Қазақстан Республикасы
Үкіметінің
2014 жылғы 5 наурыздағы
№ 192 қаулысымен
бекітілген
"Туристік операторлық қызметке (туроператорлық қызметке)
лицензия беру, қайта ресімдеу, лицензия телнұсқаларын беру"
мемлекеттік көрсетілетін қызмет стандарты
1. Жалпы ережелер
1. "Туристік операторлық қызметке (туроператорлық қызметке) лицензия беру, қайта ресімдеу, лицензия телнұсқаларын беру" мемлекеттiк көрсетiлетiн қызметі (бұдан әрi – мемлекеттiк көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Индустрия және жаңа технологиялар министрлігі (бұдан әрi – Министрлік) әзірлеген.
3. Мемлекеттiк қызметті Министрлiктің Туризм индустриясы комитеті (бұдан әрi – көрсетілетін қызметті беруші) көрсетедi.
Мемлекеттік қызмет көрсету үшін құжаттарды қабылдау:
Қазақстан Республикасы Көлік және коммуникация министрлігі Мемлекеттік қызметтерді автоматтандыруды бақылау және халыққа қызмет көрсету орталықтарының қызметін үйлестіру комитетінің "Халыққа қызмет көрсету орталығы" шаруашылық жүргізу құқығындағы республикалық мемлекеттік кәсіпорны (бұдан әрі – ХҚО) арқылы;
"электрондық үкіметтің" www.e.gov.kz веб-порталы және "Е-лицензиялау" веб-порталы: www.elicense.kz (бұдан әрі – портал) арқылы жүзеге асырылады.
2. Мемлекеттік қызмет көрсету тәртібі
4. Мемлекеттiк қызмет көрсету мерзiмдері:
1) ХҚО-ға құжаттар топтамасы тапсырылған сәттен бастап, сондай-ақ порталға жүгiнген кезде:
лицензияны беру – 15 (он бес) жұмыс күні;
лицензияны қайта ресiмдеу – 15 (он бес) жұмыс күні;
лицензияның телнұсқасын беру – 2 (екi) жұмыс күні;
ХҚО-ға жүгінген кезде құжаттарды қабылдау күні мемлекеттік қызмет көрсету мерзіміне кірмейді;
2) ХҚО-ға құжаттар топтамасын тапсыру үшін рұқсат берілетін ең ұзақ күту уақыты – 15 (он бес) минут;
3) ХҚО-да рұқсат берілетін ең ұзақ қызмет көрсету уақыты – 15 (он бес) минут.
5. Мемлекеттiк қызмет көрсету нысаны – электрондық (ішінара автоматтандырылған) және (немесе) қағаз жүзінде.
6. Мемлекеттік қызмет көрсету нәтижесі – туристік операторлық қызметке (туроператорлық қызметке) лицензия, қайта ресімдеу, лицензияның телнұсқасы не осы мемлекеттiк көрсетiлетiн қызмет стандартының 10-тармағында көзделген жағдайлар мен негiздер бойынша мемлекеттiк қызметтi көрсетуден бас тарту туралы дәлелдi жауап.
Мемлекеттiк қызмет көрсету нәтижесiн беру нысаны: электрондық.
Туроператорлық қызметке лицензия алу, лицензияны қайта ресімдеу, лицензия телнұсқасын қағаз тасығышта алу үшін өтініш білдірген жағдайда мемлекеттік қызмет көрсету нәтижесі электрондық форматта ресімделіп, басып шығарылады, көрсетілетін қызметті берушінің уәкілетті адамының мөрімен және қолымен расталады.
Порталда мемлекеттiк қызмет көрсету нәтижесi не мемлекеттік қызмет көрсетуден бас тарту туралы дәлелді жауап көрсетілетін қызметті берушінің уәкілетті адамының электрондық цифрлық қолтаңбасымен (бұдан әрі – ЭЦҚ) қол қойылған электрондық құжат нысанында "жеке кабинетке" жіберіледі.
