Ескерту. Күші жойылды - ҚР Үкіметінің 25.04.2015 № 291 (ресми жарияланған күнінен бастап қолданысқа енгізіледі) қаулысымен.
«Лицензиялау туралы» 2007 жылғы 11 қаңтардағы Қазақстан Республикасы Заңының 6-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған сот-медициналық, сот-психиатриялық және сот-наркологиялық сараптама саласындағы сот-сараптама қызметін қоспағанда, сот-сараптама қызметін жүзеге асыру үшін қойылатын біліктілік талаптары және оларға сәйкестікті растайтын құжаттардың тізбесі бекітілсін.
2. Қазақстан Республикасы Әділет министрлігінің Тіркеу қызметі және құқықтық көмек көрсету комитеті сот-медициналық, сот-психиатриялық және сот-наркологиялық сараптама саласындағы сот-сараптама қызметін қоспағанда, сот-сараптама қызметін жүзеге асыру жөніндегі лицензиар ретінде белгіленсін.
3. Мыналардың күші жойылды деп танылсын:
1) «Қазақстан Республикасындағы сот-сараптама қызметіне қойылатын біліктілік талаптарын бекіту туралы» Қазақстан Республикасы Үкіметінің 2010 жылғы 4 маусымдағы № 511 қаулысы (Қазақстан Республикасының ПҮАЖ-ы, 2010 ж., № 36, 296-құжат);
2) «Қазақстан Республикасындағы сот-сараптама қызметін лицензиялау ережесін және сот-сараптама қызметіне қойылатын біліктілік талаптарын бекіту туралы» Қазақстан Республикасы Үкіметінің 2010 жылғы 4 маусымдағы № 511 қаулысына өзгерістер енгізу туралы» Қазақстан Республикасы Үкіметінің 2011 жылғы 1 қарашадағы № 1258 қаулысы (Қазақстан Республикасының ПҮАЖ-ы, 2011 ж., № 60, 856-құжат).
4. Осы қаулы алғашқы ресми жарияланғанынан кейін күнтізбелік жиырма бір күн өткен соң қолданысқа енгізіледі.
Қазақстан Республикасының
Премьер-Министрі С. Ахметов
Қазақстан Республикасы
Үкіметінің
2012 жылғы 16 қарашадағы
№ 1454 қаулысымен
бекітілген
Сот-медициналық, сот-психиатриялық және сот-наркологиялық
сараптама саласындағы сот-сараптама қызметін қоспағанда,
сот-сараптама қызметін жүзеге асыру үшін қойылатын біліктілік
талаптары және оларға сәйкестікті растайтын құжаттардың тізбесі
Р/с |
Біліктілік талаптары |
Құжаттар |
Ескертпе |
1 |
2 |
3 |
4 |
Жеке тұлғалар үшін |
|||
1. |
Қазақстан Республикасы азаматтығының болуы |
Мәліметтер ЖТ МДҚ-да тексеріледі |
|
2. |
Жоғары білімінің болуы |
Жоғары білім туралы дипломның көшірмесі (ғылыми дәрежесі және ғылыми атағы болса – дипломдардың көшірмесі) |
|
3. |
Мынадай пәндерден: «Қазақстан Республикасындағы сот-сараптама қызметі туралы» Қазақстан Республикасының Заңы, криминалистика, Қазақстан Республикасының қылмыстық іс жүргізу, азаматтық іс жүргізу құқығы, әкімшілік құқық және сараптаманың нақты түрлерінің ғылыми-әдістемелік негіздері бойынша біліктілік емтихандарын тапсырғанын растайтын біліктілік куәлігінің болуы |
Біліктілік емтихандарын тапсырғаны туралы ақпаратты қамтитын мәліметтер нысаны |
|
4. |
Сот сараптамасы өндірісі жүзеге асырылатын арнайы жарақтандырылған үй-жайларға қойылатын стандарттар мен талаптарда көзделген арнайы жабдықтардың болуы |
«Сот сараптамасының кейбір мәселелері» туралы Қазақстан Республикасы Үкіметінің 2001 жылғы 7 қарашадағы № 1414 қаулысыныңталаптарына сәйкестігі лицензиардың тексеруімен расталады |
|
5. |
Жоғары білім туралы дипломда көрсетілген мамандық бойынша кемінде бес жыл жұмыс өтілінің болуы |
Еңбек кітапшасының немесе еңбек шартының көшірмесі, жұмысқа қабылдау және жұмыстан шығару туралы бұйрықтардың үзіндісі, не қызметтік тізім |
|
6. |
Өтелмеген немесе алынбаған соттылығының болмауы |
Қазақстан Республикасы Бас прокуратурасының Құқықтық статистика және арнайы есепке алу комитеті берген соттылығының болмауы туралы анықтама немесе өтелмеген немесе алынбаған соттылығының болмауы туралы ақпаратты қамтитын мәліметтер нысаны |
Мәліметтерді мемлекеттік органдардың ақпараттық жүйелерінің ықпалдасуы арқылы тексеру мүмкін болған жағдайда, анықтама ұсынылмайды |
7. |
Наркологиялық және психиатриялық диспансерлерде есепте тұратыны туралы мәліметтердің болмауы |
Наркологиялық және психиатриялық диспансерлерден анықтамалар |
«Е-лицензиялау» МДҚ-мен ықпалдастырылған ҚР ДСМ дерекқорындағы мәліметтер болған жағдайда ұсынылмайды |
