО-ның ескертпесі!
ҚР мемлекеттік басқару деңгейлері арасындағы өкілеттіктердің аражігін ажырату мәселелері бойынша 2014 жылғы 29 қыркүйектегі № 239-V ҚРЗ Заңына сәйкес ҚР Инвестициялар және даму министрінің м.а. 2015 жылғы 24 ақпандағы № 156 бұйрығы.
Ескерту. Тақырып жаңа редакцияда - ҚР Үкіметінің 27.08.2013 № 863 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).
"Сауда мақсатында теңізде жүзу туралы" Қазақстан Республикасының 2002 жылғы 17 қаңтардағы Заңының 4-бабы 2-тармағының 13) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) алынып тасталды - ҚР Үкіметінің 27.08.2013 № 863 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі);
2) күші жойылды - ҚР Үкіметінің 10.08.2015 № 623 қаулысымен (алғашқы ресми жарияланған күнінен бастап қолданысқа енгізіледі);
3) дипломды растау үлгісі;
4) алынып тасталды - ҚР Үкіметінің 27.08.2013 № 863 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі);
5) күші жойылды - ҚР Үкіметінің 10.08.2015 № 623 қаулысымен (алғашқы ресми жарияланған күнінен бастап қолданысқа енгізіледі);
6) Дипломдарды растауды ресімдеу, беру, мерзімін ұзарту, сондай-ақ алып қою қағидасы бекітілсін.
Ескерту. 1-тармаққа өзгерістер енгізілді - ҚР Үкіметінің 27.08.2013 № 863 (алғашқы ресми жарияланған күнінен бастап күнтізбелік он күн өткен соң қолданысқа енгізіледі); 10.08.2015 № 623 (алғашқы ресми жарияланған күнінен бастап қолданысқа енгізіледі) қаулыларымен.
2. Қазақстан Республикасы Үкіметінің мынадай шешімдерінің күші жойылды деп танылсын:
1) "Қазақстан Республикасының теңізшісі паспортының үлгісін (сипаттамасы) бекіту туралы" Қазақстан Республикасы Үкіметінің 2002 жылғы 22 тамыздағы № 941 қаулысы (Қазақстан Республикасының ПҮАЖ-ы, 2002 ж., № 28, 317-құжат);
2) "Қазақстан Республикасы теңізшісінің паспортын ресімдеу, беру, оның мерзімін ұзарту, сондай-ақ алып қою ережесін бекіту туралы" Қазақстан Республикасы Үкіметінің 2005 жылғы 18 қарашадағы № 1134 қаулысы (Қазақстан Республикасының ПҮАЖ-ы, 2005 ж., № 42, 572-құжат).
3. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасының
Премьер-Министрі	К. Мәсімов

Қазақстан Республикасы Үкіметінің 2011 жылғы 14 шілдедегі № 797 қаулысымен бекітілген

Қазақстан Республикасының теңізшісі жеке куәлігінің үлгісі

Ескерту. Үлгі алынып тасталды - ҚР Үкіметінің 27.08.2013 № 863 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

Қазақстан Республикасы Үкіметінің 2011 жылғы 14 шілдедегі № 797 қаулысымен бекітілген

Теңізде жүзу кітапшасының үлгісі

Ескерту. Үлгінің күші жойылды - ҚР Үкіметінің 10.08.2015 № 623қаулысымен (алғашқы ресми жарияланған күнінен бастап қолданысқа енгізіледі).

Қазақстан Республикасы Үкіметінің 2011 жылғы 14 шілдедегі № 797 қаулысымен бекітілген

Дипломды растау үлгісі

Қазақстан Республикасының
Елтаңбасы
ҚАЗАҚСТАН РЕСПУБЛИКАСЫ
THE REPUBLIC OF KAZAKHSTAN

1995 ЖЫЛҒЫ ТҮЗЕТУЛЕРІМЕН 1978 ЖЫЛҒЫ ТЕҢІЗШІЛЕР ДАЯРЛАУ ЖӘНЕ ДИПЛОМДАУ ЖӘНЕ ВАХТАНЫ АТҚАРУ ТУРАЛЫ ХАЛЫҚАРАЛЫҚ КОНВЕНЦИЯНЫҢ ЕРЕЖЕЛЕРІ НЕГІЗІНДЕ ДИПЛОМДЫ ТАНУДЫ КУӘЛАНДЫРАТЫН РАСТАУ