7. Мемлекеттiк қызмет заңды және жеке тұлғаларға (бұдан әрi – көрсетілетін қызметті алушы) ақылы негізде көрсетiледi. Мемлекеттiк қызмет көрсету кезiнде көрсетiлетiн қызметтi алушының орналасқан жері бойынша бюджетке жекелеген қызмет түрлерiмен айналысу құқығына лицензиялық алым "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) 471-бабына сәйкес төленедi:
1) аталған қызмет түрiмен айналысу құқығына лицензия беру кезінде лицензиялық алым 10 айлық есептік көрсеткішті құрайды (бұдан әрі – АЕК);
2) лицензияны қайта рәсімдеу кезінде лицензиялық алым – лицензияны беру кезіндегі мөлшерлеменің 10 %-ын құрайды, бірақ 4 АЕК-тен аспайды.
3) лицензияның телнұсқасын беру үшін лицензиялық алым – лицензияны беру кезіндегі мөлшерлеменің 100 %-ын құрайды.
Лицензиялық алымды төлеу қолма-қол және қолма-қол емес ақша нысанында не екінші деңгейлі банктер және банктік операциялардың жекелеген түрлерін жүзеге асыратын ұйымдар арқылы жүзеге асырылады.
Туроператорлық қызметпен айналысуға лицензияны портал арқылы алуға электрондық сұрау жіберілген жағдайда, төлем "электрондық үкіметтің" төлем шлюзі (бұдан әрі – ЭҮТШ), сондай-ақ екінші деңгейлі банктер арқылы жүзеге асырылуы мүмкін.
8. Жұмыс кестесі:
1) ХҚО-ның – Қазақстан Республикасының еңбек заңнамасына сәйкес демалыс және мереке күндерiн қоспағанда, дүйсенбiден бастап сенбіні қоса алғанда, сағат 9.00-ден 20.00-ға дейін үзіліссіз. Мемлекеттiк қызмет жеделдетiп қызмет көрсетусіз "электрондық кезек күту" тәртiбiмен көрсетіледі, электрондық кезекті портал арқылы "брондауға" болады.
2) порталдың – тәулiк бойы (жөндеу жұмыстарын жүргізуге байланысты техникалық үзілістерді қоспағанда).
9. Көрсетiлетiн қызметтi алушы (не сенімхат бойынша оның өкілі) ХҚО-ға жүгінген кезде мемлекеттiк қызметті көрсету үшiн қажеттi құжаттардың тiзбесi:
1) ХҚО-ға
лицензия алу үшін:
осы мемлекеттік көрсетілетін қызмет стандартына 1 немесе
2-қосымшаларға сәйкес заңды және жеке тұлға үшін ХҚО қызметкерінің
ЭЦҚ-мен куәландырылған электрондық құжат нысанындағы белгіленген үлгідегі өтiнiш;
өкілдің жеке басын куәландырылатын құжат және өкілеттігін куәландыратын құжат (тұлғаны сәйкестендіру үшін талап етіледі);
лицензия алу үшін бюджетке лицензиялық алымның төленгенiн растайтын құжат;
сақтандыру полисінің көшірмесі;
қалыптасқан туристік өнім туралы, туристік білімі бар қызметкер туралы, кеңсе үшін үй-жай туралы ақпаратты қамтып осы мемлекеттік көрсетілетін қызмет стандартына 3-қосымшаға сәйкес мәліметтер нысаны;
лицензия мынадай:
жеке тұлғаның тегі, аты, әкесінің аты (бар болса) өзгерген;
дара кәсіпкер қайта тіркелген, оның атауы мен мекенжайы өзгерген;
заңды тұлға бірігу, қосылу, бөліп алу немесе қайта құру нысанында қайта ұйымдастырылған;
заңды тұлғаның атауы және (немесе) мекенжайы өзгерген жағдайларда қайта ресімделеді.
Қайта ресімдеу туралы өтінішті көрсетілетін қызметті алушы осы мемлекеттік көрсетілетін қызмет стандартының 9-тармағында көрсетілген құжаттарды қоса бере отырып, құжаты ауыстырылған сәттен бастап күнтізбелік 30 (отыз) күн ішінде береді.
Лицензияны қайта ресімдеу үшін:
осы мемлекеттік көрсетілетін қызмет стандартына 1 немесе 2-қосымшаларға сәйкес заңды және жеке тұлға үшін ХҚО қызметкерінің ЭЦҚ-мен куәландырылған электрондық құжат нысанындағы белгіленген үлгідегі өтiнiш;
лицензия алу үшін бюджетке лицензиялық алымның төленгенiн растайтын құжат;
сақтандыру полисінің көшірмесі;
қайта ресімдеудің қажеттілігін растайтын құжат.
