1. Қазақстан Республикасы Білім және ғылым министрлігіне табиғи сипаттағы төтенше жағдайлардың салдарын жоюға байланысты Ақмола облысы Атбасар ауданының Атбасар қаласындағы № 1 орта мектебінің ғимаратын күрделі жөндеуге Ақмола облысының әкімдігіне ағымдағы нысаналы трансферттер түрінде аудару үшін 2014 жылға арналған республикалық бюджеттен Қазақстан Республикасы Үкіметінің шұғыл шығындарға көзделген резервінен 134935913 (бір жүз отыз төрт миллион тоғыз жүз отыз бес мың тоғыз жүз он үш) теңге сомасында ақшалай қаражат бөлінсін.
2. Қазақстан Республикасы Қаржы министрлігі заңнамада белгіленген тәртіппен бөлінген қаражаттың мақсатты пайдаланылуын бақылауды қамтамасыз етсін.
3. Ақмола облысының әкімі 2014 жылғы 1 желтоқсанға дейінгі мерзімде Қазақстан Республикасы Білім және ғылым министрлігіне бөлінген қаражаттың мақсатты пайдаланылуы жөнінде есеп берсін.
4. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | К. Мәсімов |