ENDORSEMENTS ATTESTING THE ISSUE OF A CERTIFICATE UNDER THE PROVISIONS OF THE INTERNATIONAL CONVENTION ON STANDARDS OF TRAINING, CERTIFICATION AND WATCHKEEPING FOR SEAFARERS, 1978, AS AMENDED IN 1995

_________________ портының теңіз әкімшілігі (иесінің тегі) _______________________ уәкілетті органы (мемлекет) берген немесе оның атынан берілген № ___ дипломды жоғарыда көрсетілген түзетулерімен Конвенцияның I/10 ережесінің талаптарына сәйкес куәландырады және заңды иесіне төмендегі функцияларды көрсетілген деңгейде __________ дейінгі немесе екінші жағында көрсетілуі мүмкін осы растаудың қолданылу мерзімінің ұзартылуы өткен күнге дейін кез келген көрсетілген шектеулер ескеріле отырып орындауға рұқсат етіледі.
he administration of port ______________ certifies that Certificate № ________. issued to __________________________ by or on behalf of the Government of _____________________ is duly recognized in accordance with the provisions of regulation I/10 of the above Convention, as amended, and the lawful holder is authorized to perform the following functions, at the levels specified, subject to any limitations indicated until ____________________ or until the date of expiry of any extension of the validity of this endorsement as may be shown overleaf:

ФУНКЦИЯЛАР FUNCTION	ДЕҢГЕЙ LEVEL	ШЕКТЕУЛЕР (егер бар болса) LIMITATIONS APPLYING (if any)

Осы растаудың заңды иесі мынадай лауазымда немесе кемелердің экипаждарын қауіпсіз жинақтауға қатысты Қазақстан Республикасының қолданылатын талаптарында көрсетілген лауазымдарда қызмет ете алады:
The lawful holder of this endorsement may serve in the following capacity or capacities specified in the applicable safe manning requirements of the Republic of Kazakhstan.

ЛАУАЗЫМ / CAPACITY	ШЕКТЕУЛЕР (егер бар болса) LIMITATIONS APPLYING (if any)

№ растау / Endorsement № _________
берілген (күні) / issued on _____________
Тиісті түрде уәкілеттік берілген
лауазымды адамның қолы /
______________ Signature of duly authorized official
(М.О.) Тиісті түрде уәкілеттік берілген
(Official Seal) лауазымды адамның тегі /
______________ Name of duly authorized official
Осы растаудың түпнұсқасы Конвенцияның I/2 ережесінің 9-тармағына сәйкес кемеде болуы тиіс.
The original of this endorsement must be kept available in accordance with Regulation I/2 paragraph 9 of the Convention while serving on a ship.
Диплом иесінің туған күні / Date of birth of the holder of certificate________________
Подпись владельца диплома / Signature of the certificate_______________
___________
Диплом иесінің фотосуреті/ | Өлшемі |
Photograph of the holder of the certificat | 3 х 4 см |
____________
Осы растаудың қолданылу мерзімі ___ ұзартылған / The validity of this endorsement is hereby extended until ____________
____________________________
Тиісті түрде уәкілеттік берілген лауазымды адамның
қолы / Signature of duly authorized official
(М.О.)
(Official Seal)
____________________________
Тиісті түрде уәкілеттік берілген лауазымды адамның тегі/
Name of duly authorized official
Ұзарту мерзімі / Еxtension date _____________________
Осы растаудың қолданылу мерзімі ___ ұзартылған / The validity of this endorsement is hereby extended until ____________
_____________________________
Тиісті түрде уәкілеттік берілген лауазымды адамның қолы/
Signature of duly authorized official
(М.О.)
(Official Seal) ____________________________
Тиісті түрде уәкілеттік берілген лауазымды адамның тегі/
Name of duly authorized official
Ұзарту мерзімі / Еxtension date _____________________

Қазақстан Республикасы Үкіметінің 2011 жылғы 14 шілдедегі № 797 қаулысымен бекітілген

Қазақстан Республикасы теңізшісінің жеке куәлігін ресімдеу, беру, мерзімін ұзарту, сондай-ақ алып қою қағидасы

Ескерту. Үлгі алынып тасталды - ҚР Үкіметінің 27.08.2013 № 863 қаулысымен (алғашқы ресми жарияланған күнінен бастап күнтізбелік он күн өткен соң қолданысқа енгізіледі).

Қазақстан Республикасы Үкіметінің 2011 жылғы 14 шілдедегі № 797 қаулысымен бекітілген

Теңізде жүзу кітапшасын ресімдеу және беру қағидасы

Ескерту. Қағиданың күші жойылды - ҚР Үкіметінің 10.08.2015 № 623 қаулысымен (алғашқы ресми жарияланған күнінен бастап қолданысқа енгізіледі).