Лицензияны жоғалтқан және бүлдірген жағдайда, көрсетiлетiн қызметтi алушы көрсетілетін қызметті берушіге порталдағы тиісті ақпараттық жүйелер лицензия туралы деректерді алу мүмкіндігі болмаған жағдайда ғана, мына құжаттарды беру арқылы лицензияның телнұсқасын алу үшін жүгіне алады:
осы мемлекеттік көрсетілетін қызмет стандартына 1 немесе
2-қосымшаларға сәйкес заңды және жеке тұлғалар үшін белгіленген үлгідегі өтініш;
лицензияның телнұсқасын беру үшiн бюджетке лицензиялық алымның төленгенiн растайтын құжаттың көшiрмесi;
сақтандыру полисінің көшірмесі.
ХҚО-да орталық қызметкері құжаттарды сканерлеп, электрондық сұрау салуға тіркейді.
Жеке басты куәландыратын құжаттар туралы, дара кәсiпкерді мемлекеттiк тiркеу туралы, заңды тұлғаны мемлекеттік тіркеу (қайта тіркеу туралы) турлы, лицензия туралы құжаттардың мәлiметтерiн ХҚО қызметкері портал арқылы тиiстi мемлекеттiк ақпараттық жүйелерден не уәкiлеттi адамдардың ЭЦҚ-мен куәландырылған электронды құжаттар нысанында өзі алады.
ХҚО қызметкері мемлекеттік қызмет көрсету кезінде, егер Қазақстан Республикасының заңдарында өзгеше көзделмесе, мемлекеттік ақпараттық жүйелердегі заңмен қорғалатын құпияны құрайтын мәліметтерді пайдалануға көрсетілетін қызметті алушының жазбаша келісімін алады;
2) порталда:
лицензия алу үшін:
көрсетiлетiн қызметтi алушының ЭЦҚ-мен куәландырылған электрондық құжат нысанындағы сұрау салу;
сақтандыру полисінің көшірмесі;
қалыптасқан туристік өнім туралы, туристік білімі бар қызметкер туралы, кеңсе үшін үй-жай туралы ақпаратты қамтитын осы мемлекеттік көрсетілетін қызмет стандартына 3-қосымшаға сәйкес мәліметтер нысаны;
лицензияны алу үшiн ЭҮТШ арқылы төлеуді қоспағанда, бюджетке лицензиялық алымның төленгенін растайтын құжаттың көшірмесі;
лицензияны қайта ресімдеу үшін:
көрсетiлетiн қызметтi алушының ЭЦҚ-мен куәландырылған электрондық құжат нысанындағы сұрау салу;
лицензияны қайта ресімдеу үшiн ЭҮТШ арқылы төлеуді қоспағанда, бюджетке лицензиялық алымның төленгенін растайтын құжаттың көшірмесі;
сақтандыру полисінің көшірмесі;
қайта ресімдеу қажеттілігін растайтын құжат.
Порталда электрондық сұрау салуларды қабылдау көрсетілетін қызметті алушының жеке кабинетінде жүзеге асырылады. Құжаттар көрсетілетін қызметті алушының ЭЦҚ-мен куәландырылған құжаттардың электрондық көшірмелері түрінде ұсынылады.
Жеке басты куәландыратын құжаттар туралы, дара кәсiпкерді мемлекеттiк тiркеу туралы, заңды тұлғаны мемлекеттік тіркеу (қайта тіркеу туралы) турлы, лицензия туралы құжаттардың мәлiметтерiн ХҚО қызметкері портал арқылы тиiстi мемлекеттiк ақпараттық жүйелерден не уәкiлеттi адамдардың ЭЦҚ-мен куәландырылған электронды құжаттар нысанында өзі алады.
ХҚО қызметкері құжаттарды қабылдау кезінде құжаттардың түпнұсқалығын электрондық көшірмелерімен салыстырып тексереді, содан кейін түпнұсқаларды көрсетілетін қызметті алушыға қайтарады.
