Қазақстан Республикасы Үкiметiнiң "Қазақстан Республикасының мемлекеттiк органдарына көлiк қызметiн көрсету үшiн қызметтiк автомобильдердi пайдалануды ретке келтiру туралы" 1999 жылғы 27 мамырдағы № 663 және "Республикалық бюджеттен қаржыландырылатын мемлекеттiк мекемелерге қызмет көрсетуге арналған арнайы көлiк құралдарын пайдалануды реттеу туралы" 2000 жылғы 24 ақпандағы № 288 қаулыларына өзгеріс пен толықтырулар енгізу туралы

Күшін жойған

Қазақстан Республикасы Үкіметінің 2012 жылғы 4 маусымдағы № 739 Қаулысы. Күші жойылды - Қазақстан Республикасы Үкіметінің 2016 жылғы 28 желтоқсандағы № 887 қаулысымен.

Ескерту. Күші жойылды – ҚР Үкіметінің 28.12.2016 (алғашқы ресми жарияланған күнінен бастап қолданысқа енгізіледі) № 887 қаулысымен.

Қазақстан Республикасының Үкiметi ҚАУЛЫ ЕТЕДІ:

1. Қазақстан Республикасы Үкiметiнің кейбір шешімдеріне мынадай өзгеріс пен толықтырулар енгізілсін:

1) "Қазақстан Республикасының мемлекеттiк органдарына көлiк қызметiн көрсету үшiн қызметтiк автомобильдердi пайдалануды ретке келтiру туралы" Қазақстан Республикасы Үкiметiнiң 1999 жылғы 27 мамырдағы № 663 қаулысында (Қазақстан Республикасының ПҮАЖ-ы, 1999 ж., № 23-24, 228-құжат):

көрсетілген қаулымен бекітілген Қазақстан Республикасының мемлекеттiк органдарына көлiк қызметiн көрсету үшiн қызметтiк автомобильдердiң тиiстiлiк нормативiнде:

реттік нөмірі 6-жол мынадай редакцияда жазылсын:

"

6	Премьер-Министрдiң Кеңсесi	Премьер-Министрдiң орынбасары	1			2600
		Премьер-Министр Кеңсесiнiң Басшысы	1********			2600
		Премьер-Министрдiң Кеңсесi Басшысының орынбасары	1********			2000
		Алматы қаласында көлiк қызметiн көрсету	12	1		2600
		Қонақтарға арналған		14		***

";

мынадай мазмұндағы ескертпемен толықтырылсын:

"********осы норматив, "Назарбаев орталығы" көп функциялы ғылыми-талдамалық және гуманитарлық-ағартушылық мемлекеттік мекемесінің басшысы мен орынбасарларына да қолданылады";

2) "Республикалық бюджеттен қаржыландырылатын мемлекеттiк мекемелерге қызмет көрсетуге арналған арнайы көлiк құралдарын пайдалануды реттеу туралы" Қазақстан Республикасы Үкiметiнiң 2000 жылғы 24 ақпандағы № 288 қаулысында:

көрсетілген қаулымен бекітілген Қазақстан Республикасының орталық атқарушы органдарына ведомстволық бағыныстағы мемлекеттiк мекемелерге қызмет көрсетуге арналған арнайы көлiк құралдарының тиесілiлiк табелінде:

"Қазақстан Республикасы Премьер-Министрiнiң Кеңсесi" деген бөлім мынадай мазмұндағы жолмен толықтырылсын:

"

Жедел

Жедел жұмыс iстеу үшiн

"Назарбаев орталығы" көп функциялы ғылыми-талдамалық және гуманитарлық-ағартушылық мемлекеттiк мекемесi

2

".

2. Осы қаулы қол қойылған күнінен бастап қолданысқа енгізіледi.

Қазақстан Республикасының
Премьер-Министрi	К. Мәсімов