Ескерту. Күші жойылды - ҚР Үкіметінің 10.08.2015 № 621 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
Қазақстан Республикасының Үкіметі ҚАУЛЫ ЕТЕДІ:
1. «Қазақстан Республикасында телерадио хабарларын таратуды дамыту мәселелерi жөнiндегi комиссияның кейбiр мәселелерi» туралы Қазақстан Республикасы Үкіметінің 2003 жылғы 5 желтоқсандағы № 1238 қаулысына (Қазақстан Республикасының ПҮАЖ-ы, 2003 ж., № 46, 508-құжат) мынадай өзгерістер мен толықтыру енгізілсін:
тақырыбы мынадай редакцияда жазылсын:
«Телерадио хабарларын таратуды дамыту мәселелерi жөнiндегi комиссияның кейбiр мәселелерi»;
2-тармақ мынадай редакцияда жазылсын:
«2. Қоса берiлiп отырған Телерадио хабарларын таратуды дамыту мәселелерi жөнiндегi комиссия туралы ереже бекiтiлсiн.»;
көрсетілген қаулымен бекітілген Қазақстан Республикасында Телерадио хабарларын таратуды дамыту мәселелерi жөнiндегi комиссия туралы ережеде:
тақырыбы мынадай редакцияда жазылсын:
«Телерадио хабарларын таратуды дамыту мәселелерi жөнiндегi комиссия туралы ереже»;
кiрiспе мынадай редакцияда жазылсын:
«Осы Телерадио хабарларын таратуды дамыту мәселелерi жөнiндегi комиссия туралы ереже (бұдан әрi - Ереже) Қазақстан Республикасы Yкiметiнiң 2002 жылғы 11 ақпандағы № 203 қаулысымен құрылған Телерадио хабарларын таратуды дамыту мәселелерi жөнiндегi комиссияның қызметiн регламенттейдi.»;
2 және 3-тармақтар мынадай редакцияда жазылсын:
«2. Комиссия телерадио хабарларын тарату саласындағы қоғамдық мүддені есепке алу және қорғау, сондай-ақ халықтың теле-, радиоарналарға қажеттілігін қанағаттандыру мақсатында құрылды.
3. Комиссияның қызметі өзінің құзыретіне кіретін мәселелерді талқылау және шешу кезінде айқындылық және ашықтық негізінде жүзеге асырылады.»;
мынадай мазмұндағы 3-1-тармақпен толықтырылсын:
«3-1. Комиссияның құрамы Қазақстан Республикасы Парламентінің депутаттары (келісім бойынша), Қазақстан Республикасының орталық мемлекеттік органдары, телерадио хабарларын тарату саласы мен үкiметтiк емес ұйымдар (келісім бойынша) өкілдерінің арасынан қалыптастырылады.»;
5-тармақ мынадай редакцияда жазылсын:
«5. Комиссияның негізгі мiндеттерi мен функциялары:
1) Қазақстан Республикасында бiртұтас ақпараттық кеңiстiктi қалыптастыру және телерадио хабарларын таратуды дамыту саласындағы мемлекеттiк саясатты iске асыру жөнінде ұсынымдар әзірлеу;
2) телерадио хабарларын тарату жұмысы үшiн бөлiнетiн радиожиiлiк спектрiн пайдалану тиiмдiлiгiн арттыруға бағытталған ұсынымдар әзірлеу;
3) телерадио хабарларын тарату саласындағы мемлекеттік саясатты іске асыру жөнінде ұсынымдар мен ұсыныстар әзірлеу;
4) көпарналы хабар таратуда еркін қолжетімді теле-, радиоарналардың тізбесін қалыптастыру бойынша конкурсқа қатысуға үміткерлердің өтінімдерін қарау және жеңімпаздарды айқындау жөнінде ұсынымдар әзірлеу;
5) көпарналы хабар таратуда міндетті теле-, радиоарналардың тізбесін қалыптастыру бойынша конкурсқа қатысуға үміткерлердің өтінімдерін қарау және жеңімпаздарды айқындау жөнінде ұсынымдар әзірлеу;
6) телерадио хабарларын тарату мақсаты үшін жиілік жолақтарын, радиожиіліктерді (радиожиілік арналарын) бөлу жөніндегі конкурсқа қатысуға үміткерлердің өтінімдерін қарау және олардың техникалық және қаржылық ұсыныстарын ескере отырып, жеңімпаздарды айқындау жөнінде ұсынымдар әзірлеу;
7) ұлттық операторды тыңдау қорытындылары жөнінде ұсынымдар әзірлеу;
8) телерадио хабарларын тарату саласындағы заңнаманы сақтау мәселелерi жөнінде ұсынымдар әзiрлеу болып табылады.»;
16-тармақ мынадай редакцияда жазылсын:
«16. Комиссияның жұмыс органы Қазақстан Республикасы Мәдениет және ақпарат министрлiгiнiң Ақпарат және мұрағат комитетi болып табылады.».
2. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі К. Мәсімов