Құжаттарды ХҚО арқылы қабылдау кезінде көрсетілетін қызметті алушыға:
өтініштің қабылданған күні мен нөмірі;
сұратылатын мемлекеттік қызметтің түрі;
қосымша құжаттардың атаулары мен саны;
құжаттарды беру күні (уақыты) мен орны;
өтінішті ресімдеуге қабылдаған ХҚО қызметкерінің тегі, аты, әкесінің аты;
құжаттарды ресімдеуге өтініш қабылдаған ХҚО қызметкерінің тегі, аты, әкесінің аты;
көрсетілетін қызметті алушының тегі, аты, әкесінің аты, қызметті алушы уәкілінің тегі, аты, әкесінің аты және байланыс телефондары көрсетілген тиісті құжаттарды қабылдау туралы қолхат береді.
портал арқылы – көрсетілетін қызметті алушының "жеке кабинетiнде" мемлекеттiк көрсетілетін қызметтiң нәтижелерiн алу күнiн көрсете отырып, мемлекеттiк қызметтi ұсыну көрсету үшiн сұрау салудың қабылдағаны туралы мәртебе көрсетіледі.
10. Лицензия беруден мынадай:
1) Қазақстан Республикасының заңдарында субъектілердің осы санаты үшін қызметтің жекелеген түрімен айналысуға тыйым салынған;
2) қызмет түріне лицензия беруге өтініш берілген жағдайда, қызметтің жекелеген түрлерімен айналысу құқығы үшін лицензиялық алым енгізілмеген;
3) өтініш беруші біліктілік талаптарына сай келмеген;
4) көрсетілетін қызметті алушыға лицензия беруге келісуші мемлекеттік орган келісім бермеген;
5) өтініш берушіге қатысты оған қызметтің жекелеген түрімен айналысуға тыйым салатын заңды күшіне енген сот үкімі болған;
6) сот орындаушысының ұсынуы негізінде сот өтініш берушіге лицензия алуға тыйым салған жағдайларда бас тартылады.
Көрсетілетін қызметті алушы осы мемлекеттік көрсетілетін қызмет стандартында көзделген тізбеге сәйкес құжаттар топтамасын толық ұсынбаған жағдайда, ХҚО қызметкері қабылдаудан бас тартып, осы мемлекеттік көрсетілетін қызмет стандартына 4-қосымшаға сәйкес нысан бойынша қолхат береді.
3. Мемлекеттік қызметтер көрсету мәселелері бойынша орталық мемлекеттiк органдардың, көрсетiлетiн қызметті берушiнiң және (немесе) олардың лауазымды адамдарының, халыққа қызмет көрсету орталығының және (немесе) олардың қызметкерлерінің әрекетіне (әрекетсіздігіне) шағымдану тәртібі
11. Мемлекеттік қызметтер көрсету мәселелері бойынша көрсетiлетiн қызметті берушінің, ХҚО-ның және (немесе) олардың лауазымды адамдарының әрекетіне (әрекетсіздігіне) шағымдану: шағым осы мемлекеттiк көрсетiлетiн қызмет стандартының 14-тармағында көрсетілген мекенжай бойынша көрсетiлетiн қызметтi беруші басшысының атына не 010000, Астана қаласы, Қабанбай батыр даңғылы, 32/1, "Транспорт Тауэр" ғимараты, № 2117 кабинет мекенжайы бойынша Министрлік басшылығының атына беріледі, телефоны:
8 (7172) 24 04 75, 29 08 48.
Шағым пошта арқылы жазбаша нысанда не көрсетілетін қызметті берушінің немесе Министрліктің кеңсесі арқылы қолма-қол беріледі.
Сондай-ақ, көрсетілетін қызметті беруші, ХҚО қызметкерінің әрекетіне (әрекетсіздігіне) шағымдану тәртібі туралы ақпаратты мемлекеттік қызметтер көрсету мәселелері жөніндегі біріңғай байланыс орталығының 1414 телефоны бойынша не портал арқылы алуға болады.
ХҚО қызметкері дұрыс қызмет көрсетпеген жағдайда, шағым осы мемлекеттік көрсетілетін қызмет стандартының 14-тармағында көрсетілген мекенжайлар бойынша ХҚО басшысының атына жіберіледі.
