Ақтөбе және Қостанай облыстарындағы табиғи сипаттағы төтенше жағдайдың салдарын жою жөніндегі бірінші кезектегі жұмыстарды қамтамасыз ету мақсатында Қазақстан Республикасының Үкіметі ҚАУЛЫ ЕТЕДІ:
1. Мемлекеттiк материалдық резервтен Ақтөбе облысы үшін 2 дана автогрейдер және 2 дана шнекороторлы қар тазалағыш, Қостанай облысы үшін 3 дана автогрейдер және 3 дана шнекороторлы қар тазалағыш броннан шығарылсын.
2. Қазақстан Республикасы Төтенше жағдайлар және Қаржы министрліктері осы қаулыдан туындайтын шараларды қабылдасын.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
Премьер-Министрі С. Ахметов
