Ескерту. Күші жойылды – ҚР Үкіметінің 26.01.2018 № 34 қаулысымен.
Азық-түлік қауіпсіздігі мәселелері бойынша ұсыныстар әзірлеу мақсатында Қазақстан Республикасының Үкiметi ҚАУЛЫ ЕТЕДI:
1. Мынадай құрамда Азық-түлік қауіпсіздігі мәселелері бойынша ұсыныстар әзірлеу үшін комиссия (бұдан әрі - Комиссия) құрылсын:
Қазақстан Республикасы Премьер-Министрінің бірінші орынбасары, төраға;
Қазақстан Республикасының Ауыл шаруашылығы вице-министрі, төрағаның орынбасары;
Қазақстан Республикасы Ауыл шаруашылығы министрлігінің Экономикалық интеграция және аграрлық азық-түлік нарығы департаментінің директоры;
Қазақстан Республикасының Инвестициялар және даму вице-министрі;
Қазақстан Республикасының Ұлттық экономика вице-министрі;
Қазақстан Республикасының Денсаулық сақтау және әлеуметтік даму вице-министрі;
"ҚазАгро" ұлттық басқарушы холдингі" акционерлік қоғамының басқарма төрағасы (келісім бойынша);
"ҚазАгроИнновация" акционерлік қоғамының басқарма төрағасы (келісім бойынша);
"Қазақстан Республикасы Ауыл шаруашылығы ғылымдары академиясы" республикалық қоғамдық бірлестігінің президенті (келісім бойынша);
"Қазақстан Республикасы Ұлттық кәсіпкерлер палатасының төрағасы (келісім бойынша).
Ескерту. 1-тармақ жаңа редакцияда - ҚР Үкіметінің 04.09.2014 N 970; өзгеріс енгізілді - ҚР Үкіметінің 26.02.2015 № 90 қаулыларымен.2. Комиссияның жұмыс органы функцияларын Қазақстан Республикасы Ауыл шаруашылығы министрлігі жүзеге асырады.
3. Комиссия отырысы азық-түлік қауіпсіздігі мәселелері бойынша ұсыныстар әзірлеу үшін жарты жылда кемінде бір рет өткізілсін.
4. Осы қаулы қол қойылған күнiнен бастап қолданысқа енгiзiледi.
Қазақстан Республикасының | |
Премьер-Министрі | С. Ахметов |