Көрсетілетін қызметті берушінің, Министрліктің немесе ХҚО-ның кеңсесінде шағымды қабылдаған тұлғаның тегі мен аты-жөнін, жауап алу мерзімі мен орнын көрсетіп тіркеу (мөртабан, кіріс нөмірі және күні) шағымның қабылданғанын растау болып табылады. Шағым тіркелгеннен кейін жауапты орындаушыны айқындау және тиісті шараларды қабылдау үшін көрсетілетін қызметті берушінің немесе Министрліктің басшысына жіберіледі.
Шағым тіркелген күнінен бастап 5 (бес) жұмыс күні ішінде қаралуға жатады. Шағымды қараудың нәтижелері туралы дәлелді жауап көрсетілетін қызметті алушыға пошта арқылы жіберіледі не көрсетілетін қызметті берушінің, Министрліктің не ХҚО кеңсесінде қолма-қол беріледі.
Портал арқылы көрсетілетін қызметті беруші, ХҚО қызметкерінің әрекетіне (әрекетсіздігіне) шағымдану тәртібі туралы ақпаратты мемлекеттік қызметтер көрсету мәселелері жөніндегі біріңғай байланыс орталығының 1414 телефоны бойынша алуға болады.
Шағымды портал арқылы "жеке кабинетінен" жіберген кезде көрсетілетін қызметті алушыға жүгіну туралы ақпарат қолжетімді болады, ол көрсетілетін қызметті беруші өтінішті өңдеу (жеткізу, тіркеу, орындау туралы белгілер, қарау немесе қараудан бас тарту туралы жауап) барысында жаңартылып тұрады.
Көрсетілетін қызметті алушы көрсетілген қызметтің нәтижелерімен келіспеген жағдайда, мемлекеттік қызметтер көрсету сапасын бағалау және бақылау жөніндегі уәкілетті органға шағым жасай алады.
Көрсетілетін қызметті алушының мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен шағымы тіркелген күнінен бастап 15 (он бес) жұмысы күні ішінде қаралуға жатады.
12. Мемлекеттік көрсетілетін қызмет нәтижелерімен келіспеген жағдайларда, көрсетілетін қызметті алушының Қазақстан Республикасының заңнамасында көзделген тәртіппен сотқа жүгінуге құқығы бар.
4. Мемлекеттік, оның ішінде электрондық нысанда және халыққа қызмет көрсету орталықтары арқылы қызмет көрсетудің ерекшеліктері ескерілген өзге де талаптар
13. Денсаулық жағдайына байланысты ХҚО-ға жеке өзі келуге мүмкіндігі жоқ көрсетілетін қызметті алушылардан мемлекеттік қызмет көрсету үшін қажетті құжаттарды қабылдауды (қағаз тасығышты толтырған жағдайда) ХҚО қызметкері көрсетілетін қызметті алушының тұрғылықты жеріне барып жүзеге асырады.
14. Мемлекеттік қызмет көрсету орындарының мекенжайлары:
көрсетілетін қызметті берушінің www.kit.gov.kz, "Мемлекеттік көрсетілетін қызметтер" бөлімінде;
ХҚО-ның www.con.gov.kz интернет-ресурсында орналастырылған.
15. Көрсетілетін қызметті алушының ЭЦҚ болған жағдайда мемлекеттік көрсетілетін қызметті портал арқылы электрондық нысанда алу мүмкіндігі бар.
16. Көрсетілетін қызметті алушының мемлекеттік қызмет көрсетудің тәртібі мен мәртебесі туралы ақпаратты порталдың "жеке кабинеті", сондай-ақ мемлекеттік қызметтер көрсету мәселелері жөніндегі бірыңғай байланыс орталығы арқылы қашықтықтан қолжетімділік режимінде алу мүмкіндігі бар.
17. Мемлекеттік қызмет көрсету мәселелері жөніндегі анықтамалық қызметтің байланыс телефондары: 8 (7172) 24 07 49, 24 12 91, мемлекеттік қызметтер көрсету мәселелері жөніндегі бірыңғай байланыс орталығы: 1414.