Қазақстан Республикасы Үкіметінің 2011 жылғы 14 шілдедегі № 797 қаулысымен бекітілген

Дипломдарды растауды ресімдеу, беру,
мерзімін ұзарту, сондай-ақ алып қою
қағидасы

1. Осы Дипломдарды растауды ресімдеу, беру, мерзімін ұзарту, сондай-ақ алып қою қағидасы (бұдан әрі – Қағида) "Сауда мақсатында теңізде жүзу туралы" Қазақстан Республикасының 2002 жылғы 17 қаңтардағы Заңының 4-бабының 2-тармағының 13) тармақшасына сәйкес әзірленді және дипломдарды растауды ресімдеу, беру, мерзімін ұзарту, сондай-ақ алып қою тәртібін айқындайды.
2. Дипломдарды растау:
1) Қазақстан Республикасының азаматтарына;
2) шетел азаматтарына және азаматтығы жоқ адамдарға беріледі.
3. 1978 жылғы Теңізшілерді даярлау мен дипломдау және вахта жұмысын атқару конвенциясына және осы Конвенцияның түзетулеріне (бұдан әрі – ТДДВА) конвенциясына қатысушы басқа мемлекеттер берген дипломдар ТДДВА конвенциясында көзделген жағдайларда және шет мемлекеті берген дипломын тану туралы растауды бере отырып, дипломдарды өзара тану туралы халықаралық келісімдер болған кезде танылады.
4. Шет мемлекеті берген дипломдарды растауды осы Қағиданың 2-тармағында көрсетілген адамдар мынадай құжаттарды ұсына отырып, өтініш жасаған кезде уәкілетті органның аумақтық бөлімшесі – Порттың теңіз әкімшілігі ресімдейді және береді:
осы Қағидаға 1-қосымшаға сәйкес нысан бойынша дипломды растау немесе мерзімін ұзарту туралы өтініш қолмен, анық жазумен немесе жазу құрылғысымен толтырылады, түзетулерге рұқсат етілмейді;
фотосурет 30х40 миллиметр – 2 дана;
теңізшінің жеке куәлігінің немесе теңізшінің паспортының көшірмелері (болған жағдайда);
өтініш берушінің тұлғасын куәландыратын құжаттың көшірмесі;
тұрған жері немесе уақытша тұрған жері бойынша тіркелуі туралы анықтама;
тұруға ықтиярхат көшірмесі және тұрған жері немесе уақытша тұрған жері бойынша тіркелуі туралы анықтама (шетел азаматтары және азаматтығы жоқ адамдар үшін);
қолданылу мерзімі кемінде алты айдан кейін аяқталатын диплом көшірмесі;
көруге және естуге қатысты жарамдылықты қоса алғанда, мерзімділігі екі жылдан аспайтын денсаулық жағдайы бойынша кемелердегі жұмысқа жарамдығын растайтын құжат көшірмесі. Шетелдік денсаулық жағдайы туралы куәлік және анықтама қабылданбайды;
Қазақстан Республикасының салық заңнамасына сәйкес мемлекеттік баж төлемін растайтын құжаттың көшірмесі.
Дипломды растаудың қолданылу мерзімі ұзартылған жағдайда бұрын берілген растаудың түпнұсқасы ұсынылады.
Теңіз білім беру мекемелерінің түлектері оқу кезінде тренажерлық дайындықтың өткені туралы өтініш-анықтама ұсынады.
Жоғарыда аталған құжаттардың барлық көшірмелері түпнұсқаларымен бірге салыстыру үшін ұсынылады. Құжаттардың түпнұсқалары салыстырғаннан кейін өтініш берушіге қайтарылады.
5. Жоғарыда аталған құжаттарды ұсынғаннан кейін үміткер біліктілік сынақтарынан өтуге жіберіледі.
6. Біліктілік сынақтарын өткізу үшін ПТӘ Теңіз біліктілік комиссиясын (бұдан әрі – ТБК) құрады. ТБК жұмысына ПТӘ, білім беру мекемелерінің, ғылыми, қоғамдық ұйымдардың және кеме иелерінің қызметкерлері тартылады.
Біліктілік сынақтары сауда мақсатында теңізде жүзу саласындағы уәкілетті орган бекітетін бағдарлама бойынша практикалық емтиханнан өту әдісімен жүргізіледі. Біліктілік сынақтарының қорытындылары бойынша кандидатқа біліктілік сынақтарынан өткені туралы хаттама беріледі.
Біліктілік сынақтарынан өтудің нәтижесі теріс болған жағдайда үміткер күнтізбелік үш ай өткеннен кейін дипломға растауды беруге қайта жүгінуі және біліктілік сынақтардан өтуі мүмкін.
Дипломдарды растауды беру немесе беруден бас тарту туралы шешімді ПТӘ біліктілік сынақтардан өту жөніндегі хаттама негізінде қабылдайды.
7. Дипломды растау мемлекеттік (немесе орыс) және ағылшын тілдерінде толтырылады.
8. Біліктілік сынақтарынан өтудің оң нәтижесінде дипломдарды растау немесе олардың мерзімін ұзартуды растау үміткердің өтініші қабылданған күннен бастап күнтізбелік отыз күннен аспайтын мерзімде және дипломның қолданылу мерзімінен аспайтын мерзімге беріледі.
9. Дипломдарды растау кеме капитаны кеме экипажы мүшесіне төмендегідей ақпарат ұсынған кезде:
экипаж мүшелері дипломға сәйкес өз міндеттерін орындау кезінде олардың құзыретсіздігі, әрекет еткені немесе әрекет етпегені, тәртіптік бұзушылықтар туралы;
теңізде адамдар өміріне, мүліктің сақталуына тікелей қауіп төнген немесе теңіз ортасына залал келтірілген жағдайда ПТӘ алып қояды.
10. Дипломдарға растау расталған дипломның қолданылу мерзімі өткен соң, сондай-ақ осы Қағиданың 9-тармағында көрсетілген жағдайларда күшін жоғалтады.
11. Жоғалғандарының орнына және бүлінген (зақымданған) кезде оларды одан әрі пайдалану үшін жарамсыз ететін жағдайда дипломдардың жаңа растауын беруді ПТӘ дипломдардың бастапқы растауы үшін осы Қағидада белгіленген мерзімде және тәртіппен жүзеге асады.
12. Дипломдардың растауын алып қою кезіндегі әрекет мынадай рәсімдерді қамтиды:
1) дипломдар растауының иесіне оның біліктілік сынақтардан өту кезінде қойылатын талаптарға сай келмейтіндігі туралы, ол алған диплом растауларын ПТӘ-ға тапсырсын және хабарламамен бірге пошта жөнелтілімі арқылы ПТӘ-ға дипломдар растауын жіберсін деген ұсыныспен бір мезгілде хабардар ету;
2) дипломдарды растауды алып қою туралы ақпаратты дерекқорға енгізу;
3) дипломдарды растауды алып қою туралы ақпаратты баспасөзге орналастыру.
ПТӘ есеп жүргізеді және тоқсан сайын сауда мақсатында теңізде жүзу саласындағы уәкілетті органға берілген және алып қойылған растаулар туралы мәлімет ұсынады.