"Туристік операторлық қызметке
(туроператорлық қызметке) лицензия
беру, қайта ресімдеу, лицензия
телнұсқаларын беру" мемлекеттік
көрсетілетін қызмет стандартына
1-қосымша
Заңды тұлғаның лицензияны алуға (қайта ресімдеуге) және
лицензияның телнұсқасын алуға өтiнiшi
Қазақстан Республикасы Индустрия және жаңа технологиялар министрлігінің Туризм индустриясы комитетіне
_____________________________________________________________________
(заңды тұлғаның толық атауы, бизнес-сәйкестендiру нөмiрi)
_____________________________________________________________________
(қызметтiң түрiн және (немесе) қызметтiң кiшi түр(лер)ін көрсету
керек)
_____________________________________________________________________
__________________________________ жүзеге асыруға лицензияны қағаз
тасығышта ___ беруiңiздi (қайта ресімдеуді, телнұсқасын) сұраймын.
_____________________________________________________________________
(лицензияны қағаз тасығышта алу қажет болған жағдайда Х
белгiсiн қою керек)
Заңды тұлғаның мекенжайы ____________________________________________
(пошталық индексi, облыс, қала, аудан, елдi
мекен, көшенің атауы, үйдің/ғимараттың
(стационарлық үй-жайдың) нөмiрi
Электрондық поштасы _________________________________________________
Телефондары _________________________________________________________
Факс ________________________________________________________________
Банктік шоты ________________________________________________________
(шот нөмiрi, банктiң атауы және орналасқан жерi)
Қызметтi жүзеге асыру мекенжай(лар)ы ________________________________
(пошталық индексi, облыс, қала, аудан, елдi мекен, көшенің атауы,
үйдің/ғимараттың (стационарлық үй-жайдың) нөмiрi
___ парақта қоса берiлiп отыр
Осымен:
көрсетiлген барлық деректер ресми байланыстар болып
табылатындығы және оларға лицезия беру немесе оны беруден бас тарту
мәселелері бойынша кез келген ақпаратты жiберуге болатындығы;
көрсетілетін қызметті алушыға қызметтiң лицензияланатын түрiмен
және (немесе) кiшi түрiмен айналысуға сотпен тыйым салынбағандығы;
қоса берiлген құжаттардың барлығы шындыққа сай келетiнi және
жарамды болып табылатындығы расталады.
Ақпараттың жүйелердегі заңмен қорғалатын құпияны құрайтын
мәліметтерді пайдалануға келісемін.
Басшы ________ ___________________________________________
(қолы) (тегi, аты, әкесiнiң аты (бар болса)
Мөр орны Толтырылған күнi: 20__ жылғы "___"_______________
"Туристік операторлық қызметке
(туроператорлық қызметке) лицензия
беру, қайта ресімдеу, лицензия
телнұсқаларын беру" мемлекеттік
көрсетілетін қызмет стандартына
2-қосымша
Жеке тұлғаның лицензияны алуға (қайта ресімдеуге) және
лицензияның телнұсқасын алуға өтiнiшi
Қазақстан Республикасы Индустрия және жаңа технологиялар министрлігінің Туризм индустриясы комитетіне
_____________________________________________________________________
(жеке тұлғаның тегi, аты, әкесiнiң аты (бар болса), жеке
сәйкестендiру нөмiрi)
_____________________________________________________________________
_____________________________________________________________________
(қызметтiң түрi және (немесе) кiшi түр(лер)ін көрсету керек)
_____________________________________________________________________
_____________________________________ жүзеге асыруға лицензияны
(қайта ресімдеуді, телнұсқасын) қағаз тасығышта ___ беруiңiздi сұраймын.
_____________________________________________________________________
(лицензияны қағаз тасығышта алу қажет болған жағдайда Х
белгiсiн қою керек)
Жеке тұлғаның тұрғылықты жерiнiң мекенжайы __________________________
_____________________________________________________________________
(пошталық индексi, облыс, қала, аудан, елдi мекен, көшенің атауы,
үйдің/ғимараттың) нөмiрi
Электрондық поштасы _________________________________________________
Телефондары _________________________________________________________
Факс ________________________________________________________________
Банктік шоты ________________________________________________________
(шот нөмiрi, банктiң атауы және орналасқан жерi)