Дипломдарды растауды ресімдеу, беру, мерзімін ұзарту, сондай-ақ алып қою қағидасына қосымша

ДИПЛОМДАРДЫ РАСТАУДЫ (РАСТАУДЫҢ МЕРЗІМІН ҰЗАРТУДЫ)
БЕРУГЕ ӨТІНІШ

A	Тегі
B	Аты (аттары)
C	Туған күні (кк-аа-жжжж)
D	Ту мемлекетінің растауды қайтаруға арналған мекенжайы
E	ТДДВА қағидасына сәйкес лауазымы (II\1 ережесі, вахта жұмысын атқаруға жауапты командалық құрамдағы лауазым)
F	Диплом №___________ _________ Берілген күні __________ |Фотосурет| Қолданылу мерзімі __________ | мөлшері | |30х40мм | | | | | |________ | ____________ _________________ ______________________ Қол қою орны Қол қойған күні Өтініш берушінің қолы
G	Кеме қатынасы компаниясының растауы:
	(Экипажды жасақтау бойынша шетелдік агенттік тек кеме қатынасы компаниясы уәкілетті органға сондай агенттікті өз атынан өтінішті бекіту үшін уәкілеттенгенін анықтайтын жазба өтінішті жолдаған жағдайда ғана кеме қатынасы компанияны ұсына алады) ______________ ___________________ _____________ Қол қою орны Қол қойған күні Өтініш берушінің қолы
	Бағалау:
	|__| Жұмыс сынағынан өтеуге тиіс өтініш беруші
	|__| Қосымша лауазымдарда жұмыс істеу үшін өтініш беруші