Қызметтi жүзеге асыру мекенжай(лар)ы ________________________________
(пошталық индексi, облыс, қала, аудан,
елді мекен, көшенің атауы, үйдің/ғимараттың
(стационарлық үй-жайдың) нөмiрi
_________ парақта қоса берiлiп отыр.
Осымен:
көрсетiлген барлық деректер ресми байланыстар болып
табылатындығы және оларға лицезия беру немесе оны беруден бас тарту
мәселелері бойынша кез келген ақпаратты жiберуге болатындығы;
көрсетілетін қызметті алушыға қызметтiң лицензияланатын түрiмен
және (немесе) кiшi түрiмен айналысуға сотпен тыйым салынбағандығы;
қоса берiлген құжаттардың барлығы шындыққа сай келетiнi және
жарамды болып табылатындығы расталады.
__________ ақпараттық жүйелердегі заңмен қорғалатын құпияны
құрайтын мәліметтерді пайдалануға келісемін " " 20 ж.
Жеке тұлға ________ ___________________________________________
(қолы) (тегi, аты, әкесiнiң аты (бар болса)
Мөр орны (бар болса)
Толтырылған күні: 20 __ жылғы "___" ____________________
"Туристік операторлық қызметке
(туроператорлық қызметке) лицензия
беру, қайта ресімдеу, лицензия
телнұсқаларын беру" мемлекеттік
көрсетілетін қызмет стандартына
3-қосымша
Туроператорлық қызметті жүзеге асыру үшін біліктілік
талаптарына және құжаттар тізбесіне сәйкестік туралы
мәліметтер нысаны
1. Туристік білімі, бір жылдан кем емес еңбек өтілі бар кемінде бір қызметкердің болуы:
1) Білімі және мамандығы _____________________________________;
2) Лицензияланатын қызмет түрінің бейіні бойынша жоғары білімі
туралы дипломның нөмірі ____________________________________________;
3) Дипломның берілген күні ___________________________________;
4) Оқу орынының атауы ________________________________________;
5) Жұмыс өтілі _______________________________________________;
2. Қалыптасқан туристік өнім:
1) Қалыптасқан туристік өнімге кіретін жекелеген туристік
қызметтерді көрсету үшін үшінші тұлғалармен жасалған шарттың нөмірі
___________________;
2) Шарттың жасалған күні _____________________________________;
3. Меншік құқығындағы немесе өзге де заңды негіздегі кеңсеге
арналған үй-жай:
1) Кеңсеге арналған үй-жайды сатып алу-сату/жалдау шартының
нөмірі _____________________________________________________________;
2) Шарттың жасалған күні _____________________________________;
"Туристік операторлық қызметке
(туроператорлық қызметке) лицензия
беру, қайта ресімдеу, лицензия
телнұсқаларын беру" мемлекеттік
көрсетілетін қызмет стандартына
4-қосымша
________________________________________________
(көрсетілетін қызметті алушының Т.А.Ә. не атауы)
________________________________________________
(көрсетілетін қызметті алушының мекенжайы)
Құжаттарды қабылдаудан бас тарту туралы қолхат
"Мемлекеттік көрсетілетін қызметтер туралы" 2013 жылғы 15
сәуірдегі Қазақстан Республикасының Заңы 20-бабының 2-тармағын
басшылыққа ала отырып, "Халыққа қызмет көрсету орталығы" РМК
филиалының № __ бөлімі (мекенжайын көрсету) Сіздің мемлекеттік
көрсетілетін қызмет стандартында көзделген тізбеге сәйкес құжаттардың
толық топтамасын, атап айтқанда:
жоқ құжаттардың атаулары:
1) ________________________________________;
2) ________________________________________;
3) ________________________________________.
ұсынбауыңызға байланысты, мемлекеттік қызметті (мемлекеттік
көрсетілетін қызмет стандартына сәйкес мемлекеттік көрсетілетін
қызметтің атауын көрсету керек) көрсетуге құжаттарды қабылдаудан бас
тартады.
Осы қолхат 2 данада, әр тарапқа бір-біреуден жасалды.
Т.А.Ә. (ХҚО қызметкері) (қолы)
Орындаушы: Т.А.Ә._____________
Телефоны _____________________
Алдым: Т.А.Ә. / көрсетілетін қызметті алушының қолы
20__ жылғы "___" _____________
|
